ગુજરાત ગૌરવ પુરસ્કૃત ડૉ.નિખિલ ભટ્ટ(PhD, BEd) તેમજ કથ્થક નૃત્યમાં ગોલ્ડ મેડલ મેળવનાર (M.A, BEd) દિવ્યા ભટ્ટની પુત્રીએ નૃત્યમાં પ્રવિણની પદવી મેળવી ગૌરવ વધાર્યું છે.
31 વર્ષથી કાર્યરત એવી રાજકોટની ” સ્પંદન સંસ્થા” માંથી લખનઉ ઘરના સાથે શિક્ષા પ્રાપ્ત કરી ડૉ. કર્તવી ભટ્ટએ “રસ – ભાવ” વિષય પર મહાનિબંધ (Thesis) તેમજ ઉત્તમ રસ-ભાવ પ્રસ્તુતિ કલાગુરુ ડૉ.નિખિલ ભટ્ટના માર્ગદર્શન હેઠળ તૈયાર કરી રજૂ કર્યો હતો જેથી અખિલ ગુજરાત સંગીત વિદ્યાપીઠ – વેરાવળ આર્ટ યુનિવર્સિટીએ આ મહાનિબંધને માન્ય રાખ્યો છે અને નૃત્ય પ્રવિણ ” ડૉક્ટર ઓફ ડાંસ(Phd ) ની પદવી પ્રદાન કરી છે.
ડૉ. કર્તવી એ માત્ર 4 વર્ષ ની ઉંમર થી જ નૃત્યજગતમાં ઝંપલાવ્યું હતું. તેમજ 7 વર્ષ ની ઉમરથી જ મંચ પ્રદર્શન શરૂ કરી દીધેલ. કથ્થક નૃત્યની સાથે નાટય અને લોકનૃત્ય ક્ષેત્રે પણ અનેક મંચ પ્રદર્શન આપેલ છે. માતા – પિતા બંને કલા ના ક્ષેત્રે પારંગત હોવાથી નાનપણથી જ કલાના સન્માન માટેનું યોગ્ય વાતાવરણ તેમજ તાલિમ મળેલા હતા. નૃત્ય સાધના પ્રત્યેની રસવૃત્તી કાયમ રાખવા હાલ પણ ડૉ. કર્તવી એ પોતાનો નૃત્ય રિયાઝ ચાલુ રાખેલ છે તેમજ રાજકોટ ની સ્પંદન સંસ્થામાં તાલિમ પણ આપી રહ્યાં છે.
ડો. કર્તવી મનોવૈજ્ઞાનિકના અભ્યાસ સાથે જોડાયેલા હોવાથી તેઓએ રસ-ભાવના વિષયનેખૂબ જ સારી રીતે સમજીને તેના પર અભ્યાસ કર્યો છે. માત્ર 21 વર્ષ ની ઉંમરે નૃત્યમાં પ્રવિનની પદવી મેળવી સમાજમાં પરિવારનું ગૌરવ વધારેલુ છે.
