સત્તા ન સચવાતી હોય, તો કેન્દ્રના શરણે ચાલ્યા જાવ: દિલ્હી હાઈકોર્ટ કેજરીવાલ સરકાર પર લાલઘૂમ   

0
115

કોરોનાના મહાસંકટ વચ્ચે હાલ “પ્રાણવાયુ” માટે દર્દીઓ વલખાં મારી રહ્યા છે. રેમડેસિવિર ઈન્જેકશનની પણ ઘટ ગંભીર દર્દીઓ તેમજ તેમના પરિવારજનોને ભારે મુશ્કેલીનો સામનો કરવો પડી રહ્યો છે. દેશભરના રાજ્યોમાં આ કથળતી સ્થિતિ યથાવત છે. એમાં પણ રાજધાની દિલ્હીમાં એક પણ પ્રાણવાયુના પ્લાન્ટ ન હોવાથી અહીં સ્થિતિ વધુ ગંભીર બની છે.

પ્રાણવાયુ ન મળતા દરરોજ સેંકડો લોકો જીવ ગુમાવી રહ્યા છે. આ મામલે દિલ્હી હાઈકોર્ટે કેજરીવાલ સરકારને ફટકાર લગાવી છે, મેડિકલ ઓક્સિજન સપ્લાયના વિતરણ પર પ્રશ્નો કરી લાલઘૂમ થયેલી દિલ્હી હાઈકોર્ટે કેજરીવાલ સરકારને કહ્યું કે તમારાથી સ્થિતિ ન સંભાળાતી હોય અને સત્તા ન સચવાતી હોય તો કેન્દ્ર સરકારની શરણે ચાલ્યા જાવ.

પ્રાણવાયુ પહોંચાડતા શેઠ એર નામના સપ્લાયર દ્વારા મહારાજા અગ્રસેન હોસ્પિટલને સમયસર ઓક્સિજનનો પુરવઠો ન પહોંચાડવામાં આવતા હાઇકોર્ટમાં રજૂઆતો કરવામાં આવી હતી. જેના અનુસંધાને જસ્ટિસ વિપિન સંઘી અને જસ્ટિસ રેખા પલ્લીની બેંચે આ પ્રકારની ટિપ્પણી કરી હતી.  ન્યાયાધીશોની ખંડપીઠે કહ્યું કે જો તમે કોરોના સામે ન લડી શકતા હોવ તો અમને કહો અમે કેન્દ્ર સરકારને કહીશું.  સમગ્ર મામલો કેન્દ્ર સરકારને સોંપી દઈશું. આખરે લોકો મરી રહ્યા છે.. લોકોના જીવ બચાવવા જ તમામની પ્રાથમિકતા હોવી જોઈએ.

દિલ્હી હાઈકોર્ટની ખંડપીઠે કેજરીવાલ સરકારને ફટકાર લગાવતા કહ્યું કે એક તરફ કોરોના કેસ વધી રહ્યા છે બીજી તરફ આવી બેજવાબદારી સાંખી લેવાશે નહીં.

LEAVE A REPLY

Please enter your comment!
Please enter your name here