- 2036ના ઓલિમ્પિકની યજમાની કરતા પૂર્વે ગુજરાતને રમત ક્ષેત્રે આગળ લઇ જવાનો નિર્ધાર
ગુજરાતે 2036 ઓલિમ્પિક રમતોની યજમાની માટે વિશ્વ કક્ષાની રમતગમત માળખાગત સુવિધાઓ બનાવવાનું શરૂ કર્યું છે, ત્યારે રાજ્ય સરકારે પ્રતિભાને ઓળખવા અને વિકસાવવા માટે એક રમતગમત અને વિજ્ઞાન સંસ્થાની સ્થાપના કરી છે. જેમાં એક્સેલન્સ ટાસ્ક ફોર્સની રચના કરવામાં આવશે.
સરકારી સૂત્રોએ જણાવ્યું હતું કે આ પગલું ભવિષ્યના ઓલિમ્પિક અને આંતરરાષ્ટ્રીય રમતગમત કાર્યક્રમોમાં ભારતના દળમાં વધુ પ્રતિનિધિત્વ મેળવવાની ગુજરાતની આકાંક્ષાને સમર્થન આપે છે. “રાજ્ય સરકારે ઓઇટીએફ ની રચના કરવાની પહેલ કરી છે. આ ટાસ્ક ફોર્સ રમતગમત વિભાગથી સ્વતંત્ર રીતે કામ કરશે પરંતુ જાહેર ભંડોળના ઉપયોગ પર સરકારની નજર રહેશે,” એક મુખ્ય સૂત્રએ જણાવ્યું.
સૂત્રોએ જણાવ્યું હતું કે પ્રસ્તાવિત સંસ્થામાં એક સીઈઓ, એક ઉચ્ચ પ્રદર્શન ટેકનિકલ ડિરેક્ટર, રમતવીર મેનેજરો, પ્રદર્શન વિશ્લેષકો અને નાણાકીય અને વહીવટી સહયોગીઓની મુખ્ય ટીમનો સમાવેશ થશે. સૂત્રએ જણાવ્યું હતું કે, “સીઇઓ ભારતીય અને વિશ્વ રમતો તેમજ સરકારી કાર્યનો વ્યાપક અનુભવ લાવશે. વિવિધ રમતોમાં વ્યાપક અનુભવ ધરાવતા ઉચ્ચ પ્રદર્શન રમત નિષ્ણાતોની વિશ્વના વિવિધ ભાગોમાંથી ભરતી કરવામાં આવશે. રમતવીર મેનેજરો અને અન્ય નિષ્ણાતોની પસંદગી આ તેમના અનુભવના આધારે કરવામાં આવશે.” તેમણે કહ્યું કે સરકાર આગામી બજેટમાં ટાસ્ક ફોર્સને ખાસ અનુદાન ફાળવશે અને રાજ્યમાં વ્યાવસાયિક આંતરરાષ્ટ્રીય સ્તરની રમત સંસ્કૃતિ સ્થાપિત કરવા માટે લક્ષિત પહેલ કરવા માટે તેને સ્વાયત્તતા મળશે.
આ ઘટનાક્રમથી વાકેફ એક સૂત્રએ જણાવ્યું હતું કે ઓઇટીએફ ટૂંકા ગાળાની અને લાંબા ગાળાની વ્યૂહરચનાઓ ઘડશે જેથી ગુજરાતના વિશ્વ કક્ષાના ખેલાડીઓને ઓળખી શકાય અને વિકસાવવા માટે એક મજબૂત ઇકોસિસ્ટમ બનાવી શકાય જે આંતરરાષ્ટ્રીય અને ઓલિમ્પિક મેડલ જીતી શકે.
“2028 ઓલિમ્પિક માટે ફોકસ સ્પોર્ટ્સ શાખાઓમાં 15-20 એથ્લેટ્સના જૂથને તેમના અત્યાર સુધીના પ્રદર્શનના આધારે આગામી થોડા અઠવાડિયામાં ઓળખવામાં આવશે. આ પછી, 2032 અને 2036 ઓલિમ્પિક માટે પસંદગી અને વિકાસ પણ કરવામાં આવશે,” એમ તેમણે જણાવ્યું હતું. સૂત્રએ જણાવ્યું હતું. આ લાંબા ગાળાની વ્યૂહરચના તરીકે હાથ ધરવામાં આવશે. સૂત્રોએ જણાવ્યું હતું કે સરકારનો ઉદ્દેશ્ય વિવિધ વિષયોમાં ગુજરાતના પ્રદર્શનને હરિયાણા, પંજાબ અને અન્ય રાજ્યોની સમકક્ષ લાવવાનો છે.
