- બીચ સ્પોર્ટ્સ ફેસ્ટીવલ-2025નું આયોજન તા.18 થી 21 માર્ચ 2025 દરમ્યાન સોમનાથ ખાતે કરાશે
- બીચ હેન્ડબોલ અને બીચ વોલીબોલ રમતમાં ભાગ લેવા ઈચ્છુક ખેલાડીઓ 07 માર્ચ 2025 સુધી https://sportsauthority.gujarat.gov.in/ પરથી ફોર્મ ડાઉનલોડ કરી રજીસ્ટ્રેશન કરાવી ભાગ લઈ શકશે
- આ બીચ સ્પોર્ટ્સ ફેસ્ટિવલમાં વિજેતા ટીમને અનુક્રમે રૂ.3 લાખ, રૂ.2 લાખ અને રૂ.1 લાખના રોકડ પૂરસ્કાર આપવામાં આવશે
રમત ગમત યુવા અને સાંસ્કૃતિક પ્રવૃત્તિઓ, વિભાગ હસ્તક સ્પોર્ટ્સ ઓથોરિટી ઓફ ગુજરાત દ્ધારા સોમનાથ ખાતે બીચ સ્પોર્ટ્સ ફેસ્ટીવલ 2025નું આયોજન તા.18 માર્ચથી 21 માર્ચ 2025 દરમ્યાન કરવામાં આવશે. એમ રમત ગમત યુવા અને સાંસ્કૃતિક પ્રવૃત્તિઓ વિભાગ હસ્તક સ્પોર્ટ્સ ઓથોરિટી ઓફ ગુજરાત, ગાંધીનગરની યાદીમાં જણાવાયું છે.
યાદીમાં વધુમાં જણાવાયું છે કે, આ બીચ સ્પોર્ટ્સ ફેસ્ટિવલમાં ઓપેન એજ ગ્રુપમાં યોજવામાં આવશે, જેમાં બીચ હેન્ડબોલ અને બીચ વોલીબોલ રમતમાં ભાઈઓ-બહેનોની સ્પર્ધાનું આયોજન કરવામાં આવશે. જેમાં વિજેતા ટીમને અનુક્રમે રૂ. 3,00,000 /-, રૂ.2,00,000/- અને રૂ.1,00,000/-ના રોકડ પૂરસ્કાર આપવામાં આવશે.
બીચ સ્પોર્ટ્સ ફેસ્ટીવલમાં ભાગ લેવા ઈચ્છુક ખેલાડીઓએ રજીસ્ટ્રેશન માટે https://sportsauthority.gujarat.gov.in/ પરથી ફોર્મ ડાઉનલોડ કરી વિગતવાર માહિતી ભરીને પોતાના જિલ્લાની જિલ્લા રમત વિકાસ અધિકારીની કચેરી ખાતે તા.05 માર્ચથી તા.07 માર્ચ 2025 સુધી કચેરી સમય દરમ્યાન ફોર્મ જમા કરવાનું રહેશે. આ સ્પોર્ટ્સ ફેસ્ટીવલની વધુ માહિતી માટે ટોલ ફ્રી નંબર 1800 274 6151નો સંપર્ક કરવા રમત ગમત યુવા અને સાંસ્કૃતિક પ્રવૃત્તિઓ વિભાગ હસ્તક સ્પોર્ટ્સ ઓથોરિટી ઓફ ગુજરાત, ગાંધીનગરની યાદીમાં વધુમાં જણાવાયું છે.
