એશિયા રેઝિલિયન્ટ સિટીઝ પ્રોજેક્ટમાં યુએસ એજન્સી ફોર ઇન્ટરનેશનલ ડેવલપમેન્ટ દ્વારા એશિયાના ચાર પૈકી ભારતના એક માત્ર રાજકોટને પસંદ કરાયું: કરાર પર હસ્તાક્ષર
બદલી રહેલા પર્યાવરણ અને આબોહવા સંબંધી વિવિધ સમસ્યાઓના ઉકેલ લાવવા માટે એક ઇન્ટરનેશનલ ઈનિશિએટિવ એશિયા રેઝિલિયન્ટ સિટીઝ પ્રોજેક્ટમાં યુએસ એજન્સી ફોર ઇન્ટરનેશનલ ડેવલપમેન્ટ દ્વારા એશિયાના ચાર શહેરોનો સમાવેશ થઇ રહ્યો છે જે પૈકી ભારતના એકમાત્ર રાજકોટ શહેરને પાર્ટનર સિટી તરીકે જાહેર કરવામાં આવેલ છે. આ ઉપરાંત બાંગ્લાદેશ, ઇન્ડોનેશિયા, ક્રીઝરીપબ્લિકના એક-એક શહેરનો સમાવેશ થાય છે. આ પ્રોજેક્ટ માટે આગામી પાંચ વર્ષના સમયગાળા માટેના એક કરાર પર હસ્તાક્ષર પણ કરવામાં આવેલ છે જે ગૌરવની વાત છે, તેમ મેયર ડો. પ્રદીપ ડવ, સ્ટેન્ડિંગ કમિટીના ચેરમેન પુષ્કરભાઈ પટેલ અને મ્યુનિસિપલ કમિશનર આનંદ પટેલે જાહેર કર્યું હતું.
એશિયા રેઝિલિયન્ટ સિટીઝ પ્રોજેક્ટ અને યુએસ એજન્સી ફોર ઇન્ટરનેશનલ ડેવલપમેન્ટ દ્વારા પણ આ અંગેની એક સત્તાવાર જાહેરાતમાં એમ જણાવાયું હતું કે, એશિયા રેઝિલિયન્ટ સિટીઝ પ્રોજેક્ટને રાજકોટ મહાનગરપાલિકા, મેયર અને રાજકોટના રહેવાસીઓ સાથે મળીને શહેરી વિકાસના પડકારોનો સામનો કરવા માટે ભાગીદારી કરવામાં ગર્વ છે. યુએસએઆઈએ દ્વારા નિષ્ણાંતો સહિતનું માનવ સંસાધન ભંડોળ પૂરું પાડવામાં આવેલ આ પ્રોજેક્ટ સાતત્યપૂર્ણરીતે લાંબા સમય સુધી જેના લાભો લોકોને મળી શકે તેવા ગુણવત્તાયુક્ત શહેરી વિકાસને પ્રોત્સાહન આપશે. સાથોસાથ પર્યાવરણ બદલાવના પડકારનો પ્રતિકાર કરવાની ક્ષમતામાં વૃદ્ધિ, વાતાવરણમાં થતા કાર્બન ઉત્સર્જનમાં ક્રમશ: ઘટાડો કરવા, અને આબોહવા પરિવર્તન અને પર્યાવરણીય વિચારણાઓને શહેરી અભિગમમાં એકીકૃત કરવાની બાબતોને પણ પ્રોત્સાહન મળી રહેશે.
યુએસ એજન્સી ફોર ઇન્ટરનેશનલ ડેવલપમેન્ટ દ્વારા વધુમાં એમ પણ કહેવામાં આવ્યું હતું કે, રાજકોટ ભારતના ગુજરાત રાજ્યનું ચોથું સૌથી મોટું શહેર છે, અને તે રાજ્યના મુખ્ય વ્યાપારી અને ઔદ્યોગિક કેન્દ્રોમાંનું એક છે. રાજકોટ ભારતના પશ્ચિમ કિનારે આવેલું છે, અને તેની વસતિ લગભગ 2 મિલિયન (20 લાખ) જેટલી છે. રાજકોટ ભારતના સ્માર્ટ સિટી મિશનનો એક ભાગ છે અને તેને સ્વચ્છ ભારત મિશન (સ્વચ્છ ભારત અભિયાન) હેઠળ ભારતનું 7મું સૌથી સ્વચ્છ શહેર જાહેર કરવામાં આવ્યું છે.
