- ગામ ખાતે 32 હજાર થી વધુ ક્લોરિન ટેબલેટનું વિતરણ
- હાલ 07 દર્દીઓ સારવાર માટે દાખલ
પેટલાદ તાલુકાના ધર્મજ ગામ ખાતે કમળાના કેસ માં જિલ્લા અઠવાડિયા થી સતત ઘટાડો નોંધાય રહ્યો છે, ત્યારે મુખ્ય જિલ્લા આરોગ્ય અધિકારીના જણાવ્યા મુજબ ધર્મજ ગામ ખાતે આરોગ્ય વિભાગની 19 જેટલી ટીમો હજી પણ કામ કરી રહી છે અને આ ટીમો ડોર ટુ ડોર સર્વેની કામગીરી કરવામાં આવી રહી છે. આ ઉપરાંત આરોગ્ય વિભાગની ટીમ દ્વારા શોધવામાં આવેલ પાણીના 38 જેટલા લીકેજીસની દૂરસ્તીની કામગીરી ગ્રામ પંચાયત ધર્મજ દ્વારા પૂર્ણ કરવામાં આવી છે.
વધુમાં તેમણે જણાવ્યું કે, ધર્મજ ગામ ખાતે આજે વધુ 02 નવા કેસ મળી આવ્યા છે, અત્યાર સુધીમાં કુલ ૧૨૬ જેટલા કમળાના કેસ મળી આવ્યા છે, અને હાલ 07 દર્દીઓ સારવાર હેઠળ છે. છેલ્લા અઠવાડિયાથી કમળાના કેસમાં સતત ઘટાડો નોંધાયો છે. પીવાના પાણીના ક્લોરીનેશનના 602 જેટલા ટેસ્ટ કરવામાં આવ્યા છે, તે પૈકી 455 પોઝિટિવ અને 147 ટેસ્ટ નેગેટિવ આવ્યા છે. પીવાના પાણીના બે સેમ્પલ ના રિપોર્ટ આવ્યા છે, જે પીવા લાયક છે તેમ જણાવાયું છે.
ધર્મજ ગામ ખાતે આરોગ્ય તંત્ર દ્વારા 32 હજાર જેટલી ક્લોરિન ટેબલેટનું વિતરણ પણ કરવામાં આવ્યું છે. ગામના કોઈપણ વ્યક્તિને કમળાના લક્ષણ દેખાય તો જાતે દવા ન લેતા નજીકના આરોગ્ય કેન્દ્રનો સંપર્ક કરવા અનુરોધ કર્યો છે.
