ભારતમાં દરરોજ વધતા જતા કોરોના કેસોએ દેશભરમાં મુશ્કેલીઓનો પર્વત ઉભો કર્યો છે. આવી પરિસ્થિતિમાં ઘણા મૈત્રીપૂર્ણ દેશોએ મદદનો હાથ લંબાવ્યો છે. હવે Goggle કંપનીએ પણ ભારતને મદદ કરવા માટે 135 કરોડ રૂપિયાના ફંડની જાહેરાત કરી છે. Googleના CEO સુંદર પિચાઈએ ખુદ ટ્વીટ કરીને આ માહિતી આપી છે.
Devastated to see the worsening Covid crisis in India. Google & Googlers are providing Rs 135 Crore in funding to @GiveIndia, @UNICEF for medical supplies, orgs supporting high-risk communities, and grants to help spread critical information.https://t.co/OHJ79iEzZH
— Sundar Pichai (@sundarpichai) April 26, 2021
GiveIndiaને આપવામાં આવતા ફંડથી કોરોના વાયરસના સૌથી વધુ અસરગ્રસ્ત લોકોને આર્થિક સહાય પૂરી પાડવામાં આવશે, જેથી તેઓ તેમના રોજિંદા ખર્ચ પૂરા કરી શકે. ત્યારબાદ, યુનિસેફ દ્વારા ઓક્સિજન અને પરીક્ષણ ઉપકરણો સહિત અન્ય તબીબી પુરવઠો પૂરો પાડવામાં આવશે. ગૂગલના કર્મચારીઓ પણ ભારત માટે ફંડ એકત્ર કરવા માટે અભિયાન ચલાવી રહ્યા છે. અત્યાર સુધીમાં ગૂગલના 900 કર્મચારીઓએ 3.7 કરોડનું ફંડ એકઠું કર્યું છે.
