રિલાયન્સ ન્યૂ એનર્જી સોલર લિમિટેડ નેક્સવેફમાં વ્યુહાત્મક અગ્રણી રોકાણકાર તરીકે મૂડીરોકાણ કરશે

ભારતમાં ગીગા-સ્કેલની વેફર મેન્યુફેક્ચરિંગ ફેસિલિટી તૈયાર કરવામાં અને સમગ્ર વિશ્વમાં ફોટોવોલ્ટેઇક ક્ષેત્રે નેતૃત્વ તૈયાર કરવાનો આ ટેક્નોલોજીનો હેતુ છે

અબતક-રાજકોટ

નેક્સવેફ દ્વારા આજે રિલાયન્સ ઇન્ડસ્ટ્રીઝ લિમિટેડ (રિલાયન્સ)ની સંપૂર્ણ માલિકી પેટાકંપની રિલાયન્સ ન્યૂ એનર્જી સોલર લિમિટેડને 25 મિલિયન યુરોના પ્રથમ તબક્કાના મૂડીરોકાણ સાથે સી સીરિઝના 39 મિલિયન યુરો (45 મિલિયન અમેરિકી ડોલર)ના ફાઇનાન્સિંગ રાઉન્ડમાં વ્યુહાત્મક અગ્રણી મૂડીરોકાણકાર તરીકે સામેલ કરવાની જાહેરાત કરવામાં આવી છે.રિલાયન્સ દ્વારા કરવામાં આવેલા મૂડીરોકાણ થકી નેક્સવેફના ઉત્પાદન અને ટેક્નોલોજીના વિકાસને વૃદ્ધિ મળશે, જેમાં ફ્રાયબર્ગ ખાતે આવેલી પ્રોટોટાઇપ લાઇન્સ પર નેક્સવેફના સોલર ફોટોવોલ્ટેઇક ઉત્પાદનોના વ્યવાસાયિક ઉત્પાદનનો સમાવેશ થાય છે.

રિલાયન્સ અને નેક્સવેફ વચ્ચે ઇન્ડિયા સ્ટ્રેટેજિક પાર્ટનરશિપ એગ્રીમેન્ટ થયા છે જેમાં ઉચ્ચતમ કાર્યક્ષમતા ધરાવતી મોનોક્રિસ્ટલાઇન ગ્રીન સોલાર વેફરનો સંયુક્ત ટેક્નોલોજી વિકાસ અને તેનું કમર્શિયલાઇઝેશન કરવામાં આવશે.આ ભાગીદારી થકી રિલાયન્સને નેક્સવેફની પોતાની માલિકીની ટેક્નોલોજી મળશે અને નેક્સવેફની પ્રક્રિયાઓ અને ટેક્નોલોજીનો ઉપયોગ કરીને ભારતમાં સોલર વેફર મેન્યુફેક્ચરિંગ ફેસિલિટી તૈયાર કરવાનું પણ આયોજન કરવામાં આવ્યું છે.

નેક્સવેફમાં રિલાયન્સનું રોકાણ હાલની ટેકનોલોજીને હરણફાળ ભરાવીને ગ્રીન એનર્જી આપવામાં ભારતને અગ્રણી બનાવવાના તેના લક્ષ્યને વધુ સ્પષ્ટ કરે છે, આમ વિશ્વની સૌથી વધુ ખર્ચ અને ઊર્જા-કાર્યક્ષમ ફોટોવોલ્ટેઇક પ્રક્રિયાને વિશાળ સ્વરૂપ ધારણ કરે છે.

રિલાયન્સ ઇન્ડસ્ટ્રીઝના ચેરમેન મુકેશ અંબાણીએ જણાવ્યું કે, અમે રિલાયન્સમાં હંમેશા અમારા તમામ વ્યવસાયોમાં ટેકનોલોજીની ભૂમિકા અલાયદી છે તેવું માનીએ છીએ. નેક્સવેફ સાથેની અમારી ભાગીદારી આ વાતની ફરી એકવાર પુષ્ટિ આપે છે, કારણ કે અમે ભારતની ઝડપથી વિકસતી અર્થવ્યવસ્થાની સસ્તું સ્વચ્છ ઊર્જાની જરૂરિયાતોને પહોંચી વળવાના મહત્વાકાંક્ષી મિશનની શરૂઆત કરીએ છીએ. નેક્સવેફમાં અમારું રોકાણ ભારતને ગ્રીન એનર્જીના વપરાશ તરફ લઈ જવાની સફરને વેગ આપવા અને ફોટોવોલ્ટેઇક મેન્યુફેક્ચરિંગમાં ભારતને વૈશ્વિક અગ્રણી તરીકે સ્થાન આપવાની દિશામાં મહત્વનું પગલું સૂચવે છે.અમે માનીએ છીએ કે નેક્સવેફની નવીન અલ્ટ્રા-પાતળી સોલર વેફર સૌર ઉત્પાદકોને હાલની ફોટોવોલ્ટેઇક તકનીકોની સરખામણીએ નોંધપાત્ર લાભ આપશે, ભારતમાં અને વૈશ્વિક સ્તરે સૌર ઊર્જાના ફાયદાઓને વધુ ઝડપથી અને વધુ અસરકારક રીતે સમજવામાં મદદ કરશે.

રિલાયન્સ માટે, સૌર અને અન્ય પ્રકારની નવીનીકરણીય ઉર્જામાં અમારો ધંધો વ્યવસાયની તક કરતાં ઘણો વધારે છે. આપણી ધરતીની સંભાળ રાખવાની અને તેને આબોહવાની કટોકટીમાંથી બચાવવાના વૈશ્વિક અભિયાનમાં યોગદાન આપવાની અમારી આ પદ્ધતિ છે.

નેક્સવેફના સીઇઓ ડેવોર સુતીજાએ જણાવ્યું કે, “નેક્સવેફ સાથેની વ્યૂહાત્મક ભાગીદારી થકી, રિલાયન્સ ભારતમાં સોલર વેફરની નવીનતમ ટેક્નોલોજી લાવી શકે છે જ્યારે ફોટોવોલ્ટેઇક ઉત્પાદકો માટે વૈશ્વિક બજારને સમતળ કરી શકે છે, એક જ કંપનીના બજારમાંથી આ ઉત્પાદનને બહાર લાવી શકે છે.”

નેક્સવેફના ચેરમેન બર્ટ માર્કે ઉમેર્યું હતું કે, “રિલાયન્સ સૌથી વધુ સ્પર્ધાત્મક કિંમતો પર ગુણવત્તાયુક્ત ઉત્પાદનો બનાવવાની ક્ષમતા માટે જાણીતી છે, તેથી અમે માનીએ છીએ કે, સિલિકોન વેફરને ફરીથી આકાર આપવા અને તેને ફરીથી બનાવવામાં મદદ કરવા માટેની તેની પ્રતિબદ્ધતા, વિશ્વને ઉચ્ચ-કાર્યક્ષમતાવાળા ફોટોવોલ્ટેઇક્સના ઉપયોગને વિશાળ સ્તર પર લાવવા માટે આમૂલચૂલ પરિવર્તન લાવશે.”