પાકિસ્તાન દ્વારા સીમા પારથી કરવામાં આવતા ગોળીબારનો ભારતે જડબાતોડ જવાબ આપ્યો છે. વળતા હુમલામાં ભારતીય સેના દ્વારા કરવામાં આવેલી કાર્યવાહીમાં પાકિસ્તાન સેનાની પોસ્ટિંગ ચોકીઓ તોડી પાડી છે. તે સાથે જ ભારતીય સેનાએ 3-4 પાકિસ્તાની રેન્જર્સને પણ ઠાર કરી દીધા છે.ગુરુવારે રાતે પાકિસ્તાને પુંછ-રાજૌરી સેક્ટરમાં સીઝફાયરનું ઉલ્લંઘન કર્યું અને મોર્ટાર છોડ્યા હતા.
આ પહેલાં બુધવારે જમ્મુ-કાશ્મીરના ઉરીમાં સીઝફાયરનું ઉલ્લંઘન કરતાં પાકિસ્તાને મોર્ટાર છોડ્યા હતા અને ગોળીબાર પણ કર્યો હતો. પાકિસ્તાની સેનાની આ હરકતના કારણે એક ભારતીય સેનાના જવાન શહીદ થઈ ગયા હતા. ત્યારે પણ ભારત તરફથી સેનાએ પાકિસ્તાનને આર્ટિલરી અને મોર્ટારથી જવાબ આપ્યો હતો.
ત્યારે પણ ભારતીય સેનાની આ જવાબી કાર્યવાહીમાં પાકિસ્તાની સેનાની ઘણી ચોકી બરબાદ થઈ ગઈ હતી. ત્યારે પાકિસ્તાને પણ સ્વીકાર્યું હતું કે આ દરમિયાન પાકિસ્તાનના કબજાવાળા કાશ્મીરના દેવા સેક્ટરમાં તેમના બે જવાનના મોત થયા છે.
Army sources: Pakistan Army violated ceasefire along the Line of Control, last night in the Poonch-Rajouri sector. Indian Army retaliated effectively to inflict damage on Pakistan posts. 3-4 Pakistan Army soldiers also killed.
— ANI (@ANI) December 27, 2019
