કતારગામમાં બાળકી સાથે દુ*ષ્કર્મ આચરનાર આરોપીની કરાઈ ધરપકડ
પોલીસે ગણતરીના કલાકોમાં 25 વર્ષીય આરોપી અજય વર્માની કરી ધરપકડ
આરોપી બાળકીને માતા પાસેથી ઉઠાવી અવાવરું જગ્યાએ લઇ ગયો હતો
આરોપીને પકડવા પોલીસે 150 લોકોની ટિમ બનાવી 200 જેટલા CCTV ફૂટેજ તપાસ્યા
ઘટનાને પગલે બાળકી હાલ સ્મીમેર હોસ્પિટલમાં સારવાર હેઠળ

ગુજરાતમાં છેલ્લા કેટલાક દિવસોથી મારામારી, દુ-ષ્કર્મ સહિતની ઘટનાઓ સામે આવી રહી છે. સુરતના કતારગામ વિસ્તારમાં માત્ર 6 વર્ષની બાળકીનું અપહરણ કરીને નરાધમે પોતાની હવસનો શિકાર બનાવી હતી. હાલમાં બાળકીને ગંભીર ઈજાઓ થતાં હોસ્પિટલમાં સારવાર હેઠળ છે, ત્યારે ક્રાઈમ બ્રાન્ચે ગણતરીના કલાકોમાં ગુનાનો ભેદ ઉકેલી નાખ્યો છે. પોલીસે ગણતરીના કલાકોમાં મૂળ ઉત્તરપ્રદેશના 25 વર્ષીય આરોપી અજય વર્માની ધરપકડ કરી હતી. તેમજ આરોપીની ધરપકડ કરીને આગળની કાર્યવાહી હાથ ધરી છે.

દુ-ષ્કર્મ કેસનો આરોપી ઝડપાયો

સુરતના કતારગામ વિસ્તારમાં 6 વર્ષની બાળકી પર દુ-ષ્કર્મની ઘટના બાદ પોલીસ તંત્ર દોડતું થયું હતું. પોલીસે ઘટનાની ગંભીરતાને ધ્યાનમાં રાખીને આરોપીને ઝડપી પાડવા માટે 200 CCTV ફૂટેજ અને હ્યુમન ઇન્ટેલિજન્સ 150 લોકોની ટિમ નો સહારો લીધો હતો. જેમાં ક્રાઈમ બ્રાન્ચ ટીમ દ્વારા ગણતરીના કલાકોમાં મૂળ ઉત્તરપ્રદેશના અજય વર્મા નામના આરોપીની ધરપકડ કરી લેવામાં આવી છે.

મળતી માહિતી મુજબ, સુરતના કતારગામ વિસ્તારમાં બાળકી સાથે નરાધમે દુ-ષ્કર્મ આચર્યું હતું. જેમાં રસ્તાના કિનારે વસવાટ કરતા શ્રમજીવી પરિવારની 6 વર્ષની માસુમ દિકરીનું આરોપીએ અપહરણ કરી દુ-ષ્કર્મ આચર્યું હતું. આ નરાધમ પીધેલી હાલતમાં હતો અને તેણે રસ્તા પરથી બાળકીનું અપહરણ કરીને અવાવરુ જગ્યાએ લઈ જઈ દુ-ષ્કર્મ આચર્યું હતું. માતા જોડે બાળકી સુઈ રહી હતી, ત્યારે આરોપીને બાળકીનું અપહરણ કર્યું હતું.

અહેવાલ : ભાવેશ ઉપાધ્યાય