સુપ્રીમ કોર્ટે મંગળવારે અનામતને લઈને મોટો નિર્ણય લીધો છે. સુપ્રીમ કોર્ટે મધ્યપ્રદેશ હાઈકોર્ટના તે નિર્ણયને રદ કર્યો, જેમાં અનામતનો લાભ મેળવતા મેરીટોરીયસ વિદ્યાર્થીઓને જનરલ કેટેગરીની બેઠકો પર પ્રવેશ આપવામાં આવતો ન હતો.
સુપ્રીમ કોર્ટે સુનાવણીમાં કહ્યું કે જો અન્ય પછાત વર્ગ (ઓબીસી), અનુસૂચિત જાતિ (એસસી) અને અનુસૂચિત જનજાતિ (એસટી) કેટેગરીના હોશિયાર વિદ્યાર્થીઓ તેમની શ્રેષ્ઠ ક્ષમતા મુજબ સામાન્ય ક્વોટાની બેઠકો પર પ્રવેશ મેળવવા માટે હકદાર છે, તો જ તેમને અનામત બેઠકો પર પ્રવેશ મળવો જોઈએ.
જસ્ટિસ બીઆર ગવઈ અને કેવી વિશ્વનાથનની બેન્ચે મધ્યપ્રદેશ હાઈકોર્ટના નિર્ણય સામે રામ નરેશ ઉર્ફે રિંકુ કુશવાહા અને અન્ય લોકો દ્વારા દાખલ કરવામાં આવેલી અપીલને સ્વીકારતી વખતે આ નિર્ણય આપ્યો હતો. બેન્ચે કહ્યું કે ઓબીસી, એસસી અને એસટી કેટેગરીના વિદ્યાર્થીઓ સામાન્ય ક્વોટામાં પ્રવેશ મેળવવા માટે હકદાર છે, તેથી તેમને માત્ર બિન અનામત બેઠકો પર જ પ્રવેશ મળવો જોઈએ.
