મહારાષ્ટ્રમાં ભાજપ અને શિવસેના બન્નેએ ફિફટી-ફિફટી ફોર્મ્યુલાથી પોતાના 9-9 ધારાસભ્યોને આપ્યા મંત્રી પદ
મહારાષ્ટ્રમાં એકનાથ શિંદે સરકારની રચનાના 40 દિવસ બાદ કેબિનેટનું વિસ્તરણ કરવામાં આવ્યું છે. જેમાં 18 ધારાસભ્યોને મંત્રી બનાવવામાં આવ્યા છે. ભાજપ અને શિંદે જૂથના 9-9 ધારાસભ્યોએ રાજભવનમાં મંત્રી તરીકે શપથ લીધા છે. મળતી માહિતી મુજબ શપથ લેનાર ધારાસભ્યોને કેબિનેટનો દરજ્જો આપવામાં આવ્યો છે. હાલમાં આ વિસ્તરણમાં અપક્ષ ધારાસભ્યોને તક આપવામાં આવી નથી.
સીએમ એકનાથ શિંદેના નજીકના એક નેતાએ દાવો કર્યો છે કે રાજ્યમાં વિધાનસભાનું ચોમાસુ સત્ર ટૂંક સમયમાં થવાનું છે. તેને ધ્યાનમાં રાખીને 18 સભ્યોને શપથ લેવડાવવામાં આવ્યા છે. શપથ ગ્રહણમાં ધારાસભ્યની સાથે એક વિધાન પરિષદ પણ હશે. સૂત્રોનું કહેવું છે કે શિવસેનાથી અલગ થયા બાદ શિંદે કેમ્પમાં સામેલ થનારા તમામ ધારાસભ્યોને મંત્રીપદ આપવાનું શક્ય બનશે નહીં. કેબિનેટના વિસ્તરણને લઈને છેલ્લા એક મહિનામાં સાત વખત સીએમ શિંદે દિલ્હી ગયા છે. હવે 18 નામો પર સહમતિ બની છે.
મહારાષ્ટ્રમાં કેબિનેટ વિસ્તરણના સમાચાર વચ્ચે વિપક્ષે આકરા પ્રહારો કર્યા છે. વિધાનસ ભામાં વિપક્ષના નેતા અજિત પવારે કેબિનેટ વિસ્તરણ પર કટાક્ષ કર્યો હતો.
તેમણે કહ્યું કે શિંદેએ તેમની સાથે આવેલા દરેક ધારાસભ્યને મંત્રી પદ આપવાનું વચન આપ્યું હતું.
હવે શિંદે પોતાનું વચન પૂરું કરી શક્યા નથી, તેથી કેબિનેટ વિસ્તરણમાં વિલંબ થઈ રહ્યો છે.
મુખ્યમંત્રીએ વિલંબનું કારણ પણ સમજાવવું જોઈએ.
મહારાષ્ટ્ર સરકારમાં કોણ કોણ બન્યું મંત્રી ?
