મોદીના ઘરથી સંસદ સુધીની સુરંગ નખાશે!!

સુરક્ષા વ્યવસ્થા અને સરળ પરિવહન માટે અંડરગ્રાઉન્ડ ટનલ બનાવાશે

વડા પ્રધાન અને ઉપરાષ્ટ્રપતિની જેમ જ વીવીઆઈપી માટેની સુરક્ષા પ્રોટોકોલ, સંસદમાં આવવા અને જવા માટે વડાપ્રધાન, ઉપરાષ્ટ્રપતિ અને સાંસદોના ચેમ્બરને નવી સંસદમાં જોડતી ત્રણ નવી ભૂગર્ભ ટનલ બનાવાશે. જેના કારણે આવક-જાવક તો સરળ બનશે જ સાથોસાથ સુરક્ષિત પણ બનશે.

ઘણીવાર સંસદના ઘેરાવ સમયે વીવીઆઈપીઓને આવક-જાવકમાં સમસ્યાઓની સામનો કરવો પડતો હોય છે. બેરીકેડ્સ સહિતની સુરક્ષા વ્યવસ્થા ગોઠવવી પડતી હોય છે ત્યારે અંડરગ્રાઉન્ડ ટનલ હોવાથી હવે આવક-જાવકમાં કોઈ પણ સમસ્યા સર્જાય નહિ તે ઉદ્દેશ્યથી ટનલનું નિર્માણ કરવામાં આવશે તેવું સૂત્રો તરફથી માહિતી મળી રહી છે.

સેન્ટ્રલ વિસ્ટાના પુનર્વિકાસ યોજના અનુસાર નવું પીએમ હાઉસ અને પીએમઓ સાઉથ બ્લોકના પાસા પર આવશે અને ઉપરાષ્ટ્રપતિનું નિવાસ ઉત્તર બ્લોક પાસા પર હોઈ શકે છે.  સંસદસભ્યોની ચેમ્બરો તે સ્થળે આવશે જે તે સ્થળે પરિવહન અને શ્રમ શક્તિ ભવનો હાલમાં સંસદમાં છે.

સૂચિત ટનલ એક જ લેન બનાવવી શક્ય છે કારણ કે, ટનલનો ઉપયોગ ફક્ત ચોક્કસ વ્યક્તિઓ દ્વારા થઈ શકે છે. સુત્રોની માહિતી મુજબ રાષ્ટ્રપતિ ભવનને આ પ્રકારની ટનલની આવશ્યકતા રહેતી નથી કારણ કે, રાષ્ટ્રપતિ ભવનનું અંતર વધુ છે જ્યારે બીજી બાજુ રાષ્ટ્રપતિની સંસદની મુલાકાત પૂર્વનિર્ધારિત હોય છે જેથી અગાઉથી જ તમામ સુરક્ષા વ્યવસ્થા ગોઠવી દેવામાં આવતી હોય છે.

હાલમાં સેન્ટ્રલ વિસ્ટા અને લ્યુટિઅન્સ બંગલો ઝોનમાં સલામતીનાં કારણોસર ઘણીવાર બેરિકેડ લગાડવા પડતા હોય છે.