કોંગ્રેસથી દુરી બનાવતા બન્ને પક્ષો કોંગ્રેસની જ નજીક આવતા રાજકારણ ગરમાયુ
સંસદના શિયાળુ સત્ર પહેલા કોંગ્રેસે વિરોધ પક્ષો સાથે બેઠક યોજી હતી. આમ આદમી પાર્ટી અને તૃણમૂલ કોંગ્રેસના નેતાઓએ કોંગ્રેસ અધ્યક્ષ મલ્લિકાર્જુન ખડગે દ્વારા બોલાવવામાં આવેલી બેઠકમાં હાજરી આપતા સૌ કોઈ આશ્ચર્યચકિત થઈ ગઈ ગયા છે. આપ અને ટીએમસી આ બેઠકમાં અણધાર્યા સહભાગી હતા.
કોંગ્રેસ દ્વારા બોલાવવામાં આવેલી બેઠકમાં આપઅને તૃણમૂલની હાજરી આશ્ચર્યજનક હતી કારણ કે બંને પક્ષો લાંબા સમયથી કોંગ્રેસથી દૂર છે. ચોમાસુ સત્રમાં, તેમણે સંસદમાં કોંગ્રેસ નેતૃત્વની એક પણ ચાલને અનુરૂપ નહોતું.કોંગ્રેસ પ્રમુખ ખડગેએ શિયાળુ સત્ર માટે સંયુક્ત વ્યૂહરચના અંગે ચર્ચા કરવા માટે “સમાન વિચારધારા ધરાવતા વિપક્ષી પક્ષો”ની બેઠક બોલાવી હતી. આપ અને તૃણમૂલ ઉપરાંત ડાબેરી પક્ષો, ડીએમકે, રાષ્ટ્રીય જનતા દળ , રાષ્ટ્રવાદી કોંગ્રેસ પાર્ટી, નેશનલ કોન્ફરન્સ અને આરએસપીના સાંસદોએ બેઠકમાં હાજરી આપી હતી.કોંગ્રેસ અધ્યક્ષ ખડગેએ બેઠક અંગે ટ્વિટ કર્યું અને લખ્યું કે ’સંસદ લોકશાહી ચર્ચાનું ઘર છે’. અમે સમાન વિચારધારા ધરાવતા પક્ષો અમારા લોકો સાથે સંબંધિત તમામ મુદ્દાઓને મજબૂતીથી ઉઠાવીશું. ખડગેએ આગળ લખ્યું પીએમ મોદી, તમે કહ્યું કે વિપક્ષને ભાગ લેવાની વધુ તક મળી રહી છે, તેથી અમે અપેક્ષા રાખીએ છીએ કે સરકાર તેની વાત પર ચાલે.ખડગેએ આગળ લખ્યું કે જો કાયદા ઉતાવળમાં બનાવવામાં આવે તો તે ન્યાયિક તપાસને આકર્ષિત કરે છે. તેથી, અમે અપેક્ષા રાખીએ છીએ કે તમામ મહત્વપૂર્ણ બિલોને સંયુક્ત/પસંદગી સમિતિઓને મોકલવામાં આવે, જેથી તેની કાળજીપૂર્વક તપાસ કરી શકાય. અમે સંસદીય પ્રક્રિયાઓ અને ચર્ચાઓમાં સંપૂર્ણ સહકાર આપવા તૈયાર છીએ.
