સૌરાષ્ટ્રના મોટાભાગના જિલ્લાઓના કલેકટર, મ્યુનિ. કમિશનર અને ડીડીઓની બદલીનો મોટો ઘાણવો ઉતર્યો

રાજ્યમાં વિધાનસભાની ચૂંટણીને ધ્યાને લઈ સરકાર દ્વારા 77 સનદી અધિકારીઓની બદલીનો ગંજીપો ચિપવામાં આવ્યો છે. સૌરાષ્ટ્રના મોટાભાગના જિલ્લાઓના કલેકટર, મ્યુનિ.કમિશનર અને ડીડીઓની બદલીનો મોટો ઘાણવો ઉતારવામાં આવ્યો છે. આ ધરખમ ફેરફાર સાથે 8 અધિકારીઓને સચિવ કક્ષાએ બઢતી પણ આપવામાં આવી હોવાનું જાણવા મળ્યું છે.

ગુજરાતમાં કોરોનાનો કહેર ઘટતા જ વહીવટી તંત્રમાં મોટાપાયે ફેરફારો થયો છે. આજે સરકાર દ્વારા એક સાથે 77 આઈએએસ અધિકારીઓની બદલી કરી છે. જેમાં મુખ્યત્વે જોઈએ તો રાજકોટ જિલ્લા કલેકટર રેમ્યા મોહનને નેશનલ હેલ્થ મિશન ડાયરેકટર તરીકે, જામનગર કલેકટર રવિશંકરની સ્ટેચ્યુ ઓફ યુનિટીના ચીફ એડમીનીસ્ટ્રેટર તરીકે, રાજકોટ મ્યુનિ.કમિશનર ઉદિત અગ્રવાલની મહેસાણા કલેકટર તરીકે, કચ્છ કલેકટર પ્રવિણા ડી.કે.ની.પંચમહાલ કલેકટર તરીકે, દેવભૂમિ દ્વારકા કલેકટર ડો.એન.કે.મીણાની અરવલ્લી કલેકટર તરીકે, ગીર સોમનાથ કલેકટર અજય પ્રકાશની સચિવાલયમાં હેલ્થના સીપીઓ તરીકે, જૂનાગઢ કલેકટર ડો.સૌરભ પારઘીને જામનગર કલેકટર તરીકે, અમરેલી કલેકટર આયુષ પોકની સુરત કલેકટર તરીકે, સુરેન્દ્રનગર કલેકટર કે.રાજેશની હોમ ડિપાર્ટમેન્ટમાં જોઈન્ટ સેક્રેટરી તરીકે,  છોટાઉદેપુર કલેકટર સુજલ મિયાત્રાની કચ્છ કલેકટર તરીકે, પીજીવીસીએલના એમડી શ્ર્વેતા ટીઓટીઆની અરવલ્લી ડીડીઓ તરીકે, અરવલ્લી કલેકટર એ.કે.ઔરંગાબાદકરની સુરેન્દ્રનગર કલેકટર તરીકે, બોટાદ કલેકટર વિશાલ ગુપ્તાની ગાંધીનગર એડીસી તરીકે, ભાવનગર કલેકટર ગૌરાંગ મકવાણાની અમરેલી કલેકટર તરીકે, જૂનાગઢ મ્યુનિ.કમિ. તુષાર સુમેરાની બોટાદ કલેકટર તરીકે, મોરબી ડીઆરડીએડી ડી.ડી.જાડેજાની એડીસી ગાંધીનગર, પોરબંદર અધિક કલેકટર આર.એમ.તન્નાની જૂનાગઢ મ્યુનિ. કમિશનર તરીકે, રાજકોટ રીજનલ કમિશનર ઓફ મ્યુનિસિપાલીટી સ્તુતિ ચારણની છોટાઉદેપુર કલેકટર તરીકે, ડીડીઓ અમદાવાદ અરૂણ બાબુની રાજકોટ કલેકટર તરીકે, ભાવનગર રીઝનલ કમિશનર ઓફ મ્યુનિસિપાલીટી યોગેશ નિર્ગુડેની ભાવનગર કલેકટર તરીકે, ભાવનગર ડીડીઓ વરૂણ બરાનવલની રાજકોટ રીઝનલ કમિશનર ઓફ મ્યુનિસિપાલીટી, દાહોદ ડીડીઓ રચિત રાજની જૂનાગઢ કલેકટર તરીકે, આણંદ ડીડીઓ આશિષકુમારની રાજકોટ ડેપ્યુટી મ્યુનિ.કમિશનર તરીકે, જૂનાગઢ ડીડીઓ પ્રવિણ ચૌધરીની અમદાવાદ ડેપ્યુટી મ્યુનિ.કમિશનર તરીકે, રાજકોટ ડીડીઓ અનિલ રાણાવસીયાની અમદાવાદ રીઝનલ કમિશનર ઓફ મ્યુનિસિપાલીટી તરીકે, બનાસકાંઠા ડીડીઓ અજય દહીયાની ભાવનગર રીઝનલ કમિશનર ઓફ મ્યુનિસિપાલીટી તરીકે, સુરેન્દ્રનગર ડીડીઓ શરીફ હુડ્ડાની સ્પોર્ટસ ડેપ્યુટી સેક્રેટરી તરીકે, ગાંધીનગરના અધિક કલેકટર ધીમંતકુમાર વ્યાસની પીજીવીસીએલના એમડી તરીકે, છોટાઉદેપુરના ડીડીઓ મીહીર પટેલની જામનગર ડીડીઓ તરીકે, જામનગર ડીડીઓ ડો.વિપુન ગર્ગની ડાંગ ડીડીઓ તરીકે, હેલ્થ સીપીઓ ડો.નવનાથ ગવ્હાણેની સુરેન્દ્રનગરના ડીડીઓ તરીકે, અમરેલી ડીડીઓ તેજસ પરમારની દાહોદ ડીડીઓ તરીકે, મોરબીના નાયબ કલેકટર ગંગાસિંઘની છોટાઉદેપુર ડીડીઓ તરીકે, ખેડાના નાયબ કલેકટર એમ.જે.પરીખની જૂનાગઢ ડીડીઓ તરીકે, બનાસકાંઠાના નાયબ કલેકટર ડો.પ્રશાંત ઝીલોવાની ભાવનગર ડીડીઓ તરીકે અને દેવભૂમિ દ્વારકા નાયબ કલેકટર દિનેશ ગુરવની અમરેલી ડીડીઓ તરીકે નિમણૂંક કરવામાં આવી છે.

8 આઈએએસ અધિકારીને સચિવ કક્ષાએ બઢતી

• બંછાનિધિ પાની (મ્યુનિ.કમિશનર સુરત)
• હર્ષદકુમાર પટેલ (સચિવ, શ્રમ અને રોજગાર)
• પી.ભારતી (કમિશનર પ્રા.શિક્ષણ અને પ્રોજેકટ ડિરેકટર એસ.એસ.એ.)
• રણજીતકુમાર જે (કમિશનર એમ.એસ.એમ.ઈ.)
• શાલીની અગ્રવાલ (મ્યુનિ.કમિશનર વડોદરા)
• કે.કે.નિરાલા (સચિવ, મહિલા અને બાળ કલ્યાણ)
• એચ.કે.પટેલ (મેનેજીંગ ડિરેકટર, રાજ્ય નાગરિક પુરવઠા નિગમ)
• સતિષ પટેલ (કમિશનર, મધ્યાયન ભોજન યોજના અને સ્કૂલ્સ)