દરિયાની નીચે આયર્ન, મેંગેનીઝ, નિકલ, કોબાલ્ટ સહિતના ખનીજોનો જથ્થો: રાષ્ટ્રીય અને આંતરરાષ્ટ્રીય ટીમો તૈયાર કરીને વર્ષ 2023 થી માઇનિંગ કરાશે શરૂ
હિન્દ મહાસાગરની નીચે ધરબાયેલો ખનીજોનો ખજાનો સરકાર બહાર કાઢશે. આ માટે સરકાર રાષ્ટ્રીય અને આંતરરાષ્ટ્રીય ટીમો તૈયાર કરીને વર્ષ 2023થી માઇનિંગ શરૂ કરવાની હોવાનું જાણવા મળ્યું છે.
આયર્ન, મેંગેનીઝ, નિકલ, કોબાલ્ટનું ટૂંક સમયમાં હિંદ મહાસાગરમાં ખાણકામ કરવામાં આવશે. આ માટે સરકારે ટેક્નોલોજી ડેવલપમેન્ટનું કામ શરૂ કર્યું છે. પૃથ્વી વિજ્ઞાન મંત્રાલયે ડીપ ઓશન મિશન હેઠળ તે તમામ યુનિવર્સિટીઓ અને સંસ્થાઓને જોડાવા માટે ખુલ્લું આમંત્રણ આપ્યું છે, જે લાંબા સમયથી પૃથ્વી વિજ્ઞાન પર કામ કરી રહી છે. મંત્રાલયના જણાવ્યા અનુસાર, મધ્ય હિંદ મહાસાગરમાં પોલીમેટાલિક નોડ્યુલ્સના ખાણકામ માટે એક સંકલિત માઇનિંગ સિસ્ટમ વિકસાવવામાં આવી રહી છે.
વૈજ્ઞાનિકના મતે ડીપ ઓશન મિશન એ ભારત સરકારની મેરીટાઇમ ઈકોનોમી પહેલને ટેકો આપવા માટે એક મિશન મોડ પ્રોજેક્ટ છે. અગાઉ, પૃથ્વી વિજ્ઞાન મંત્રાલય દ્વારા બ્લુ ઇકોનોમી પોલિસીનો મુસદ્દો પણ તૈયાર કરવામાં આવ્યો હતો. આવા મિશન માટે જરૂરી ટેક્નોલોજી અને કુશળતા હાલમાં માત્ર પાંચ દેશો અમેરિકા, રશિયા, ફ્રાન્સ, જાપાન અને ચીન પાસે છે. આવી ટેક્નોલોજી ધરાવતો ભારત છઠ્ઠો દેશ હશે.
માનવસહિત સબમરીન પર શોધ સઘન ડીપ ઓશન મિશન હેઠળ માનવસહિત સબમર્સિબલ સબમરીનની શોધ ચાલી રહી છે. નેશનલ ઈન્સ્ટિટ્યૂટ ઓફ ઓશન ટેક્નોલોજી અને ઈસરો સંયુક્ત રીતે આ સબમરીનને વૈજ્ઞાનિક સેન્સર અને સાધનો સાથે દરિયામાં 6,000 મીટરની ઉંડાઈ સુધી લઈ જઈ રહી છે. આ શોધ ખૂબ જ ઝડપથી આગળ વધી રહી છે.
મહાસાગરોનો 95% વિસ્તાર હજુ પણ રહસ્યમય
મંત્રાલયના એક વરિષ્ઠ વૈજ્ઞાનિકે કહ્યું કે વિશ્વના લગભગ 70 ટકા ભાગને આવરી લેતા મહાસાગરો આપણા જીવનનો મહત્વપૂર્ણ ભાગ છે. તેમની ઊંડાઈમાં 95 ટકા વિસ્તાર હજુ સુધી યોગ્ય રીતે શોધાયેલ નથી. ભારતની વાત કરીએ તો, આપણા દેશની લગભગ એક તૃતીયાંશ વસ્તી, ત્રણ દિશામાંથી મહાસાગરોથી ઘેરાયેલી, દરિયાકાંઠાના વિસ્તારોમાં રહે છે. મત્સ્યઉદ્યોગ, જળચરઉછેર, પ્રવાસન, આજીવિકા અને દરિયાઈ અર્થવ્યવસ્થા જેવા ક્ષેત્રો સમુદ્ર સાથે જોડાયેલા છે.
