- વડાલા-પટિયા નજીકના પુલ પર ઘટના
- ખેડા-અમદાવાદ હાઇવે પર 1 કરોડ રૂપિયાની લૂંટ
- પોલીસ તપાસમાં લાગી
ગુજરાતમાં છેલ્લા ઘણાં સમયથી ચોરી અને લૂંટની ઘટનાઓમાં નોંધપાત્ર વધારો થઈ રહ્યો છે. ત્યારે ખેડા અમદાવાદ હાઈવે પર વડાલા પાટીયા નજીક બ્રિજ પર 1 કરોડ રૂપિયાની લૂંટ થઈ છે. કારમાં આવેલા ચાર શખસોએ અનાજના વેપારીને કરોડ રૂપિયાની રકમ લૂંટીને લૂંટારુંઓ ફરાર થઈ જતાં પોલીસ તપાસમાં જોતરાઈ છે.
પ્રાપ્ત માહિતી અનુસાર, મંગળવારે (21 જાન્યુઆરી) ના રોજ ખેડાના વડાલા નજીકના પુલ પર કારમાં આવેલા કેટલાક બદમાશોએ ફિલ્મી સ્ટાઇલમાં લૂંટ ચલાવી હતી. અનાજના વેપારી પાસેથી 1 કરોડ રૂપિયા લૂંટીને લૂંટારુઓ ભાગી ગયા. નડિયાદ બેંકમાંથી પૈસા ઉપાડીને વેપારી રિક્ષામાં અમદાવાદ જઈ રહ્યો હતો. આ દરમિયાન લૂંટની ઘટના બની. આ લૂંટ ઇકો-કારમાં મુસાફરી કરી રહેલા ચાર લોકોએ કરી હતી.