રાજકોટ: મહાકુંભને લઈને રેલવેએ પણ વિશેષ તૈયારીઓ કરી છે. મુસાફરોની સુવિધા માટે અને મહાકુંભ મેળા 2025 દરમિયાન મુસાફરોની વધારે ભીડને ધ્યાનમા રાખીને પશ્ચિમ રેલવેએ ચાર ભારત ગૌરવ ટ્રેન દોડાવવાનો નિર્ણય કર્યો છે. મહાકુંભ માટે દોડનાર 4 ભારત ગૌરવ ટ્રેનમાંથી 2 ટ્રેન પુણેથી, એક મુંબઈથી, એક ટ્રેન રાજકોટથી અને એક ટ્રેન નાગપુરથી દોડાવવામાં આવશે.
રાજકોટ-મુંબઈથી મળશે સેવા
મહાકુંભ 2025 માટે IRCTCએ રજૂ કરેલા સ્પેશિયલ ટ્રાવેલ પેકેજમાં ચાર ટ્રેન મહારાષ્ટ્રથી જ્યારે એક ટ્રેન રાજકોટથી ઉપડશે. આ વિશેષ ટ્રેનો અંતર્ગત 2 ટ્રેન પુણેથી શરૂ થશે અને મુંબઈ થઈને બનારસ જશે. ઉપરાંત એક ટ્રેન રાજકોટથી અને એક ટ્રેન નાગપુરથી ચલાવવામાં આવી રહી છે, જેથી લોકો આરામથી પ્રયાગરાજની મુસાફરી કરી શકે અને કુંભ મેળા 2025નો આનંદ માણી શકે.
ગંગા ઘાટ પાસે મળશે જ ટેન્ટ સિટીનો લાભ
IRCTCએ જણાવ્યું હતુ કે આ ટેન્ટ સિટી ઘાટની ખૂબ જ નજીક હશે, તેથી ટેન્ટમાં રહેતા લોકોએ ગંગામાં સ્નાન કરવા માટે દૂર જવું પડશે નહીં. ટેન્ટ સિટીની સાથે IRCTC એ મહાકુંભ માટે વિવિધ ટૂર પેકેજો પણ તૈયાર કર્યા છે, જેમાં રેલ મુસાફરી, હવાઈ પેકેજ અને મહાકુંભ પુણ્ય ક્ષેત્ર યાત્રાનો સમાવેશ થાય છે. આ પેકેજમાં મુસાફરોને વારાણસી, પ્રયાગરાજ, અયોધ્યા અને અન્ય મુખ્ય ધાર્મિક સ્થળો પર લઈ જશે.
આ ટૂર પેકેજને મહાકુંભ પુણ્ય ક્ષેત્ર યાત્રા ટૂર પેકેજ નામ આપવામાં આવ્યું છે. ટૂર પેકેજમાં ભક્તો ભારત ગૌરવ ટૂરિસ્ટ ટ્રેન દ્વારા મુસાફરી કરશે. આ ટૂર પેકેજ 7 રાત અને 8 દિવસનું છે. ટૂર પેકેજમાં ભક્તો પ્રયાગરાજ, વારાણસી અને અયોધ્યા જશે.
IRCTC મહા કુંભ યાત્રા ટૂર પેકેજ: IRCTC એ પ્રવાસીઓ અને શ્રદ્ધાળુઓ માટે મહા કુંભ યાત્રા ટૂર પેકેજ રજૂ કર્યું છે. આ ટુર પેકેજ રાજકોટથી શરૂ થશે. ભક્તો ટુર પેકેજ દ્વારા મહાકુંભની મુલાકાત લઈ શકશે. IRCTC એ જુઓ અપના દેશ અંતર્ગત આ ટૂર પેકેજ રજૂ કર્યું છે. આ ટૂર પેકેજ 8 દિવસનું છે. ઉલ્લેખનીય છે કે વર્ષ 2025માં 13મી જાન્યુઆરીથી મહાકુંભનો પ્રારંભ થવા જઈ રહ્યો છે. હિંદુ ધર્મમાં મહાકુંભને ખૂબ જ પવિત્ર માનવામાં આવે છે અને તે 12 વર્ષ પછી થાય છે. આ વર્ષનો મહાકુંભ ઘણી રીતે મહત્વપૂર્ણ છે કારણ કે તે સનાતન ધર્મની ભવ્ય છબી અને સંસ્કૃતિની ઝલક આપશે. IRCTCએ ઘણા રાજ્યોમાંથી કુંભ માટે ખાસ ટૂર પેકેજ રજૂ કર્યા છે. આ ટૂર પેકેજમાં પ્રવાસીઓને સસ્તા દરે કુંભ દર્શન કરાવવામાં આવશે અને તેમનું રહેવા-જમવાનું મફતમાં આપવામાં આવશે. આનાથી ધાર્મિક પ્રવાસનને પણ પ્રોત્સાહન મળશે.
આ ટૂર પેકેજને મહાકુંભ પુણ્ય ક્ષેત્ર યાત્રા ટૂર પેકેજ નામ આપવામાં આવ્યું છે. ટૂર પેકેજમાં ભક્તો ભારત ગૌરવ ટૂરિસ્ટ ટ્રેન દ્વારા મુસાફરી કરશે. આ ટૂર પેકેજ 7 રાત અને 8 દિવસનું છે. ટૂર પેકેજમાં ભક્તો પ્રયાગરાજ, વારાણસી અને અયોધ્યા જશે. પ્રવાસીઓ આઈઆરસીટીસીની સત્તાવાર વેબસાઈટ દ્વારા આ ટૂર પેકેજ બુક કરી શકશે. ભક્તો 9321901852 નંબર પર કોલ કરીને પણ ટૂર પેકેજ બુક કરાવી શકે છે. ટૂર પેકેજનું ભાડું અલગ રાખવામાં આવ્યું છે. આ ટૂર પેકેજ 15મી ફેબ્રુઆરીથી શરૂ થશે અને 22મી ફેબ્રુઆરી સુધી ચાલશે.
જો તમે આ ટૂર પેકેજમાં એકલા મુસાફરી કરો છો, તો તમારે પ્રતિ વ્યક્તિ ભાડું 23600 રૂપિયા ચૂકવવા પડશે. આ ભાડું ઈકોનોમી ક્લાસનું છે. જો તમે કમ્ફર્ટ ક્લાસમાં મુસાફરી કરો છો, તો તમારે પ્રતિ વ્યક્તિ ભાડું 35600 રૂપિયા ચૂકવવા પડશે. જો તમે કમ્ફર્ટ ક્લાસમાં AC 2માં મુસાફરી કરો છો, તો તમારે પ્રતિ વ્યક્તિ ભાડું 41600 રૂપિયા ચૂકવવા પડશે.
