શિક્ષણની વિવિધ પધ્ધતિઓ, એજ્યુકેશનલ ટોયસ સાથે એક્ટીવીટી બેઝ લર્નીંગ બાબતે નિષ્ણાંતો માર્ગદર્શન આપશે
પ્રવર્તમાન સમયમાં શિક્ષણ સાથે સંકળાયેલા તમામે સતત અપડેટ રહીને બાળકોના સંર્વાગી વિકાસમાં મહત્વની ભૂમિકા ભજવવાની છે. ચેંજ ચિલ્ડ્રન ડેવલમેન્ટ સોસાયટી દ્વારા શહેરની શાળાઓમાં પ્રિ.પ્રાયમરી, પ્રાથમિક, ઉચ્ચ પ્રાથમિક અને હાઇસ્કૂલ કક્ષાએ ભણાવતા શિક્ષકોને નવી શિક્ષણ નીતિ અને શિક્ષક સજ્જતા બાબતે તાલિમબધ્ધ કરાશે.
સમગ્ર પ્રોજેક્ટમાં વિષય તજજ્ઞ અને છેલ્લા 40 વર્ષથી શિક્ષણ સાથે સંકળાયેલા, ચાઇલ્ડ સાયકોલોજીસ્ટ અરૂણ દવે અને ડાયેટના નિવૃત પ્રાચાર્ય વી.ઓ.કાચા સેવા આપશે. ગણિત, વિજ્ઞાન અને અંગ્રેજી જેવા ભારેખમ વિષયો સરળતાથી કેમ શીખી શકાય કે શિખવી શકાય તે બાબતે પણ નિષ્ણાંતો આ તાલિમ વર્ગમાં જોડાનાર છે.
સમગ્ર આયોજન સંભાળતા સંસ્થાના વડા અરૂણ દવેએ જણાવેલ છે કે આજે શિક્ષક સજ્જતા સાથે શિક્ષણની વિવિધ ટેકનીક, એજ્યુકેશન ટોયઝ અને એક્ટીવીટી બેઝ લર્નીંગથી શિક્ષણ અપાય તે ખૂબ જ જરૂરી છે. આ માટે શિક્ષકોને તાલિમબધ્ધ કરવા જરૂરી છે.
શાળા સંકુલોમાં શાળા તત્પરતા કાર્યક્રમને અમલ કરીને ચાલુ થયેલા નવા 2022નાં શૈક્ષણિક સત્રમાં બાળકોને વિવિધ વિષયોના અનુબંધથી જોડીને રસપ્રચુર એજ્યુકેશન ટેકનિકથી ભણાવવાની તાતી જરૂરી છે. છાત્રોના રસ, રૂચિ, વલણો આધારિત શિક્ષકની શિક્ષણ પધ્ધતિઓ હોવી જોઇએ. આવી તાલિમ જ શિક્ષકને નવા પ્રવાહથી સતત માહિતગાર કરે છે.
આવા વર્કશોપ શાળાઓમાં યોજવા તજજ્ઞ અરૂણ દવેનો 98250 78000 ઉપર સંપર્ક કરવો. વર્કશોપ શિક્ષણ ન બગડે તેવા રજાના દિવસે યોજવા અથવા ધો.1 થી 5, ધો.6 થી 8 કે ધો.9 થી 12ના સ્ટેપ વાઇઝ યોજવા પણ સોસાયટીએ વધુમાં જણાવેલ છે. દરેક બાળકની શિખવાની ક્ષમતા અલગ-અલગ હોય શકે છે તેથી શિક્ષકનું કાર્ય વ્યક્તિ શિક્ષણ સાથે સબળા સાથે નબળાની જૂથ પધ્ધતિ અપનાવવા જણાવાયું છે.
જૂન-2023થી શિક્ષણ પધ્ધતિમાં બદલાવ આવશે ત્યારે અર્લી ચાઇલ્ડ એજ્યુકેશન સીસ્ટમથી શિક્ષકને વાકેફ કરવા જરૂરી છે. દ્રઢિકરણ, સ્વ.અધ્યયન અને સહઅભ્યાસિક પ્રવૃત્તિ દ્વારા શ્રેષ્ઠ શિક્ષણ સમજ સાથે વિષય વસ્તુની સમજ સરળતાથી છાત્રોને આપી શકાય છે તેમ અરૂણ દવેએ જણાવ્યું છે.
