- અમદાવાદમાં પેટ ડોગ રજિસ્ટ્રેશન લઈને AMC એક્શન મોડમાં
- 31 માર્ચ સુધીમાં રજિસ્ટ્રેશન પ્રક્રિયા પૂર્ણ કરવા આદેશ કરાયો
- રજિસ્ટ્રેશન ન કરાવેલ માલિકનું પાણી અને ગટર કનેક્શન કપાઈ શકે છે
થોડા દિવસ પહેલા અમદાવાદમાં હાથીજણ વિસ્તારમાં સોમવારે રાત્રે પાલતુ રોટવિલર શ્વાને એક બાળકી પર હુ*મ*લો કર્યાની ઘટના સૌથી વધુ ચર્ચાસ્પદ બની હતી. આ ઘટનાનો સરકારની કેબિનેટની બેઠકમાં પણ પડઘો પડ્યો હતો. જે અંગે સરકાર દ્વારા ચર્ચાઓ પણ કરવામાં આવી હતી. ત્યારે હવે અમદાવાદ મહાનગરપાલિકા દ્વારા પાલતુ શ્વાન અંગે મહત્વનો નિર્ણય લેવામાં આવ્યો છે. તેમજ AMCએ ડોગ રજિસ્ટ્રેશન ફરજિયાત કરવા આદેશ કર્યો છે. જો કોઈએ પાલતુ શ્વાનનું રજિસ્ટ્રેશન નહીં કરાવ્યું હોય તો કાર્યવાહી થશે.
હાથીજણની ઘટના બાદ AMC એક્શન મોડમાં!
અમદાવાદમાં હાથીજણ વિસ્તારની ઘટનાએ આખા શહેરને હચમચાવી દીધું હતું. એક પાલતુ શ્વાન દ્વારા માત્ર 4 મહિનાની બાળકી પર અચાનક હુ*મ*લો કરવામાં આવ્યો હતો અને ગંભીર ઇજાઓનાં કારણે સારવાર દરમિયાન માસૂમ બાળકીનું મો*ત નીપજ્યું હતું. આ ઘટના બાદ હવે અમદાવાદ મ્યુનિસિપલ કોર્પોરેશન (AMC) એક્શન મોડમાં આવ્યું છે. AMC દ્વારા તમામ પેટ ડોગ રાખનારા તમામ લોકોને પેટ ડોગનું રજિસ્ટ્રેશન કરાવવા માટે આદેશ કરાયો છે.
31 માર્ચ સુધીમાં પેટ ડોગનું રજિસ્ટ્રેશન પૂર્ણ કરવા આદેશ
માહિતી અનુસાર, 31 માર્ચ સુધીમાં પેટ ડોગનું રજિસ્ટ્રેશન પૂર્ણ કરવા આદેશ કરાયો છે. જો 31 માર્ચ સુધીમાં રજિસ્ટ્રેશન થયેલું નહીં હોય તો પેનલ્ટી સાથે દંડની રકમ વસૂલવામાં આવશે. આ સાથે જ રજિસ્ટ્રેશન ન કરાવેલ માલિકના ઘરનું પાણી અને ગટર કનેક્શન પણ કાપવમાં આવી શકે છે. સ્ટેન્ડિંગ કમિટી ચેરમેનએ જણાવ્યું કે, આવનાર દિવસમાં રજિસ્ટ્રેશન લઈને ઝુંબેશ હાથ ધરાશે. મળતી માહિતી મુજબ, અમદાવાદ શહેરમાં 5 હજાર 171 પેટ ડોગ માલિક છે અને 5,878 પેટ ડોગ રજિસ્ટ્રેશન થયા છે. ત્યારે છેલ્લા બે દિવસમાં 297 માલિકે 330 પેટ ડોગનાં રજિસ્ટ્રેશન કરાવ્યા છે. આ ઉપરાંત પોલીસ ફરિયાદ સહિતની કાર્યવાહી હાથ ધરવામાં આવશે.
આ રીતે કરો રજીસ્ટ્રેશન :
- સૌપ્રથમ અમદાવાદ મનપાની સત્તાવાર વેબસાઈટ https://ahmedabadcity.gov.in/ પર જાઓ.
- ત્યારબાદ વેબસાઈટના હોમ પેજ પર નીચે Important Linksનું સેક્શન હશે.
- જેમાં એક Pet Dog Registrationનું ઓપ્શન બતાશે, તેના પર ક્લિક કરો.
- બે ઓપ્શન બતાશે, તેમાં Login for Pet Dog Registration પર જાઓ.
- જેમાં અરજદારનું નામ, અરજદારનો મોબાઈલ નંબર અને કેપ્ચા સબમીટ કરો.
- ત્યારબાદ મોબાઈલ પર OTP આવશે તે એન્ટર કરતા એક લિંક ખુલશે.
- જેમાં પાલતું શ્વાનના માલિકની ઓળખણના પુરાવા એન્ટર કરો.
- ત્યારબાદ PAY પર ક્લિક કરીને રૂ.200 રજિસ્ટ્રેશન ફીનું ઓનલાઈન પેમેન્ટ કરો.
