“મારા સપનાની પરી”
આમ તો બધુ જ યાદ રહી જાય છે,
બસ તારા વિશે લખવા બેસુ ને ભૂલાઈ જાય છે.
ખૂબ જ સારી હતી મારી યાદ રાખવાની સ્મરણ શક્તિ,
પણ તારા વિચારોમાં જ બધી વેડફાઈ જાય છે.
કંઈક તો ભૂલ કરી છે તને બનાવવામાં ભગવાને,
નહીતર તારી પાછળ આ જીંદગી કેમ ખર્ચાઈ જાય છે.
જોયા તો છે ઘણાય રૂપ રૂપના ચાંદને,
પણ કેમ તમને જોઈને જ અંજાઈ જવાય છે.
કેવા નવરાશના સમયે બનાવ્યા હશે ભગવાને તમને,
કે સુરજના અજવાળા પણ તમારી સામે ઝાંખા પડી જાય છે.
ચાંદ કહું કે તમને ચાંદનો ટૂકડો કે ખીલતી સંધ્યા,
આ બધું જ તમારામાં હવે છલકાતું જાય છે.
મન તો તારું પણ મોહ્યું હતું એના પર “બેપરવા”,
નહીતર આવી ભૂલ તારાથી કેમ થઈ જાય છે ?
વિપુલ ભીલ- “બેપરવા”
રાજકોટ
તમે પણ કવિતા, સ્વરચિત ગીત, ગઝલ કે કથા, ટૂંકીવાર્તા લખવાના શોખીન હોવ તો તમારા દ્વારા રચિત કન્ટેન્ટ અમને અમારા ઈ-મેઈલ એડ્રેસ [email protected] પર મોકલી આપશો. જેને તમારા નામ સાથે અમે અમારા પ્લેટફોર્મ પર મૂકીશું. તમારી આવડત, કૌશલ્ય, કળા-કૃતિને અમે ઉજાગર કરીશું.
