ગુજરાત વિધાનસભાની ચૂંટણીનું પ્રથમ તબક્કાનું મતદાન પૂર્ણ થઈ ગયું છે જેમાં 19 જિલ્લાની 89 બેઠકો પર સરેરાશ 62.89 ટકા મતદાન થયું છે જે 2017 ની ચૂંટણી કરતા ૭ ટકા જેટલો ઘટાડો દર્શાવે છે.
ગુજરાતમાં ચૂંટણીઓ જાહેર થઈ ત્યારથી જ સામાન્ય જનતાને ચૂંટણી બાબતે બહુ ઓછા ન હોય તેવું જોવામાં આવી રહ્યું હતું જેની ચોખ્ખી અસર અને દેખીતું પરિણામ મતદાન પર જોવા મળ્યું છે 2017 કરતાં આ વખતની ચૂંટણીમાં મતદાન ઘટ્યું છે તો આવો જોઈએ ગુજરાતના 19 જિલ્લાઓમાં કેટલું મતદાન કયા કયા જિલ્લામાં ઘટ્યું છે.
19 જિલ્લામાં કેટલું વોટિંગ અને 2017થી વધ–ઘટ | |||
| જિલ્લો | 2017 | 2022 | વધ–ઘટ |
| અમરેલી | 61.84% | 57.06% | -4.78% |
| ભરૂચ | 73.42% | 63.08% | -10.30% |
| ભાવનગર | 62.18% | 57.81% | -4.37% |
| બોટાદ | 62.74% | 57.15% | -5.59% |
| ડાંગ | 73.81% | 64.84% | -8.97% |
| દ્વારકા | 59.81% | 59.11% | -0.70% |
| સોમનાથ | 69.26% | 60.46% | -8.80% |
| જામનગર | 64.70% | 56.09% | -8.61% |
| જૂનાગઢ | 63.15% | 56.95% | -6.20% |
| કચ્છ | 64.34% | 55.54% | -8.80% |
| મોરબી | 73.66% | 67.65% | -6.01% |
| નર્મદા | 80.67% | 73.02% | -7.65% |
| નવસારી | 73.98% | 66.62% | -7.36% |
| પોરબંદર | 62.23% | 53.84% | -8.39% |
| રાજકોટ | 67.29% | 57.68% | -9.61% |
| સુરેન્દ્રનગર | 66.01% | 60.71% | -5.30% |
| સુરત | 66.79% | 60.01% | -6.78% |
| તાપી | 79.42% | 72.32% | -7.10% |
| વલસાડ | 72.97% | 72.73% | -7.10% |
| કુલ | 68.33% | 62.89% | -7.80% |
ચૂંટણીપંચની વેબસાઈટ પ્રમાણે 89 બેઠક પર 62.89 ટકાથી વધુ મતદાન નોંધાયું
તાપીમાં સૌથી વધુ 76.91 ટકા મતદાન થયું
બોટાદમાં સૌથી ઓછું 57.58 ટકા મતદાન નોંધાયું
પ્રથમ તબક્કાની 19 જિલ્લાની સીટોમાંથી ફક્ત 10 જિલ્લામાં જ ૬૦ ટકાથી વધુ વોટીંગ થયું છે તેમાં પણ દક્ષિણ ગુજરાત અને આદિવાસી પટ્ટામાં સૌથી વધુ મતદાન થયું છે.
આદિવાસી વિસ્તારની 14 સીટ પર સરેરાશ 70% જેટલું ઊંચું મતદાન થયું છે
ગુજરાત અને સૌરાષ્ટ્રમાં રાજકીય હલચલ માટે જવાબદાર ગણાતા એવા પાટીદારોની 37 બેઠક પર 8% મતદાન ઓછુ થયું છે મોટી સંખ્યામાં પાટીદારો મતદાન થી દૂર રહ્યા હોય તેવું ચિત્ર સ્પષ્ટ થયું છે.
2017 ની ચૂંટણીમાં આ પ્રથમ તબક્કાની 89 સીટોમાંથી 50 સીટો ભાજપને મળી હતી જેમાં ૮ ટકા જેટલું નીચું મતદાન નોંધાયું છે અહીંની સીટો પર સરેરાશ 60 ટકા જેટલું મતદાન નોંધાયું છે જ્યારે કોંગ્રેસે 89 પૈકી 36 બેઠકો જીતી હતી જેમાં 6.50% જેટલું મતદાન ઓછું થયું છે આ બેઠકો પર કુલ મતદાન 61% જેટલું રહ્યું છે જેથી કહી શકાય કે આ વખતે નું મતદાન નિરસ અને ઉત્સાહ વગરનું રહ્યું હતું પરંતુ તેનું પરિણામ પર કેવી અસર રહેશે તે જોવું રહ્યું.
