સંસદના આગામી સત્રમાં વિવાદાસ્પદ બિલ મુદે ચર્ચા થશે…
સંસદના આગામી સત્રમાં પ્રાઈવેટ મેમ્બર દ્વારા સૂચિત સ્કૂલોમાં ભગવદ ગીતાના પાઠ ફરજીયાત બનાવતું બિલ પસાર કરવામાં આવશે જે કોઈ સ્કૂલો આ નિયમ ના અનુસરે તેમને સતાવાર રીતે અપ્રમાણિત જાહેર કરવામાં આવે એવું પણ આ બિલમાં સૂચન કરાયું છે. આ બિલ ભાજપના જ સંસદ સભ્ય રમેશ બિધુરી દ્વારા લાવવામાં આવી રહ્યું છે.
તેમણે કહ્યું હતુ કે આ બિલ લાવવાનો હેતુ આગામી પેઢીને ભગવત ગીતાનું જ્ઞાન આપવાનો છે. યુવાનોને સારા નાગરિક બનાવવા તેમજ તેમનું વ્યકિતત્વ નિખારવા આ બિલ તૈયાર કરાયું છે.
આ બિલ કમ્પલસરી ટીચિંગ ઓફ ભગવત ગીતા એઝ એ મોરલ એજયુકેશન ટેકસ બુક ઈન એજયુકેશન બિલ ૨૦૧૬ એવું નામ અપાયું છે. આ બિલમાં ગીતાને નૈતિક શિક્ષણ માટે ફરજીયાત ગણવામાં આવી છે. જો કે આ નિયમ લઘુમતી સ્કુલોને લાગુ નહી પડે એવી પણ સ્પષ્ટતા કરવામાં આવી છે.
