- હજીરા રોરો ફેરી સર્વિસમાં ઓવરલોડેડ ટ્રક હેરાફેરી કરતાં હોવાના આક્ષેપો
- જિપ્શમ, રોક અને કોલસાની ઓવરલોડ હેરાફેરી થતી હોવાના આક્ષેપ
- સુરત ડિસ્ટ્રીક ટ્રક ઓનર્સ વેલફેર એસોસિએશન દ્વારા કરાઇ રજૂઆત
સુરતના હજીરા રોરો ફેરી સર્વિસમાંથી દારૂનો જથ્થો ઝડપાયા બાદ હવે જિપ્શમ, રોક અને કોલસાની ઓવરલોડ ટ્રકની હેરાફેરી થતી હોવાની ગંભીર રજૂઆત થઈ છે. રોરો ફેરી સર્વિસમાં મુસાફરોના જીવ દાવ પર મૂકી ઓવરલોડ ટ્રેકની હેરાફેરી કરવાનો વેપલો ખુલ્લેઆમ ધમધમી રહ્યો હોવાના આક્ષેપો કરવામાં આવ્યા છે. રોજિંદી ફેરી સર્વિસમાં ઓવરલોડ ટ્રકો ભરીને સુરતથી ભાવનગર મોકલાતી હોવાની સુરત ડિસ્ટ્રીક ટ્રક ઓનર્સ વેલફેર એસોસિએશન દ્વારા કલેકટરને રજૂઆત કરવામાં આવી હતી. આ મામલે કોઈ નિરાકરણ ન આવ્યું હોવાના આક્ષેપો કરવામાં આવ્યા છે.
આ અંગે વિગતે વાત કરવામાં આવે તો, હજીરા ઘોઘા રોરો ફેરી સર્વિસમાં દારૂની હેરાફેરી કરનારાઓ સામે રાજ્યના ગૃહ વિભાગે ગાલ આંખ કરી છે. ત્યારે આ જ રોરો ફેરી સર્વિસમાં મુસાફરોના જીવ દાવ પર મૂકી ઓવરલોડ ટ્રેકની હેરાફેરી કરવાનો વેપલો ખુલ્લેઆમ ધમધમી રહ્યો છે. રોજિંદી ફેરી સર્વિસમાં ઓવરલોડ ટ્રકો ભરીને સુરતથી ભાવનગર મોકલાતી હોવાની રજૂઆત થઈ છે. જોકે આ મામલે કોઈ નિરાકરણ હજુ સુધી આવ્યું નથી. હવે મુસાફરો સાથે ઓવરલોડ ટ્રેક ભરીને જતી મધદરિય કોઈ દુર્ઘટના બને તો માટે જવાબદાર કોણ તે પ્રશ્ન ઊભો થયો છે. વાહન વ્યવહાર વિભાગની સાથે સુરત RTOના આંખ આડા કાન કરી રહ્યા છે.
હજીરા રોરો ફેરી સર્વિસમાંથી દારૂનો જથ્થો ઝડપાયા બાદ હવે જિપ્શમ, રોક અને કોલસાની ઓવરલોડ ટ્રકની હેરાફેરી થતી હોવાની ગંભીર રજૂઆત થઈ છે. સુરતના પોર્ટ પરથી મોકલાની કોલસાની ટ્રેક ઓવરલોડ હોવા છતાં રો રો ફેરીન સંચાલકો બિનધાસ્ત રીતે ટ્રકની હેરાફેરી કરી રહ્યા છે. રોરો ફેરીમાં માત્ર ટ્રક જેવી વસ્તુઓ જ લઈ જવાની નથી, પરંતુ મુસાફરોને પણ લઈ જવામાં આવે છે. હવે એક-બે નહીં પરંતુ રોજિંદા 59 જેટલી ઓવરલોડ ટ્રક ભરીને લઈ જવામાં આવે છે.
આ અંગે વાહન વ્યવહાર વિભાગની સાથે સુરત આરટીઓને પુરાવા સાથે જાણ કરવામાં આવી હતી. સુરત ડિસ્ટ્રીક ટ્રક ઓનર્સ વેલફેર એસોસિએશન દ્વારા આ અંગે ગાંધીનગરથી લઈને સુરત સુધી રજૂઆતો કરવામાં આવી છે. પરંતુ આજદિન સુધી કોઈ કાર્યવાહી કરવામાં આવી નથી. આરટીઓ જ નહીં પરંતુ પોલીસ દ્વારા પણ કોઈ પગલાં ભરાયા નથી. આરટીઓ અને પોલીસની આડોડાઈને કારણે રોરો ફેરીના સંચાલકોને ઓવરલોડ ટ્રક લઈ જવા મોકળું મેદાન મળી ગયું છે.
યોગેશ સેલડીયા ( સુરતડિસ્ટ્રીક ટ્રક ઓનર્સ વેલફેર એસોસિએશન) એ જણાવ્યું હતું કે દરિયાઇ માર્ગ પરિવહન દ્વારા જે રો રો ફેરીમાં પેસેન્જર તથા ઓવરલોડ વાહનો રો રો ફેરી દ્વારા સુરત થી ભાવનગર ઘોઘા અને ભાવનગર ઘોઘા થી સુરત હજીરા પરિવહન થાય છે. જે સ્થાનિક RTO સુરત તથા ભાવનગર રાતોને જાણ હોવા છતાં કોઇપણ જાતની કાર્યવાહી કરવામાં આવતી નથી. રો રો ફેરી ની કંપની ચલાવનાર પોતાના પર્સનલ બેનિફિટ માટે પરમીટ કરતા વધારે માલ ભરેલ હોઈ તેનો ઉપરથી પર ટન 200થી 300 રૂપિયા વસુલે છે તો આ કંપની ને કોઈ કહેવાવાળું નથી.
અહેવાલ: ભાવેશ ઉપાધ્યાય
