ડીસેમ્બરમાં ક્રિસમસના તહેવાર અનુસંધાને ફોરેન ઇન્વેસ્ટરો શેરોના લગલગાટ વેચાણથી રોકડી કરી રહ્યા છે
અબતક, નવી દિલ્હી
વિદેશી પોર્ટફોલિયો રોકાણકારોએ ડિસેમ્બરમાં અત્યાર સુધીમાં ભારતીય બજારમાંથી રૂ. 8,879 કરોડ પાછા ખેંચી લીધા છે. ડિપોઝિટરી ડેટા અનુસાર, 1 થી 10 ડિસેમ્બર દરમિયાન, એફપીઆઈએ ઇક્વિટીમાંથી રૂ. 7,462 કરોડ, ડેટ અથવા બોન્ડ માર્કેટમાંથી રૂ. 1,272 કરોડ ઉપાડ્યા છે. આ સિવાય એફપીઆઈએ પણ હાઈબ્રિડ ઉત્પાદનોમાંથી 145 કરોડ રૂપિયા પાછા ખેંચી લીધા છે. આ રીતે તેમનો ચોખ્ખો ઉપાડ રૂ. 8,879 કરોડ થયો છે. નવેમ્બરમાં, એફપીઆઈએ ભારતીય બજારોમાંથી રૂ. 2,521 કરોડ પાછા ખેંચ્યા હતા. હિમાંશુ શ્રીવાસ્તવે, એસોસિયેટ ડાયરેક્ટર અને મેનેજર રિસર્ચ, મોર્નિંગસ્ટાર ઇન્ડિયાએ જણાવ્યું હતું કે ખૂબ જ ઝડપથી ફેલાતા કોરોના વાયરસની ઓમિક્રોન વેરીએન્ટ અંગે ચિંતા છે. આનાથી વૈશ્વિક વૃદ્ધિના દૃષ્ટિકોણને અસર થઈ છે. કોવિડ-19નું આ સ્વરૂપ રિકવરીને અસર કરી શકે છે.
હિમાંશુ શ્રીવાસ્તવે કહ્યું કે આના કારણે રોકાણકારો પહેલાથી જ જોખમ ટાળી રહ્યા છે. કોટક સિક્યોરિટીઝના ઇક્વિટી રિસર્ચના વડા શ્રીકાંત ચૌહાણે જણાવ્યું હતું કે ફુગાવો વધવાની શક્યતા છે અને યુએસ ફેડરલ રિઝર્વ નાણાકીય વલણને કડક બનાવે તેવી શક્યતા છે. જિઓજીત ફાઇનાન્શિયલ સર્વિસિસના ચીફ ઇન્વેસ્ટમેન્ટ સ્ટ્રેટેજિસ્ટ વીકે વિજયકુમારે જણાવ્યું હતું કે એફપીઆઈ બેન્કિંગ શેરોમાં સતત વેચવાલી કરી રહ્યા છે. બેંકોના શેરોમાં તેમની પાસે સૌથી વધુ હિસ્સો છે. આ સિવાય તેઓ ઈન્ફોર્મેશન ટેક્નોલોજીના સ્ટોકનું પણ વેચાણ કરી રહ્યા છે.
રિલાયન્સ ફેશન માર્કેટમાં પ્રવેશવા આતુર, નાદાર થયેલી ટેકસટાઇલ કંપની સિન્ટેક્ષને હસ્તગત કરવા કાર્યવાહી હાથ ધરી
મુકેશ અંબાણીની રિલાયન્સ ઈન્ડસ્ટ્રીઝે નાદારી થઈ ગયેલી ટેક્સટાઈલ કંપની સિન્ટેક્સને ખરીદવા માટે પોતાના ભાગીદાર સાથે બિડ કરી છે. ગુજરાતની સિન્ટેક્સ લિ.ની નાદારીની પ્રક્રિયા એપ્રિલમાં સ્વીકારવામાં આવી હતી. નેશનલ કંપની લો ટ્રિબ્યુનલની અમદાવાદ બેન્ચે તેને નાદાર જાહેર કરવાની મંજૂરી આપી હતી. સિન્ટેક્સ એસેટ મેનેજમેન્ટને રૂ. 15.4 કરોડનું વ્યાજ ચૂકવવામાં નિષ્ફળ રહ્યું હતું.
આ માહિતી સ્ટોક એક્સચેન્જમાં કરવામાં આવેલી ફાઇલિંગમાંથી મળી છે. અંબાણીની કંપની પણ ફેશન માર્કેટમાં પ્રવેશવા માંગે છે. રિલાયન્સ ઈન્ડસ્ટ્રીઝે એસેટ કેર એન્ડ રિક્ધસ્ટ્રક્શન એન્ટરપ્રાઈઝ સાથે મળીને સિન્ટેક્સ ખરીદવા માટે બિડ કરી છે. સ્ટોક એક્સચેન્જમાં ફાઇલિંગમાં, સિટેક્સે જણાવ્યું હતું કે તે એસેટ કેર એન્ડ રિક્ધસ્ટ્રક્શન લિ.ને હસ્તગત કરશે. સાથે સમાધાન કરે છે. આ સમાચાર બાદ સિન્ટેક્સનો શેર રૂ.5.12 પર પહોંચી ગયો હતો. ગયા સપ્તાહે શેર રૂ. 4.62 પર બંધ થયો હતો.
મુકેશ અંબાણી હવે ફેશન માર્કેટ કબજે કરવા માટે લડી રહ્યા છે. આ શ્રેણીમાં આ તેનું પ્રથમ પગલું છે. સિન્ટેક્સ ઇન્ડસ્ટ્રીઝ અરમાની, હ્યુગો બાસ, ડીઝલ અને વધુ જેવી વૈશ્વિક ફેશન બ્રાન્ડને સપ્લાય કરે છે. રિલાયન્સ ઇન્ડસ્ટ્રીઝે સિન્ટેક્સ પર દાવ લગાવ્યો છે. રિલાયન્સે તાજેતરના વર્ષોમાં મોટી બોલીવુડ બ્રાન્ડ્સ અને સંપત્તિઓ હસ્તગત કરી છે. કંપનીએ અનેક લક્ઝરી આંતરરાષ્ટ્રીય નામો સાથે પણ જોડાણ કર્યું છે. આવુ બીજી વખત છે જ્યારે રિલાયન્સ નાદાર કંપનીમાં રસ દાખવ્યો છે. અગાઉ, મુકેશે ભારતમાં લી કૂપર બ્રાન્ડનો ઉપયોગ કરવા માટે બૌદ્ધિક સંપદા અધિકારો ખરીદ્યા હતા. કંપની દ્વારા સ્ટોક એક્સચેન્જો સાથે કરવામાં આવેલી ફાઇલિંગ અનુસાર, તે કોર્ટ દ્વારા નિયુક્ત નાદારી રિઝોલ્યુશન પ્રક્રિયા દ્વારા સિન્ટેક્ષ માટે બિડ કરશે.
