પ્રવાસન ક્ષેત્રે ગાઈડ તરીકે કારકિર્દી બનાવવા માંગતા ઉમેદવારોને મળશે વિના મુલ્યે તાલીમ

• 12 પાસ કે તેથી વધુ લાયકાત ધરાવતા તેમજ 18 વર્ષ થી વધુ ઉંમરના ઉમેદવારો અરજી કરી શકશે

દાહોદ : પ્રવાસન ક્ષેત્રે સ્વતંત્ર કારકિર્દી બનાવવા માંગતા યુવક અને યુવતીઓ માટે ટુરિઝમ કોર્પોરેશન ઓફ ગુજરાત લિમિટેડ ગાંધીનગર દ્વારા આગામી સમયમાં ગુજરાતના અલગ અલગ જીલ્લામા આવેલ પ્રવાસન સ્થળની મુલાકાતે આવતા પ્રવાસીને સ્થળ વિશે સાચી માહીતી આપી શકે તે માટે ઉત્તર-દક્ષિણ, મધ્ય, પૂર્વ અને સૌરાષ્ટ્રના ૦૨ અને કચ્છ-ભુજ એમ ૦૭ અલગ અલગ ઝોનમા સમાવિષ્ટ જીલ્લામા ટુરિસ્ટ ગાઈડ તરીકે જોડાવા માંગતા ઉમેદવારો માટે નિષ્ણાંત ફેકલ્ટી દ્વારા “ટુરિસ્ટ ગાઈડ ટ્રેનિંગ પ્રોગ્રામ” નું આયોજન કરવામાં આવનાર છે.

વિના મુલ્યે તાલીમ મેળવીને પ્રમાણપત્ર મેળવવા માંગતા ૧૨ પાસ કે તેથી વધુ લાયકાત ધરાવતા તેમજ ૧૮ વર્ષ થી વધુ ઉંમરના ઉમેદવારોને આપેલ લીંક https://www.gujarattourism.com/forms/guide-tourist.html. ફોર્મમાં માહિતી ભરીને, શરતો વાંચીને સેલ્ફ ડીકલેરેશનપર ટીક કરીને તારીખ-સ્થળની વિગતો ભરીને સબમીટ કરવાની રહેશે.

ટુરિઝમ કોર્પોરેશન ઓફ ગુજરાત લિમિટેડ(TCGL) દ્વારા ટુરિસ્ટ ગાઈડ માટેની ફ્રી ટ્રેનિંગ માટે ઓનલાઈન લીંક ફોર્મ ભરેલ યોગ્ય ઉમેદવારોમાંથી બોલાવવામાં આવશે. તાલીમ લીધા બાદ ટુરિઝમ કોર્પોરેશન ઓફ ગુજરાત લિમિટેડ(TCGL) ગાંધીનગર દ્વારા તાલીમ બાદ સફળ ઉમેદવારોને પ્રમાણપત્ર આપવામાં આવશે. આ પ્રમાણપત્રના આધારે ઉમેદવારો ગાઈડની સેવાના બદલામા ગુજરાતમાં આવતા ટુરિસ્ટ અને ટ્રાવેલ એજન્ટ પાસેથી સરકાર દ્વારા નકકી કરેલ દર મુજબની ફી લઈ શકશે.

ટુરીસ્ટ ગાઈડ માટેની વિના મુલ્યે તાલીમ લેવા માટે તેમજ ફોર્મ માહિતી અને શરતો માટે ટુરિઝમ કોર્પોરેશન ઓફ ગુજરાત લિમિટેડ (TCGL) ની અધિકૃત વેબસાઇટ જોવા તથા ઉપર જણાવેલ લીંક પર ઓનલાઈન ફોર્મ ભરવા તેમજ અરજી સબંધીત માર્ગદર્શન માટે અથવા ટુરીસ્ટ ગાઈડ તરીકેની કરિઅર બનાવવા માંગતા ઉમેદવારોને જીલ્લા રોજગાર કચેરી, ત્રીજો માળ, જીલ્લા સેવા સદન, છાપરી, દાહોદનો સંપર્ક કરવા રોજગાર અધિકારીશ્રી દ્વારા જણાવવામા આવ્યું છે.