શેરબજાર સતત ત્રીજા દિવસે ગ્રીન ઝોનમાં!

આજે સેન્સેકસમાં 193 પોઇન્ટનો ઉછાળો, માર્કેટમાં વોલેટિલિટી ઓછી

સપ્તાહના ત્રીજા કારોબારી દિવસે બજાર ઉછાળા સાથે ખુલ્યું.  બુધવારે સેન્સેક્સ 360 પોઈન્ટના ઉછાળા સાથે 61779 ના સ્તર પર અને નિફ્ટી 81 પોઈન્ટના ઉછાળા સાથે 18325 ના સ્તર પર ખુલ્યો હતો.  તે જ સમયે, બેંક નિફ્ટી 211 અંક વધીને 42668ના સ્તર પર ખુલ્યો હતો. જ્યારે આજે સેન્સેક્સ 193.01 પોઈન્ટના વધારા સાથે 61,611.97 પોઈન્ટ પર ટ્રેડ કરી રહ્યો છે જ્યારે નિફ્ટી 62.55 પોઈન્ટના વધારા સાથે 18306.75 પોઈન્ટ પર ટ્રેડ કરી રહ્યો છે.

તે પહેલા, ત્રણ દિવસથી બજારમાં આવેલો ઘટાડો મંગળવારે અટકી ગયો હતો અને સેન્સેક્સ-નિફ્ટી ગ્રીન ઝોન પર બંધ થયા હતા.  અમેરિકી બજાર પણ તેજી સાથે બંધ થયું છે.  ડાઉ જોન્સ 1.18 ટકા, એસએન્ડપી 500 1.36 ટકા અને નાસ્ડેક 1.36 ટકા વધ્યો.  એસજીએક્સ નિફ્ટી 62 પોઈન્ટના ઉછાળા સાથે 18350 પર બંધ રહ્યો હતો.  ભારતીય બજારને તેનો ટેકો મળ્યો અને તે ફાયદા સાથે ખુલ્યું.  તે જ સમયે, ડોલર ઇન્ડેક્સ 107 ને પાર કરી ગયો છે.  વૈશ્વિક બજારમાં ક્રૂડ ઓઈલના ભાવમાં પણ એક ટકાનો વધારો થયો છે.  હાલમાં તે પ્રતિ બેરલ 88.36 ડોલર ના સ્તર પર ટ્રેડ કરી રહ્યો છે.

કરન્સી માર્કેટમાં ઉતાર-ચઢાવ: રૂપિયો તૂટ્યા બાદ રિકવરી

કરન્સી માર્કેટમાં છેલ્લા 2 દિવસથી ઉતાર ચઢાવ થઈ રહ્યા છે. રૂપિયો તૂટ્યા બાદ આજે રિકવરી પણ જણાઈ રહી છે. યુએસ ડોલરની મજબૂતી અને વિદેશમાં સતત વિદેશી ભંડોળના પ્રવાહ વચ્ચે બુધવારે શરૂઆતના વેપારમાં યુએસ ડોલર સામે રૂપિયો 14 પૈસા ઘટીને 81.81 થયો હતો.ઇન્ટરબેંક ફોરેન એક્સચેન્જ માર્કેટમાં ડોલર સામે રૂપિયો 81.81 પર ખૂલ્યો હતો, જે તેના અગાઉના બંધ ભાવ કરતાં 14 પૈસાનો ઘટાડો દર્શાવે છે. મંગળવારે અમેરિકન ચલણ સામે રૂપિયો 12 પૈસા સુધરીને 81.67 પ્રતિ ડોલર પર બંધ થયો હતો. દરમિયાન, ડોલર ઇન્ડેક્સ, જે છ મુખ્ય કરન્સીની બાસ્કેટ સામે યુએસ ડોલરની સ્થિતિ દર્શાવે છે, તે 0.06 ટકા ઘટીને 107.16 થયો હતો. ગ્લોબલ ઓઈલ ઈન્ડેક્સ બ્રેન્ટ ક્રૂડ ફ્યુચર 0.08 ટકા ઘટીને 88.29 ડોલર પ્રતિ બેરલ હતો.નિષ્ણાતોએ જણાવ્યું હતું કે ચીનમાં કોવિડ સંબંધિત કડક પ્રતિબંધોની સંભાવનાને કારણે એશિયન કરન્સીને અસર થઈ હતી. શેરબજારના આંકડા અનુસાર મંગળવારે વિદેશી સંસ્થાકીય રોકાણકારોએ રૂ. 697.83 કરોડના શેરનું વેચાણ કર્યું હતું.