આ ટેક્નોલોજી સુરક્ષિત હાથોમાં રહે તો જ ફાયદો, નહિતર નુકસાન માટે પણ તૈયાર રહેવું પડશે
એઆઈ અને ડ્રોન ટેક્નોલોજીનું મિશ્રણ એક નવી ક્રાંતિ સર્જશે. કારણકે કોઈ પણ પ્રકારના નુકસાન વગર દુશ્મનોને તે ઢેર કરવા સક્ષમ છે. જો કે સિક્કાની બે બાજુની જેમ તેના ફાયદા સાથે નુકસાન પણ છે. જો આ ટેક્નોલોજી દુશ્મનોના હાથમાં આવી ગઈ તો ભારે હાનિ પણ થશે.
એસએએફઆર એ વિઝ્યુઅલ ઇન્ટેલિજન્સ પ્લેટફોર્મ છે જે ચહેરા અને વ્યક્તિના આધારે કમ્પ્યુટર વિઝન હેઠળ કામ કરે છે. કંપનીનો દાવો છે કે તેમનો સોફ્ટવેર ચહેરાની ઓળખ પર 99.87 ટકા સચોટ છે. સાથે જ તેમાં એટલી ક્ષમતા છે કે તે કિલોમીટર દૂરથી પણ કોઈનો ચહેરો ઓળખી શકે છે. કંપનીએ યુએસ એરફોર્સ સાથે જે કોન્ટ્રાક્ટ કર્યો છે તે મુજબ આ સોફ્ટવેર નાના ડ્રોન પર ફીટ કરવામાં આવશે. ઉપરાંત, તેઓનો ઉપયોગ વિદેશમાં વિશેષ કામગીરી અને ગુપ્ત માહિતી માટે જ કરવામાં આવશે.
ફર્મ દ્વારા કહેવામાં આવ્યું છે કે માનવરહિત ડ્રોન આર્ટિફિશિયલ ઈન્ટેલિજન્સનો ઉપયોગ કરશે. તે આપમેળે દુશ્મન અને મિત્રની ઓળખ કરશે. કંપની દ્વારા એવું પણ કહેવામાં આવ્યું છે કે આ ડ્રોનનો ઉપયોગ બચાવ મિશન, સુરક્ષા અને સ્થાનિક સ્તરના સર્ચ ઓપરેશન માટે પણ થઈ શકે છે. એ નોંધવું પણ યોગ્ય છે કે નાના ડ્રોન ક્યારેય રીપર અથવા પ્રિડેટર જેવા મોટા ડ્રોન જેવા હથિયારોથી સજ્જ નથી હોતા. પરંતુ હવે આ નવી ટેક્નોલોજી બાદ અમેરિકાનું ડ્રોન યુદ્ધ એક નવા સ્તરે પહોંચી શકે છે.
જો કે, એ પણ નોંધનીય છે કે યુએસ એરફોર્સ આ પ્રકારની તકનીકનો ઉપયોગ કરનારી પ્રથમ સેના નથી. વર્ષ 2021 માં, સંયુક્ત રાષ્ટ્ર (યુએન) એ દાવો કર્યો હતો કે લિબિયન દળોએ ચહેરાની ઓળખ સોફ્ટવેર અને હથિયારોથી સજ્જ ડ્રોનને સજ્જ કર્યું છે. યુએનએ પોતાના રિપોર્ટમાં કહ્યું હતું કે લિબિયાના વડાપ્રધાન ફૈઝ સેરાજ વતી એડવાન્સ ડ્રોનનો ઓર્ડર આપવામાં આવ્યો છે. ઓછામાં ઓછું ટર્કિશ નિર્મિત એસટીએમ કાર્ગો-2 હથિયારો અને ચહેરાની ઓળખના સોફ્ટવેરથી સજ્જ હતું. આ પછી, ડ્રોન વિરોધી સેના તરફ આગળ વધ્યું.
તે જ વર્ષે ફોબ્ર્સના રિપોર્ટમાં એવું પણ કહેવામાં આવ્યું હતું કે ઈઝરાયેલ પણ આવી જ ટેક્નોલોજીવાળા ડ્રોન પર કામ કરી રહ્યું છે. રિપોર્ટ અનુસાર, તેની પેટન્ટ યુએસમાં તેલ અવીવ સ્થિત એનિવિઝન દ્વારા ઓગસ્ટ 2019માં ફાઇલ કરવામાં આવી હતી. જેમાં આ વિશે સંપૂર્ણ માહિતી આપવામાં આવી હતી, કંપની એક એવી ટેકનિક પર કામ કરી રહી છે જે ડ્રોનને ચહેરાની ઓળખ માટે શ્રેષ્ઠ એંગલ શોધવામાં મદદ કરશે. આ પછી ડેટાબેઝની મદદથી ટાર્ગેટ શૂટ કરવામાં આવશે.
