- રામ રાખે એને કોણ ચાખે!!!
- પ્લેનમાં સવાર તમામ 80 લોકોનો કરાયો આબાદ બચાવ: 17 લોકો ઘાયલ
ટોરોન્ટોના પિયર્સન એરપોર્ટ પર એક ડેલ્ટા વિમાન રનવે પર બરફ જામી જતા લેન્ડિંગ દરમિયાન ઊંધું પલટી ગયું હતું, જેમાં સવાર તમામ 76 મુસાફરો અને 4 ક્રૂ સભ્યો સહિત 80 લોકોનો ચમત્કારિક બચાવ કરવામાં આવ્યો હતો. જેમાં 17 લોકો ઘાયલ પણ થયા જતા અને તેમાંથી પણ ત્રણની હાલત હાલ ગંભીર છે. ત્યારે હાલમાં તપાસ માટે રનવે થોડા સમય માટે બંધ કરવામાં આવ્યો હતો.
વિમાન અકસ્માતમાં સત્તર લોકો ઘાયલ થયા હતા. જેમાં એક બાળક સહિત ત્રણ વ્યક્તિઓ ગંભીર રીતે ઘાયલ થયા હતા. ત્યારે આ અંગે મળતા અહેવાલો અનુસાર, ચમત્કારિક રીતે બધા મુસાફરો અને ક્રૂ સભ્યો આ ઘટનામાં બચી ગયા હતા. આ સાથે ઓન્ટારિયોના એર એમ્બ્યુલન્સ પ્રદાતાના જણાવ્યા અનુસાર, ત્રણ દર્દીઓને ગંભીર હાલતમાં ટોરોન્ટોની હોસ્પિટલોમાં લઈ જવામાં આવ્યા હતા. જેમાં એક બાળકને માંદા બાળકો માટેની હોસ્પિટલમાં લઈ જવામાં આવ્યો હતો, જ્યારે 60 વર્ષના એક પુરુષ અને 40 વર્ષની એક મહિલાને શહેરની અન્ય તબીબી સુવિધાઓમાં ખસેડવામાં આવ્યા હતા.
ત્યારે આ અંગે ઉડ્ડયન અધિકારીઓને જારી કરાયેલી નોટિસ મુજબ, પીયર્સન એરપોર્ટ પર રનવે થોડા સમય માટે બંધ રહ્યા પછી ફરી શરૂ કરવામાં આવ્યા હતા. એરપોર્ટે લગભગ 3 વાગ્યે (સ્થાનિક સમય) X દ્વારા પુષ્ટિ આપી કે બધા મુસાફરો અને ક્રૂને શોધી કાઢવામાં આવ્યા છે. આ ઘટનામાં સોમવારે બપોરે મિનિયાપોલિસથી શરૂ થતી ફ્લાઇટનો સમાવેશ થાય છે. પીલ રિજનના પેરામેડિક સુપરિન્ટેન્ડેન્ટ દ્વારા પુષ્ટિ મુજબ, લગભગ 80 મુસાફરો અને ક્રૂ સભ્યોમાંથી મોટાભાગના ઘાયલ થયા નથી.
આ સાથે સપ્તાહના શરૂઆતમાં, એરપોર્ટ પર 22 સેન્ટિમીટર બરફવર્ષાને કારણે સપ્તાહના અંતે થયેલા વિક્ષેપોને કારણે આશરે 1,000 ફ્લાઇટ્સમાં 130,000 મુસાફરોની અપેક્ષા રાખવામાં આવી હતી. ત્યારે બરફીલા રનવે પર પલટી ગયેલા વિમાનને ઇમરજન્સી વાહનોએ ઘેરી લીધું હતું, જેમાં વાદળી આકાશ સામે એર કેનેડાનું હેંગર દેખાતું હતું. આ સાથે ડેલ્ટા એર લાઇન્સે સોમવારે બપોરે અપડેટમાં એન્ડેવર એર દ્વારા સંચાલિત ફ્લાઇટ 4819 સાથે સંકળાયેલી ઘટનાની પુષ્ટિ કરી હતી, જેમાં મુસાફરોની સંભાળ પર ધ્યાન કેન્દ્રિત કરવામાં આવ્યું હતું.