તાજેતરના વર્ષોમાં રાજકોટમાં ઉનાળામાં તાપમાન 45 ડિગ્રી સેલ્સિયસ જેટલું ઊંચું હોવા સાથે શહેરમાં ગરમીના મોજા (હીટ વેવ) અને તેની તીવ્રતામાં ક્રમશ: વધારો થયો છે. રાજકોટ મ્યુનિસિપલ કોર્પોરેશન, અન્ય સરકારી વિભાગો, શિક્ષણવિદોઅને રહેવાસીઓ વગેરે સાથે ગાઢ ભાગીદારીમાં સાથે મળીને, આબોહવા પરિવર્તનના પડકારનો સામનો કરી રહેવા યોગ્ય વાતાવરણને ટકાવી રાખતી વિવિધ પ્રવૃત્તિઓની રૂપરેખા તૈયાર કરશે. શહેર સાથેની તેની ભાગીદારી દરમિયાન, એઆરસી વિવિધ પ્રકારના કામ કરશે અને ટકાઉ શહેરી વિકાસ માટે સિસ્ટમ અભિગમને ટેકો આપવા માટેના સાધનો અને લોકોને તેમાં સામેલ કરવાનું આયોજન છે.
રહેવાયોગ્ય આબોહવા અને પર્યાવરણ તેમજ ઈન્ફ્રાસ્ટ્રક્ચર ક્ષેત્રે આવશ્યક પરિવર્તન લાવવા માટેનો એઆરસીનો સૌથી મોટો સ્ત્રોત શહેરના રહેવાસીઓ છે. એઆરસી શહેરી કાર્યસૂચિને આગળ ધપાવવા, અર્થતંત્રમાં પરિવર્તન લાવવા અને તેમના સમુદાયોને જેની જરૂર છે તેની હિમાયત કરવા માટે સહયોગ કરીને વાતચીતમાં રહેવાસીઓનો સમાવેશ કરીને આગળ વધશે. આ પ્રોજેક્ટ શહેર સરકારમાં માનવ સંસાધન ક્ષમતાનું નિર્માણ પણ કરશે અને બિઝનેસ સમુદાય, અન્ય દાતા પ્રોજેક્ટ્સ અને નાગરિક સમાજને સક્રિયપણે જોડશે.
અત્રે ઉલ્લેખનીય છે કે,એશિયા રેઝિલિએન્ટ સિટીઝ એ 23 સપ્ટેમ્બર, 2022 થી શરૂ થતા કરાર નંબર હેઠળ યુએસ એજન્સી ફોર ઇન્ટરનેશનલ ડેવલપમેન્ટ દ દ્વારા નિષ્ણાંતો સહિતનું માનવ સંસાધન ભંડોળ પૂરું પાડવામાં આવેલ પાંચ વર્ષનો સહકારી કરાર છે. એઆઇસી જેએસઆઈ સંશોધન અને તાલીમ સંસ્થા, દ્વારા લાગુ કરવામાં આવે છે. ) ભાગીદારો BRAC, DevTech Systems, Inc. અને ICF સાથે. યુએસએઆઈડી દ્વારા અમેરિકન લોકોના ઉદાર સમર્થનથી આ પ્રોજેક્ટ શક્ય બન્યો છે. ઞજઅઈંઉ વિશ્વભરના 80 થી વધુ દેશોમાં આર્થિક અને માનવતાવાદી સહાય પૂરી પાડીને યુએસ વિદેશી સહાયતા કાર્યક્રમનું સંચાલન કરે છે.