- ડમ્પર અને બસની વચ્ચે સર્જાયો અકસ્માત
- અકસ્માતમાં બસ અને ડમ્પર બંને પલ્ટી માર્યા
- 8 જેટલી એમ્બ્યુલન્સ મારફતે ઘાયલોને સારવાર અર્થે ખસેડાયા
આ સમગ્ર ઘટનાના ધ્રુજાવી દેતાં દ્રશ્યો સામે આવ્યા છે. ડમ્પર અને બસ વચ્ચે સર્જાયેલા અકસ્માતમાં એક વ્યક્તિનું મો*ત નીપજ્યું છે. જ્યારે 20થી વધુ લોકો ઘાયલ છે. 8 જેટલી 108થી ઘાયલોને હોસ્પિટલ ખસેડાયા છે.
અનુસાર માહિતી મુજબ, સુરતના હજીરા વિસ્તારથી એક મોટા સમાચાર સામે આવ્યા છે. અહીં એક બેફામ દોડતા ડમ્પર અને બસ વચ્ચે ભયંકર અકસ્માત સર્જાયો હતો. AMNS દ્વારા સંચાલિત બસમાં કુલ 50 જેટલા મુસાફરો સવાર હતા. જેમાંથી 20 થી વધુ જેટલા કર્મચારીઓને ગંભીર ઈજા થઇ છે. જ્યારે સારવાર દરમિયાન એકનું મો*ત નિપજ્યું હોવાના અહેવાલ મળી રહ્યા છે.
20 થી વઘુ ઈજાગ્રસ્ત, 1નું મો*ત
બસ અને ડમ્પર વચ્ચે ટક્કર એટલી ભીષણ હતી કે બંને વાહનો પલટી ગયા હતા જેના લીધે ઘણાને નાની-મોટી ઈજાઓ થઈ હતી. જોકે 20 થી વઘુ ગંભીર ઈજાઓ પહોંચતા 108 અને ખાનગી એમ્બ્યુલન્સની મદદથી ઈજાગ્રસ્તોને તાત્કાલિક નજીકની હોસ્પિટલમાં ખસેડવામાં આવ્યા હતા. જેમાં સારવાર દરમિયાન એકનું મો*ત નિપજ્યું હતું.
8 એમ્બ્યુલન્સની મદદથી હોસ્પિટલ પહોંચાડાયા
માહિતી અનુસાર અકસ્માતની જાણ થતાં જ આઠ જેટલી એમ્બ્યુલન્સ ઘટના સ્થળે ધસી આવી હતી અને ઘાયલોને તાત્કાલિક ધોરણે હોસ્પિટલ ખસેડવામાં આવ્યા હતા. ડૉક્ટરોએ કહ્યું કે આ અકસ્માતમાં એક ઈજાગ્રસ્ત વ્યક્તિની હાલત ગંભીર હતી. જે છેવટે મૃત્યુ પામી ગયો હતો. આ બસ એક ખાનગી કંપનીની હતી અને તેમાં ખાનગી કંપનીના કર્મચારીઓ જ મુસાફરી કરી રહ્યા હતા.
