ગુજરાતીમાં એક કહેવત છે કે કાંખમાં છોકરુંને ગામમાં ગોતા-ગોત. આ કહેવત જેવી જ ઘટના કેરલમાં થઈ છે જે વાંચીને તમને પણ આશ્ચર્ય થશે. આ ઘટના કેરળના પલક્કડના આયલુર ગામની છે. અહીં રહેતી એક છોકરી 11 વર્ષ પહેલા ગુમ થઈ હતી. પરિવારના સભ્યોએ ખૂબ શોધખોળ કરી પણ તેને શોધી શક્યા નહીં, તેથી પરિવારે દીકરી મળશે તેવી આશા છોડી દીધી હતી. હવે આટલા વર્ષો પછી તે છોકરી મળી આવી છે. જે જગ્યા છોકરી મળી હતી તે જગ્યા તેના માતાપિતાના ઘરથી 500 મીટર દૂર સ્થિત છે. અહીં તે એક દાયકાથી તેના પ્રેમી સાથે રહેતી છે. આશ્ચર્યની વાત એ છે કે છોકરીના માતા-પિતાને પણ આની જાણકારી નહોતી.
વર્ષ 2010માં ગુમ થઈ હતી
આ યુવતીનું નામ સજીતા છે. તે ફેબ્રુઆરી 2010માં એક રાત પોતાનું ઘર છોડીને નજીકમાં સ્થિત અલિનચુવતીલ રહેમાન (બોયફ્રેન્ડ)ના ઘરે રહેવા લાગી. તે સમયે છોકરી 18 વર્ષની હતી. પોલીસે બધે યુવતીની શોધ કરી. પણ તે મળી નહીં. સજીતા પાસે મોબાઈલ ફોન પણ નહોતો. તેઓએ તેમના સંબંધોને ગુપ્ત રાખ્યા કારણ કે પ્રેમી-પ્રેમિકા બંને અલગ અલગ ધર્મના હતા.
પોલીસને યુવક પર શંકા નહોતી
નેનમારા પોલીસ સ્ટેશનના હાઉસ ઓફિસર દીપા કુમારે ‘ધ ઇન્ડિયન એક્સપ્રેસ’ ને કહ્યું, ‘તેને 24 વર્ષીય રહેમાનની ક્યારેય શંકા નહોતી. ‘તેમના અફેર વિશે કોઈને ખબર નહોતી. સામાન્ય રીતે ભાગી જવાના કોઈ પણ કેસમાં, બંને વ્યક્તિઓ ગુમ થાય છે, પરંતુ આ કિસ્સામાં આવું બન્યું નહોતું, તેથી રહેમાન પર અમારી શંકા ક્યારેય ગઈ જ નહીં.
યુવક રૂમમાં કોઈને પ્રવેશવા દેતો ન હતો
રહેમાનનો ભાઈ બશીર એક ટ્રક ડ્રાઈવર છે. તેણે કહ્યું કે રહેમાન હાઉસ પેઇન્ટરનું કામ કરે છે. તેની પાસે એક અલગ રૂમ હતો, જેમાં તેણે કોઈને અંદર પ્રવેશવા દેતો નહોતો. કેટલીકવાર તે ‘માનસિક દર્દી’ જેવું વર્તન કરતું હતો, જો કોઈ તેના રૂમમાં પ્રવેશવાનો પ્રયાસ કરતો ત તેમના પર હિંસક થઈ જતો.
ઓરડામાં જ કપડાં સુકવતી હતી સૂજીતા:
સજીતા પણ તેના ધોવાઈ ગયેલા કપડાં ઓરડાની અંદર સૂકવી દેતી. જોકે, જ્યારે પરિવારે રેહમાનના લગ્ન માટે યુવતીની શોધ શરૂ કરી ત્યારે તેને વાંધો ન હતો પરંતુ રહેમાન લગ્નના મુદ્દાને હમેશાં ટાળતો રહેતો.
આયલુર પંચાયતના સભ્ય પુષ્કરને જણાવ્યું હતું કે રહેમાન હંમેશાં શાંત અને લોકોથી દૂર રહેતો અને લોકોને એવી શંકા હતી કે તેને માનસિક બીમારી છે. તેણે તેના ઓરડાની બારીમાંથી કેટલાક કાચ કાઢી નાખ્યા હતા અને તેના ઓરડામાં કોઈ બાથરૂમ નહોતું જેનાથી તે સમજી શકે છે કે સજીતા રાત્રે બારીની બહાર જતી હતી , સજીતા ઇયરફોનનો ઉપયોગ કરીને ટીવી જોતી હતી. કુમારે કહ્યું, “ગામના લોકો તેને ભૂલી ગયા હતા, દરેકને લાગ્યું હતું કે તે કોઈની સાથે તમિળનાડુ ભાગી ગઈ હશે.”
ભાડેથી ગામમાં રહેવાનું શરૂ કર્યું
પરિવારે સૂજીતાની ગુમ થવાની ફરિયાદ પણ નોંધાવી હતી. પરંતુ મંગળવારે, જ્યારે તેના ભાઇ બશીરે તેને સંયોગ દ્વારા જોયો, જે પછી જાણવા મળ્યું કે રેહમાન અને સજીતા બીજા ગામમાં ભાડે રહેતા હતા.
કોર્ટે સાથે રહેવાની મંજૂરી આપી
પોલીસે દંપતીને સ્થાનિક અદાલતમાં રજૂ કરવામાં આવ્યા હતા. રહેમાને અદાલતને કહ્યું કે તે સજિતા સામે તેના પરિવારના વિરોધથી હતી પરંતુ કોર્ટમાં જ્યારે સજીતાએ કહ્યું કે તે રહેમાન સાથે રહેવા માંગે છે, ત્યારે કોર્ટે તેમને સાથે રહેવાની છૂટ આપી.
