હથિયારના પરવાના અને ખાણની લીઝમાં લાંચ તેમજ જમીન કૌભાંડ સહિતના પ્રકરણોમાં તપાસનો ધમધમાટ
સેન્ટ્રલ બ્યૂરો ઓફ ઈન્વેસ્ટિગેશએ 2011 બેચના ગુજરાત કેડરના આઈએએસ અધિકારી કે રાજેશની ભ્રષ્ટાચારના આરોપ હેઠળ ધરપકડ કરી છે. તે ચાલુ તપાસમાં સહકાર આપી રહ્યા ન હતા. સીબીઆઈના સૂત્રો મુજબ તેમના પર લાંચ, બંદૂકનું લાઇસન્સ આપવાનો અને પ્રભાવશાળી લોકોની તરફેણમાં જમીન નિયમિત કરવાનો આરોપ હતો છે. જો કે આ બનાવથી પૂર્વ સરકાર ઉપર દબાણ લાવવામાં આવી રહ્યું હોવાની ચર્ચાએ પણ વેગ પકડ્યો છે.
આ અગાઉ સીબીઆઈ અને સુરેન્દ્રનગર જિલ્લા વહીવટીતંત્રના સૂત્રોએ જણાવ્યું હતું કે 2011-બેચના અધિકારીએ ચૂંટણી ખર્ચ ખાતાનો ઉપયોગ હથિયારોના લાઇસન્સ આપવા તેમજ ખાણ અને રેતીની ખાણની લીઝ આપવા માટે લાંચ વસૂલવા માટે કર્યો હતો. સુરેન્દ્રનગર જિલ્લા કલેક્ટર 32 બેંક ખાતાઓનું સંચાલન કરે છે. તેમાંથી એક ચૂંટણી ખર્ચ ખાતું છે જેનું ઓડિટ કરવામાં આવ્યું ન હતું. રાજેશે એપ્રિલ 2018માં કલેક્ટર તરીકેનો કાર્યભાર સંભાળ્યો ત્યારે ખાતામાં લગભગ 5 લાખ રૂપિયા હતા. એપ્રિલ 2021 સુધી ખાતામાં 5 કરોડ રૂપિયા હતા.
અધિકારીએ જણાવ્યું હતું કે, જે અરજદારો રેતીના ખનન માટે શસ્ત્ર લાઇસન્સ અથવા લીઝ લેવા આવ્યા હતા તેમના વતી ખાતામાં પૈસા જમા કરવામાં આવ્યા હતા. આ દર્શાવે છે કે તેણે ભ્રષ્ટાચારના નાણાં જમા કરાવવા માટે સરકારી ખાતાનો ઉપયોગ કર્યો હતો. ઉપરાંત જે અરજદારો આઈએએસ કે. રાજેશનો સંપર્ક કરતા હતા તેઓ પણ આ પદ્ધતિથી અજાણ હતા. તેમાંથી મોટાભાગના લોકોએ એવું વિચારીને પૈસા જમા કરાવ્યા કે તેઓ સરકારી ફંડમાં ફાળો આપી રહ્યા છે.
નિયમ મુજબ નાયબ જિલ્લા વિકાસ અધિકારી ચૂંટણી ખાતાનો હવાલો સંભાળે છે. જો કે, રાજેશે પોતે જ આ એકાઉન્ટનું સંચાલન સંભાળ્યું હતું. દોઢ વર્ષ પૂર્વે એસીબીમાં થયેલી ફરિયાદ બાદ સમગ્ર તપાસ શરૂ થઈ
2021ની શરૂઆતમાં રાજેશને સંડોવતા કથિત ભ્રષ્ટાચારના ઘણા અહેવાલો મળ્યા હતા. આમાં 25 જાન્યુઆરી 2021ના રોજ અમદાવાદના એક વેપારીએ એસીબીમાં નોંધાવેલી ફરિયાદનો અહેવાલ સામેલ છે. ફરિયાદીએ જણાવ્યું હતું કે સુરેન્દ્રનગરના કલેક્ટર તરીકે રાજેશ હથિયાર લાયસન્સ કઢાવવા માટે રૂ. 5 લાખની લાંચ માંગતા હતા અને પૈસાનો એક ભાગ ‘જિલ્લા કલેક્ટર ફંડ’માં ચેક દ્વારા જમા કરવાનો હતો.
