મહિલા કોન્સટેબલની જાતીય સતામણી કરતા કોન્સ્ટેબલ સામે નોંધાતો ગુનો

લવ જેહાદ જેવી પ્રવૃત્તિ આચરતા વિવાદસ્પદ કોન્સ્ટેબલની હેડક્વાર્ટરમાં બદલી બાદ અટકાયત

અબતક,રાજકોટ

શહેરની પોલીસ કોન્સ્ટેબલ તરીકે ફરજ બજાવતી મહિલાને તેની સાથે જ ફરજ બજાવતા કોન્સ્ટેબલે જાતીય સતામણી કરી બદનામ કરવાની ધમકી આપતા મામલો પોલીસ મથક સુધી પહોંચ્યો છે. જેમાં પોલીસ કોન્સ્ટેબલ સામે ગુનો નોંધી તેની અટકાયત કરી છે ઉલ્લેખનીય છે કે બનાવ સામે આવતા કોન્સ્ટેબલની ખાતે બદલી કરવામાં આવી હતી.

“તું મારી સાથે વાત નહીં કરે તો તને બદનામ કરીશ”ની ધમકી દીધાનો ફરિયાદમાં ઘટસ્ફોટ”

બનાવ અંગે એ ડિવિઝન પોલીસમથકના પીઆઇ સી.જી.જોશીએ જણાવ્યું કે, ગત મંગળવારે રામનાથપરા પોલીસ લાઇનમાં રહેતા અને ટ્રાફિક પોલીસ તરીકે ફરજ બજાવતા કોન્સ્ટેબલ રાશિદ બસીર શેખના ક્વાર્ટરમાંથી ટ્રાફિક પોલીસમાં ફરજ બજાવતી મહિલા કોન્સ્ટેબલ રહસ્યમય રીતે બેભાન હાલતમાં મળતા સારવાર માટે ખાનગી હોસ્પિટલ ખસેડાઇ હતી. અગાઉ ભાવનગરની યુવતીને ભગાડવાના બનાવમાં અગાઉ કોન્સ.રાશિદ સંડોવાયો હોય તેને મહિલા કોન્સ્ટેબલને ગળાટૂંપો આપ્યો કે આપઘાતનો પ્રયાસ કર્યો તે અંગે પોલીસ લાઇનમાં ચર્ચાઓ શરૂ થઇ હતી.

મહિલા કોન્સ્ટેબલના જણાવ્યા મુજબ, તે અને રાશિદ ટ્રાફિક શાખામાં ફરજ બજાવતા હોય બંને વચ્ચે પરિચય હોય રાશિદે કચેરીમાંથી જ પોતાના મોબાઇલ નંબર મેળવ્યા હતા. બાદમાં તે અવારનવાર પોતાને રિંગ કરી તેની સાથે વાત કરવા દબાણ કરતો હતો. એટલું જ નહિ રોલકોલમાં પણ તે વાત કરવાનો પ્રયાસ કરતો હતો. એક વખત રાશિદે પોતાને ઊભી રાખી જો “તું મારી સાથે વાત નહિ કરે તો સમાજમાં બદનામ કરી મારી નાંખવાની” અને ચારિત્રહીનતાનું આળ મૂકી બદનામ કરી નાંખવાની ધમકી આપી હતી. બે દિવસ પહેલા બનેલા બનાવની ટ્રાફિક એસીપીને જાણ થતા તુરંત કોન્સ્ટેબલ રાશિદ શેખની ટ્રાફિક શાખામાંથી હેડ ક્વાર્ટરમાં બદલી કરી દેવાઇ હતી. મહિલા કોન્સ્ટેબલના નિવેદન બાદ કોન્સ્ટેબલ રાશિદ શેખ સામે ગુનો નોંધી સકંજામાં લીધો છે. લવ જેહાદ જેવી ઘટના થી પોલીસ બેડામાં મોટો ચર્ચાનો વિષય બન્યો છે.