તા. ૧૮.૬.૨૦૨૫, બુધવાર ,સંવંત ૨૦૮૧, જેઠ વદ સાતમ આજે સાંજે ૬ .૩૫ સુધી જન્મેલાંની ચંદ્રરાશિ કુંભ (ગ ,સ,શ) ત્યારબાદ મીન (દ,ચ,ઝ,થ) રહેશે.
મેષ (અ,લ,ઈ) : પ્રોપર્ટી અંગે યોગ્ય નિર્ણય લઇ શકો, જમીન મકાન વાહન સુખ સારું રહે,દિવસ પ્રગતિકારક રહે.
વૃષભ (બ,વ,ઉ) : નવા કાર્યમાં આગળ વધી શકો , સાહસ થી સિદ્ધિ પ્રાપ્ત થાય,આગળ વધવાની તક મળે.
મિથુન (ક,છ,ઘ) : ભાગીદારી માં કાળજી રાખવી પડે , આર્થિક બાબતોમાં મધ્યમ રહે,અન્ય બાબતો માં સારું રહે.
કર્ક (ડ,હ) : તમારા ખુદ માટે સમય કાઢી શકો, તમારા વ્યક્તિત્વનો વિકાસ થાય,યશ પ્રતિષ્ઠા પ્રાપ્ત થાય.
સિંહ (મ,ટ) : કેટલાક એવા બનાવ બને કે દિવસ દરમિયાન માનસિક વ્યગ્રતા અને ઉશ્કેરાટ રહે,સાંજ ખુશનુમા વીતે.
કન્યા (પ ,ઠ ,ણ) : ગણતરી વિનાના સાહસ ના કરવા સલાહ છે આવક કરતા જાવક વધી ના જાય તે જોવું,હિસાબ રાખવો.
તુલા (ર,ત) : અગાઉ ના સમયમાં તમે કરેલા કાર્યના સારા પરિણામ આજે મેળવી શકો, કર્મના સિદ્ધાંત ને સમજી શકો , શુભ દિન.
વૃશ્ચિક (ન ,ય) : ઇષ્ટદેવની આરાધના થી લાભ થાય, ધ્યાન યોગ મૌન થી લાભ થાય,આધ્યાત્મિક ચિંતન થાય.
ધન (ધ,ભ,ફ,ઢ ) : દિવસ દરમિયાન દોડધામ રહે , સાંજ પછી નસીબ સાથ આપતું જણાય,અંગત મિત્રો સાથે મતભેદ દૂર કરી શકો.
મકર (ખ,જ) : જાહેરજીવનમાં ધ્યાન આપી શકો, આંતરિક સંબંધોમાં સારું રહે,મનની વાત વ્યક્ત કરી શકો.
કુંભ (ગ ,સ,શ) : હિત શત્રુઓ થી સાવધ રહેવું,વધુ પડતા વિશ્વાસે ના ચાલવું, વ્યક્તિગત દેખરેખ થી કામ કરવું.
મીન (દ,ચ,ઝ,થ) : પ્રણય માર્ગે આગળ વધી શકો,ગમતી વ્યક્તિ થી વાતચીત થાય, મનની વાત વ્યક્ત કરી શકો.
–જ્યોતિષાચાર્ય રોહિત જીવાણી
અગાઉ અત્રે લખ્યા મુજબ ઈરાન ઇઝરાયેલ મોરચો ગંભીર રીતે ખુલી ગયો છે અને ઈરાન\ના શીર્ષસ્થ નેતૃત્વને ટાર્ગેટ કરવા સુધી મામલો પહોંચી ચુક્યો છે વળી ન્યુક્લિઅર એક્ટિવિટી પણ થઇ છે જે મંગળ કેતુની યુતિનો પ્રભાવ દર્શાવે છે વળી આ યુતિ અગ્નિતત્વની રાશિ સિંહ જે સિંહાસનની રાશિ પણ છે ત્યાં જ થાય છે માટે તે શીર્ષસ્થ નેતૃત્વ અને ઉચ્ચ હોદ્દા પર બિરાજમાન લોકોને પણ અસરકર્તા બને છે. આ યુતિની ગંભીરતા વિષે હું અગાઉજ લખી ચુક્યો હતો ત્યાર પછી અકસ્માતોની હારમાળા જોવા મળી જેમાં અમદાવાદ પ્લેન ક્રેશ અતિ દુઃખદ અને વિસરી ના શકાય તેવી ઘટના બની છે આ ઉપરાંત કેદારનાથમાં પ્લેન ક્રેશ થયું છે તો અનેક પ્લેનને તેના રૂટથી પાછા બોલાવવા પડ્યા છે તો પુના પાસે નદી પર પૂલ તૂટ્યો છે તે ઘટના પણ ગંભીર છે વિશ્વમાં આવી અનેક ઘટના અકસ્માત અને આગજની જોવા મળી રહ્યા છે જે વિષે હું અત્રે લખી ચુક્યો છું જેની અસર હજુ આગામી બે માસ સુધી જોવા મળશે વળી ગુરુ પણ મિથુન રાશિમાં અતિચારી થઇ આગળ વધી રહ્યા છે અને મહત્વનું એ છે કે તેઓ આર્દ્રા નક્ષત્રમાંથી પસાર થઇ રહ્યા છે જે રૌદ્ર છે માટે એ અસર પણ મોટી ઘટનાને અંજામ આપે છે આગામી સમયમાં પણ પ્લેન થી લઇ અન્ય અકસ્માતો સામે સાવધ રહેવું જોઈએ અને આ બાબતે ઊંડી તાપસ પણ જરૂરી બનશે કેમ કે મંગળ કેતુ પ્રેરિત આ ઘટના માત્ર અકસ્માત નથી વળી આગામી સમયમાં સિસ્ટમ હેક કરી કાવતરા કરવાની કોશિશ થશે જે પણ હું અત્રે લખી ચુક્યો છું દેશ વિરોધી તત્વો આપણને લડાઈમાં પહોંચી શકે એમ નથી માટે આ રીતે અનેક રસ્તે પરેશાન કરવાની કોશિશ કરશે અને આગામી સમયમાં ખાવાપીવાની વસ્તુઓમાં પણ ભેળસેળ કરવા પ્રયત્ન કરે તો વિમાનથી લઈને અન્ય પ્રણાલીને દૂરથી હેક કરી તેમની મેલી મુરાદ પુરી કરવા કોશિશ કરી શકે.
–જ્યોતિષાચાર્ય રોહિત જીવાણી
