ભારતીય ટીમ જ્યારે દક્ષિણ આફ્રીકાના પ્રવાસ પર ગઈ હતી ત્યારે રોહિત શર્મા સાથે એવી ઘટના બની કે તે તેના સાથી ખેલાડી રવિન્દ્ર જાડેજાને મોઢા પર મુક્કો મારવાનો વિચાર કરતો હતો.
રોહિત શર્માએ આ વાતનો ખુલાસો કર્યો કે તે પ્રવાસ પરથી રવીન્દ્ર જાડેજાના મોઢા પર મુક્કો મારવા માંગતો હતો. જે સમયે રોહિત સાથે આ ઘટના બની તે સમયે અજિક્યાં રહાણે પણ તેની સાથે હાજર રહ્યો હતો. રોહિતે એક ટોક શોમાં આ વાતનો ખુલાસો કર્યો છે. રોહિતે આ ઈન્ટરવ્યૂમાં જણાવ્યું કે દક્ષિણ આફ્રીકાના પ્રવાસ દરમિયાન ભારતીય ખેલાડીઓ જોહાનિસબર્ગથી ૯૦ કિલોમીટર દૂર મઝીકી સફારી ફરવા માટે ગયા હતા.
તે સમયે તેઓ લેપર્ડ વોક જોવા માટે જંગલમાં અંદર સુધી ગયા હતા. આ સફારી દરમિયાન રોહિત સાથે તેની પત્ની રિતિકા, અજિક્ય રહાણે, રાધિકા અને રવિન્દ્ર જાડેજા પણ સાથે હતો. રોહિતે જણાવ્યું કે લેપર્ડ તેની આંખોમાં જોઈ રહ્યોય હતો ત્યારે રવીન્દ્ર જાડેજા અલગ-અલગ પ્રકારના અવાજો નિકાળી પોતાની તરફ બોલાવવાનો પ્રયત્ન કરી રહ્યો હતો. જેના કારણે રોહિત શર્મા ખુબ ગુસ્સે થઈ ગયો હતો અને તેણે જણાવ્યું કે તે સમયે મને ઈચ્છા થઈ હતી કે તેને મોઢા પર એક મુક્કો મારી દઉં.
