અદાણી ગૃપ ઉપર મોદી સરકાર મહેરબાન
અદાણી ગ્રુપ 464 કિમિના 6 લેન હાઇવેનું નિર્માણ કરશે
જાહેર-ખાનગી ભાગીદારી હેઠળ દેશની ખાનગી કંપનીને આપવામાં આવેલો અત્યાર સુધીનો સૌથી મોટો પ્રોજેક્ટ બનશે ગંગા એક્સપ્રેસ વે
અબતક, નવી દિલ્હી : ગૌતમ અદાણીના અદાણી ગ્રુપ પર મોદી સરકારની કૃપા વરસી રહી છે. હવે ગ્રુપને ગંગા એક્સપ્રેસ વેનું 80 ટકા કામ પૂર્ણ કરવાની જવાબદારી સોંપવામાં આવી છે. આ માટે કેન્દ્ર દ્વારા સ્વીકૃતિ પત્ર જારી કરવામાં આવ્યો છે. આ મુજબ, 594 કિલોમીટરની લંબાઈમાંથી, અદાણીની કંપની બદાઉનથી પ્રયાગરાજ સુધી 464 કિલોમીટરના રોડનું બાંધકામ કરશે.
અદાણી ગ્રુપની ફ્લેગશિપ કંપની અદાણી એન્ટરપ્રાઈઝ લિમિટેડને ગંગા એક્સપ્રેસવેના ત્રણ મુખ્ય વિભાગોના અમલીકરણ માટે ઉત્તર પ્રદેશ એક્સપ્રેસવે ઈન્ડસ્ટ્રીયલ ડેવલપમેન્ટ ઓથોરિટી તરફથી મંજૂરીનો પત્ર મળ્યો છે. . આ પ્રોજેક્ટની કિંમત 17,000 કરોડ રૂપિયાથી વધુ છે.જાહેર-ખાનગી ભાગીદારી હેઠળ દેશની ખાનગી કંપનીને આપવામાં આવેલો આ અત્યાર સુધીનો સૌથી મોટો એક્સપ્રેસવે પ્રોજેક્ટ છે. અદાણી ગ્રુપને યુપી એક્સપ્રેસવે ઈન્ડસ્ટ્રીયલ ડેવલપમેન્ટ ઓથોરિટી તરફથી મંજૂરી પત્ર મળ્યો છે.
ઉત્તર પ્રદેશમાં ગંગા એક્સપ્રેસ વે ખરેખર મેરઠને પ્રયાગરાજ સાથે જોડશે. તે ડિઝાઇન, બિલ્ડ, ફાઇનાન્સ, ઓપરેટ અને ટ્રાન્સફર ધોરણે અમલમાં મુકાયેલો ભારતનો સૌથી લાંબો એક્સપ્રેસવે હશે. અદાણી એન્ટરપ્રાઇઝે કહ્યું કે તે ઉત્તર પ્રદેશમાં ત્રણ ભાગમાં છ લેનનો એક્સપ્રેસવે બનાવશે, જેને વધારીને આઠ લેન કરી શકાય છે. આ પ્રોજેક્ટ 30 વર્ષનો કન્સેશન પીરિયડ ધરાવે છે.
સૂત્રોનું કહેવું છે કે કુલ 594 કિલોમીટરની લંબાઈમાંથી અદાણી એન્ટરપ્રાઈઝ બુદૌનથી પ્રયાગરાજ સુધી 464 કિલોમીટરનું નિર્માણ કરશે. આ એક્સપ્રેસ વે પ્રોજેક્ટનો 80 ટકા છે. ખાસ વાત એ છે કે વિપક્ષ સતત આરોપ લગાવી રહ્યો છે કે મોદી સરકાર ત્રણ-ચાર ઉદ્યોગપતિઓ માટે કામ કરી રહી છે. તેમાંથી ગૌતમ અદાણી સૌથી વધુ નિશાને છે. તે પછી પણ સરકારે તેમને મહત્વનો પ્રોજેક્ટ આપ્યો છે.
હાલમાં, અદાણી જૂથ પાસે આવા 13 પ્રોજેક્ટ છે જે હેઠળ પાંચ હજાર કિલોમીટરથી વધુના રસ્તાઓ બનાવવામાં આવી રહ્યા છે. તેમની કિંમત 35 હજાર કરોડ રૂપિયાથી વધુ છે. આ પ્રોજેક્ટ દેશના નવ રાજ્યોમાં ચાલી રહ્યા છે. જેમાં છત્તીસગઢ, એમપી, તેલંગાણા, યુપી, કેરળ, ગુજરાત, પી. બંગાળ, ઓડિશા અને આંધ્રપ્રદેશનો સમાવેશ થાય છે. ખાસ વાત એ છે કે ત્રણ પ્રાંતો સિવાય બાકીના વિપક્ષ શાસિત રાજ્યો છે.
