ડોર ટુ ડોર કચરાના એકત્રીકરણ માટે 38 જેટલી કલેક્શન વાનને લીલીઝંડી આપીને પ્રસ્થાન કરાઈ
આ તકે અગ્રણી સહિત મહાનગરપાલિકાનો સ્ટાફ રહ્યો ઉપસ્થિત
સુરેન્દ્રનગર મહાનગરપાલિકા ખાતે ડોર ટુ ડોર કચરાના એકત્રીકરણ માટે 38 જેટલી કલેક્શન વાનને લીલીઝંડી આપીને પ્રસ્થાન કરવામાં આવી હતી. આ પ્રસંગે નાયબ મુખ્ય દંડક જગદીશ મકવાણા, જિલ્લા કલેકટર કે.સી.સંપટ સહિતના મહાનુભાવોની પ્રેરક ઉપસ્થિતિ રહી હતી. તેમજ નાયબ મુખ્ય દંડક જગદી મકવાણાએ જણાવ્યું હતું કે આગામી સમયમાં 100 જેટલી ગાડીઓ દ્વારા કચરાનું કલેક્શન કરી શહેરને સ્વચ્છ બનાવવામાં આવશે. ઘરમાં એકઠો થયેલો કચરો રોડ પર ગમે ત્યાં ફેંકવાના સ્થાને ડોર ટુ ડોર કલેક્શન માટે આવતા વાહનોમાં આપવો જોઈએ. આ તકે અગ્રણી, નગરપાલિકા પૂર્વ પ્રમુખ, ડેપ્યુટી મ્યુનિસિપલ કમિશનરો, સહિત મહાનગરપાલિકાનો સ્ટાફ ઉપસ્થિત રહ્યો હતો.
સુરેન્દ્રનગર મહાનગરપાલિકા ખાતે નાયબ મુખ્ય દંડક જગદીશ મકવાણા, જિલ્લા કલેકટર કે. સી. સંપટ સહિતના મહાનુભાવોએ ડોર ટુ ડોર કચરાના એકત્રીકરણ માટે 38 જેટલી કલેક્શન વાનને લીલીઝંડી આપીને પ્રસ્થાન કરાવ્યું હતું. આ પ્રસંગે નાયબ મુખ્ય દંડક જગદીશ મકવાણાએ જણાવ્યું હતું કે, આજે સુરેન્દ્રનગર મહાનગરપાલિકા ખાતેથી ડોર ટુ ડોર સુકા અને ભીનાં કચરાનાં કલેકશન માટે 38 જેટલી ગાડીઓને પ્રસ્થાન કરાવવામાં આવ્યું છે. આગામી સમયમાં શહેરમાં 100 જેટલી ગાડીઓ દ્વારા કચરાનું કલેકશન કરી, યોગ્ય જગ્યાએ ડમ્પ કરીને શહેરને સ્વચ્છ બનાવવામાં આવશે. વધુમાં તેમણે નગરવાસીઓને અપીલ કરતાં જણાવ્યું હતું કે, પોતાના ઘરમાં એકઠો થયેલો કચરો રોડ પર ગમે ત્યાં ફેંકવાના સ્થાને ડોર ટુ ડોર કલેકશન માટે આવતા વાહનોમાં જ નાખી શહેરને સ્વચ્છ રાખવા અપીલ કરી હતી. આ તકે અગ્રણી વર્ષા દોશી, નગરપાલિકા પૂર્વ પ્રમુખ જીજ્ઞા પંડ્યા, વિરેન્દ્ર આચાર્ય, ડેપ્યુટી મ્યુનિસિપલ કમિશનર અર્જુન ચાવડા, એસ. કે. કટારા સહિત મહાનગરપાલિકાનાં સ્ટાફગણ ઉપસ્થિત રહ્યા હતા.
અહેવાલ: ઘનશ્યામ ભટ્ટી