- રેડ એન્ડ વાઈટ ઇન્સ્ટિટયૂટને બદનામ ન કરવા એક કરોડની કરી હતી માગણી
- ઇન્સ્ટિટ્યૂટ દ્વારા સાસોલી પોલીસને આપવામાં આવી હતી માહિતી
- રવિ પૂંછડીયા, પ્રીત ચાવડા, ધીરેન્દ્ર સોલંકી, મિતેશ હડિયા અને તુષાર મકવાણાની ધરપકડ
NSUIના 5 હોદ્દેદારની ખંડણી માંગતા ધરપકડ કરવામાં આવી હતી. જેમાં રેડ એન્ડ વાઈટ ઇન્સ્ટિટયૂટને બદનામ ન કરવા તેની પાસેથી એક કરોડ રૂપિયાની માગણી કરી હતી. ત્યારબાદ સંસ્થા અને હોદ્દેદારો વચ્ચે સમાધાન થતા 60 લાખ રૂપિયા આપવાનું નક્કી કર્યું હતું. તેમજ NSUI ના પ્રમુખ ધીરેન્દ્ર સોલંકી અને પ્રીત ચાવડાએ આ ઇન્સ્ટિટ્યૂટ પાસેથી 1.50 લાખ પડાવ્યા હતા. આ ઉપરાંત ફરી 60 લાખ રૂપિયાની માગણી કરી 5 લાખ રૂપિયા લેવા માટે ગયા હતા. આ દરમિયાન ઇન્સ્ટિટ્યૂટ દ્વારા આ બાબતે સાસોલી પોલીસને માહિતી આપવામાં આવી હતી. ત્યારે પોલીસે રવિ પૂંછડીયા, પ્રીત ચાવડા, ધીરેન્દ્ર સોલંકી, મિતેશ હડિયા અને તુષાર મકવાણાની ધરપકડ કરી હતી.
અનુસાર માહિતી મુજબ, સુરતમાં NSUIના હોદ્દેદારો શૈક્ષણિક સંસ્થાને બ્લેકમેલ કરીને 5 લાખ રૂપિયાની લાંચ લેતા ઝડપાયા. સારોલી પોલીસ દ્વારા સુરત શહેર NSUI પ્રમુખ સહિત પાંચ લોકોની ધરપકડ કરી બેને વોન્ટેડ જાહેર કર્યા છે અને તેમની પાસેથી 5 લાખ રૂપિયાની રોકડ રકમ રિકવર કરી છે.
સુરતના સારોલી પોલીસ સ્ટેશન હદ વિસ્તારમાં રેડ એન્ડ વ્હાઇટ મલ્ટીમીડિયા ઇન્સ્ટિટ્યૂટને સોશિયલ મીડિયાના માધ્યમથી બદનામ કરી તેમના સંચાલકો પાસેથી NSUIના કાર્યકર્તાઓ દ્વારા પૈસાની માગણી કરવામાં આવી હોવાનો એક મામલો સામે આવ્યો છે.
1 જાન્યુઆરી 2025થી સુરત NSUIના પ્રમુખ ધીરેન્દ્ર સિંહ સોલંકી અને તેમની સાથે પ્રીત ચાવડા, રવિ પૂંછડીયા, મિતેશ હડીયા, તુષાર મકવાણા, અભિષેક ચૌહાણ અને કિશોરસિંહ ડાભીએ સાથે મળીને રેડ એન્ડ વ્હાઈટ ઇન્સ્ટિટ્યૂટના સંચાલકો સામે બોગસ રીતે ઇન્સ્ટિટ્યૂટ ચલાવવામાં આવતું હોવાના સવાલો ઉભા કર્યા હતા. આ બાબતે એક પ્રેસ કોન્ફરન્સ કર્યા બાદ અલગ અલગ ક્લિપો સોશિયલ મીડિયામાં વાયરલ કરી હતી અને રેડ એન્ડ વ્હાઈટ મલ્ટીમીડિયા એજ્યુકેશન તેમજ ક્રિએટિવ ડિઝાઇન એન્ડ મલ્ટીમીડિયા ઇન્સ્ટિટ્યૂટ અને એડિટેક આ ત્રણે સંસ્થાઓ ખોટી રીતે વિદ્યાર્થીઓને માર્કશીટ બનાવે છે. તે પ્રકારના આક્ષેપો કરી ત્રણેય સંસ્થાઓને સોશિયલ મીડિયામાં બદનામ કરવા અલગ અલગ રિલ્ડ અને પોસ્ટ વાયરલ કરી સંસ્થા વિરુદ્ધ વધારે આ પ્રકારનો પ્રચાર નહીં કરવા માટે અને સંસ્થાના સંચાલકોને ફસાવી 10 વર્ષ સુધીની જેલ કરાવી દઈ ધંધાને તાળા મારવાનો ધમકી આપીને એક કરોડ રૂપિયા પતાવટ માટે માગવામાં આવ્યા હતા.
ત્યારબાદ ધીરેન્દ્ર સિંહ સોલંકી અને પ્રીત ચાવડાએ આ સંસ્થા પાસેથી દોઢ લાખ રૂપિયા બળજબરીથી પડાવી લીધા હતા અને 60 લાખ રૂપિયામાં સમાધાન થશે તેવું જણાવ્યું હતું અને ત્યારબાદ 60 લાખમાંથી 5 લાખ રૂપિયાની રકમ આપવા માટે સંચાલકોને કહ્યું હતું જો કે સંચાલકોએ આ સમગ્ર ઘટનાની જાણ સારોલી પોલીસને કરવામાં આવી હતી અને ત્યારબાદ સારોલી પોલીસ દ્વારા સુરત શહેર NSUI પ્રમુખ ધીરેન્દ્રસિંહ સોલંકી, રવિ પૂછડિયા, પ્રીત ચાવડા, મિતેશ હડિયા, તુષાર મકવાણાની પાંચ લાખ રૂપિયાના મુદ્દામાલ સાથે ધરપકડ કરી છે અને અભિષેક ચૌહાણ તેમજ કિશોરસિંહ ડાભીને વોન્ટેડ જાહેર કર્યા છે.
અહેવાલ : ભાવેશ ઉપાધ્યાય
