- દિલ્હી-એનસીઆરની ઘણી શાળાઓમાં બોમ્બથી ઉડાવી દેવાની ધમકી મળી
- વિદ્યાર્થીઓને ઘરે મોકલી દેવામાં આવ્યા
- પોલીસ તપાસ શરૂ
શુક્રવારે સેન્ટ સ્ટીફન કોલેજ, નોઈડા અને દિલ્હીની બે શાળાઓને ઈમેલ દ્વારા બોમ્બથી ઉડાવી દેવાની ધમકી મળી હતી. બોમ્બ અને ડોગ સ્ક્વોડ ઘટનાસ્થળે પહોંચી ગયા.
સ્ટાન્ડર્ડ ઓપરેટિંગ પ્રોસિજર મુજબ, પરિસર ખાલી કરાવીને બંધ કરી દેવામાં આવ્યું. પોલીસ સઘન તપાસ કરી રહી છે.
શાળાઓએ તાત્કાલિક વિદ્યાર્થીઓના વાલીઓને સંદેશા મોકલીને કેમ્પસમાં વિદ્યાર્થીઓની સલામતી માટેના ખતરા વિશે માહિતી શેર કરી. શાળા દ્વારા મોકલવામાં આવેલા સંદેશમાં લખ્યું હતું કે, “દરેકની સલામતી સુનિશ્ચિત કરવા માટે અમે આખું કેમ્પસ બંધ કરી રહ્યા છીએ.”
શાળાઓએ માતાપિતાને તેમના બાળકોને ઘરે રાખવાની સલાહ આપી. જે બાળકો પહેલાથી જ બસોમાં ચઢી ગયા હતા તેમને ઘરે પાછા મોકલી દેવામાં આવ્યા. મયુર વિહાર ફેઝ 1 માં આવેલી અહલકોન ઇન્ટરનેશનલ સ્કૂલ અને નોઇડામાં આવેલી શિવ નાદર સ્કૂલને ધમકીભર્યા ઇમેઇલ મળ્યા હતા.
દિલ્હી પોલીસે એ પણ માહિતી આપી હતી કે દિલ્હી યુનિવર્સિટીની સેન્ટ સ્ટીફન કોલેજને બોમ્બની ધમકી મળી છે અને બો*મ્બ ડિસ્પોઝલ સ્ક્વોડને ઘટનાસ્થળે મોકલવામાં આવી છે.
પોલીસના નિવેદનમાં કહેવામાં આવ્યું છે કે, “આજે સવારે 07:42 વાગ્યે, સેન્ટ સ્ટીફન કોલેજને ઇમેઇલ દ્વારા બો*મ્બની ધમકી મળી. અમારી બોમ્બ ડિસ્પોઝલ સ્ક્વોડ ઘટનાસ્થળે છે.”
નકલી ધમકી કેસમાં ધરપકડના એક દિવસ પછી બો*મ્બથી ઉડાવી દેવાની ધમકી મળી
આ ઘટના નોઈડાની ચાર શાળાઓમાં બો*મ્બ ધમકીના નકલી ઈમેલ મોકલવા બદલ 15 વર્ષના ધોરણ 9 ના વિદ્યાર્થીની અટકાયત કર્યાના એક દિવસ પછી જ બની છે.
પોલીસના જણાવ્યા અનુસાર, તેણે પોતાનું સ્થાન અને IP સરનામું છુપાવવા માટે વર્ચ્યુઅલ પ્રાઇવેટ નેટવર્ક (VPN) ટેકનોલોજીનો ઉપયોગ કર્યો હતો જેથી તેને શાળાએ જવું ન પડે. વિદ્યાર્થીને કસ્ટડીમાં લેવામાં આવ્યો હતો અને તેને જુવેનાઇલ કોર્ટમાં રજૂ કરવામાં આવ્યો હતો.
નોઈડાના ડીસીપી રામ બદન સિંહે પીટીઆઈને જણાવ્યું હતું કે, “નોઈડાની ચાર શાળાઓ – સ્ટેપ બાય સ્ટેપ, ધ હેરિટેજ સ્કૂલ, જ્ઞાનશ્રી અને મયુર સ્કૂલ – ને બુધવારે બપોરે લગભગ 12:30 વાગ્યે બોમ્બ ધમકીનો ઈમેલ મળ્યો હતો. ત્યારબાદ, શાળા પ્રશાસને ઈમેલ તપાસ્યો અને બુધવારે પોલીસને બોમ્બ ધમકી વિશે જાણ કરી.”
