દ્વારકા જીલ્લા પોલીસની મોટી કાર્યવાહી
ગેરકાયદેસર ભારતમાં પ્રવેશેલી 5 બાંગ્લાદેશી મહિલાને પકડી પાડી
મહિલાઓ ક્યાંથી અને કેવી રીતે ભારતમાં પ્રવેશી તે અંગે પોલીસે તપાસ કરી શરૂ

દેવભૂમિ દ્વારકા જિલ્લામાં પોલીસ દ્વારા 5 બાંગ્લાદેશી મહિલાને પકડી પાડવામાં આવી હતી. જેમાં દ્વારકાના રૂક્ષ્મણી મંદિર પાછળના વિસ્તારમાંથી શંકાસ્પદ રીતે વાતચીત કરતી તેમજ ચેહરા છુપાવી ફરતી પાંચ મહિલાઓની પૂછપરછ કરાતા સમગ્ર મામલા અંગે ખુલાસો થયો હતો. આ મહિલાઓ બાંગ્લાદેશી એજન્ટને રૂપિયા 25000 ચૂકવી અને સમુદ્રના માર્ગે ભારતમાં પ્રવેશી હોવાનું આવ્યું સામે આવ્યું હતું. તેમજ ગેરકાયદેસર રીતે ભારતમાં પ્રવેશેલી 5 બાંગ્લાદેશી મહિલા ડો.ઓફ પોનુખા સોનુખા, સાદીયા, સુમી, ખાલીદા, રૂબીની ધરપકડ કરી વધુ તપાસ હાથ ધરી હતી.

અનુસાર માહિતી મુજબ, દેવભૂમિ દ્વારકા SOGએ રૂક્ષ્મણી માતાજીના મંદિર પાસેથી પાંચ બાંગ્લાદેશી મહિલાઓની ધરપકડ કરી છે. એએસઆઈ અશોકભાઈ સવાણી અને જગદીશભાઈ કરમુરને બાતમી મળી હતી કે મંદિરની પાછળના રોડ પર કેટલીક શંકાસ્પદ મહિલાઓ જોવા મળી છે.

P Iપી.સી.સિંગરખીયાની આગેવાની હેઠળની ટીમે મહિલા પોલીસ કર્મચારીઓ સાથે તપાસ કરી. આ મહિલાઓ પાસે કોઈ કાયદેસર દસ્તાવેજો નહોતા. તેમના મોબાઈલમાંથી બાંગ્લાદેશી જન્મ પ્રમાણપત્ર, નેશનલ આઈડી કાર્ડ અને બાંગ્લાદેશી મોબાઈલ નંબરો મળી આવ્યા હતા.

તપાસમાં જાણવા મળ્યું કે આ મહિલાઓએ બાંગ્લાદેશના એજન્ટોની મદદથી ભારતમાં પ્રવેશ કર્યો હતો. તેમણે જેશોરથી બાંગા વચ્ચેની નદીનો ઉપયોગ કરી ઘુસણખોરી કરી હતી. દરેક મહિલાએ આ માટે લગભગ 25,000 રૂપિયા ચૂકવ્યા હતા.

ભારતમાં આવ્યા બાદ તેઓ અહીં રહેતા બાંગ્લાદેશી લોકોની મદદથી વિવિધ વિસ્તારોમાં રહેતી હતી. તેઓ છૂટક મજૂરી કરતી અને કેટલીક મહિલાઓ છેલ્લા 7થી 10 વર્ષથી ભારતમાં રહેતી હતી. તેઓ ભારતીય નાગરિકો સાથે લગ્ન કરી ભારતીય નામ ધારણ કરી લેતી હતી. મજૂરીમાંથી મળતી કમાણી પશ્ચિમ બંગાળના એજન્ટને મોકલવામાં આવતી હતી. એજન્ટ પોતાનું કમિશન કાપી બાકીની રકમ બાંગ્લાદેશમાં તેમના પરિવારને મોકલી આપતો હતો. હાલ પોલીસે તમામ મહિલાઓને ડિટેઈન કરી વધુ તપાસ શરૂ કરી છે.

ઝડપાયેલી મહિલાઓ :

રૂબી ડો.ઓફ પોનુખા સોનુખા વા.ઓફ મોનન હસન આલી, મુસ્લીમ ઉ.વ.35
સાદીયા ઉર્ફે શીતલબેન ડો.ઓફ શુકુર ઈશાકભાઈ સેખ વા.ઓફ મીનેષ રોહિતભાઈ સોની, મુસ્લીમ ઉ.વ.26
સુમી ઉર્ફે રીયા ડો.ઓફ રોબી કાદરભાઈ શેખ વા.ઓફ ખોરસદ ગુયે શેખ, મુસ્લીમ ઉ.વ.35
ખાલીદા ઉર્ફે નઝમાબેબી ડો.ઓફ મહંમદઅલી રજબઅલી વા.ઓફ અબ્દુલા કાદર રાણા, મુસ્લીમ ઉ.વ.33
રૂબી ડો.ઓફ રોબી કાદરભાઈ શેખ વા.ઓફ રિદય બબલુ બગડીયા, મુસ્લીમ ઉ.વ.35