પશ્ચિમ રેલ્વે એ દેશ પ્રત્યેની સંપૂર્ણ પ્રતિબદ્ધતા સાથે કોરોના રોગચાળાના મુશ્કેલ સમય દરમિયાન દેશભરમાં જરૂરી વસ્તુઓ પરિવહન કરવાનું કાર્ય ચાલુ રાખ્યુ છે. પશ્ચિમ રેલવે દૂધ, દવાઓ, અનાજ અને તબીબી ઉપકરણો સહિત જરૂરી વસ્તુઓને સપ્લાય કરીને રાષ્ટ્ર માટે સેવાનું યોગદાન આપવા માટે હંમેશાં અગ્રણી રહી છે. પશ્ચિમ રેલવે દેશના વિવિધ ભાગોમાં લોકડાઉન સમયગાળા દરમિયાન સતત સમયબદ્ધ પાર્સલ વિશિષ્ટ ટ્રેનો ચલાવવાનું ચાલુ રાખ્યું છે. આમાંથી ૩૦ જુલાઈના રોજ પશ્ચિમ રેલવેથી ત્રણ પાર્સલ વિશેષ ટ્રેનો જેવી બાન્દ્રા ટર્મિનસ -જમ્મુ તાવી, કાંકરિયા-કટક સ્પેશિયલ ટ્રેનો અને જ્યારે દૂધની ટ્રેન પાલનપુર થઈ હિંદ ટર્મિનલ માટે રવાના થઈ હતી.
પશ્ચિમ રેલવેના મુખ્ય જનસંપર્ક અધિકારી સુમિત ઠાકુર દ્વારા જારી કરવામાં આવેલ પ્રેસ રિલીઝ અનુસાર ૨૩ માર્ચ થી ૨૯ જુલાઇ ૨૦૨૦ સુધી તેની ૪૩૧ પાર્સલ સ્પેશિયલ ટ્રેનો દ્વારા લગભગ ૮૬,૭૦૦ ટન સામગ્રીના પરિવહન કરવામાં આવ્યું છે. આ પરિવહન દ્વારા આવક ૨૭.૫૩ કરોડ રૂપિયા છે. આ સમયગાળા દરમિયાન, ૬૫ દૂધની ટ્રેનો પશ્ચિમ રેલવે દ્વારા ચલાવવામાં આવી હતી, જેમાં ૪૯,૦૦૦ ટનથી વધુનો ભાર હતો અને ૧૦૦% વેગનને આશરે ૮.૪૭ કરોડ રૂપિયાની આવક મળી હતી. એ જ રીતે, ૩૫૧ કોવિડ -૧૯ સ્પેશિયલ પાર્સલ ટ્રેનો પણ વિવિધ આવશ્યક વસ્તુઓના પરિવહન માટે ચલાવવામાં આવી હતી, જેનાથી આવક ૧૫.૭૪ કરોડ થઈ અને ૩૧,૦૦૦ ટનથી વધુ સામગ્રીનું પરિવહન કરવામાં આવ્યું. આ ઉપરાંત ૬૪૯૩ ટન સાથેના ૧૫ ઇન્ડેન્ટ રેક્સ પણ આશરે ૧૦૦% વપરાશ સાથે ચલાવામાં આવ્યા છે, જેનાથી ૩.૩૩ કરોડ ની આવક મળી છે.૨૨ માર્ચ, ૨૦૨૦ થી ૨૯ જુલાઈ ૨૦૨૦ સુધી લોકડાઉન સમયગાળા દરમિયાન, કુલ ૧૦,૫૯૦ રેક્સનો ઉપયોગ પશ્ચિમ રેલવે દ્વારા ૨૧.૬૪ મિલિયન ટન આવશ્યક વસ્તુઓ ની આપૂર્તિ માટે કરવામાં આવ્યો છે. ૨૦,૭૪૪ માલવાહક ટ્રેનો ને અન્ય ક્ષેત્રીય રેલવે સાથે જોડવામાં આવી હતી, જેમાંથી ૧૦,૩૬૦ ટ્રેનો સોંપવામાં આવી હતી અને ૧૦,૩૮૪ ટ્રેનો ને વિવિધ ઇન્ટરચેન્જ પોઇન્ટ પર લઈ જવામાં આવી હતી.
