- ઠંડીની સાથે રાજ્યમાં મોટાભાગના સ્થળોએ કલાકના 15થી 20 કિ.મી.ની તીવ્ર ઝડપે ઉત્તર અને પૂર્વોત્તર દિશાથી આવતા ઠંડાગાર હીમ પવનો ફૂંકાયા: આવતીકાલથી બે ત્રણ દિવસ ઠંડીમાં આંશિક ઘટાડો થશે
ગુજરાતીએ ઉત્તરાયણ ખુબ જ મોજથી ઉજવી છે, વહેલી સવારથી જ ઠંડીની કઈ પરવાહ કર્યાં વગર ધાબે ચઢી ગયાં હતાં. જો કે, ઉત્તરાયણ દરમિયાન ઠંડીનું જોર પ્રમાણમાં જ રહ્યું હતું. પરંતુ હવે ગુજરાતમાં ઠંડીનું જોર કેવું રહેશે? મોટાભાગે 15 જાન્યુઆરી પછી તાપમાનમાં વધારો થતો હોય છે, પરંતુ આ વખતે શિયાળો વધારે ચાલે તેવું લાગી રહ્યું છે. આજે વહેલી સવારથી પવન ફૂંકાયો જેથી ઠંડીનું જોર વધ્યું હતું. આગામી ત્રણ-ચાર દિવસ સુધી હતી તાપમાનમાં વધારો થવાની કોઈઓ સંભાવના નથી, હજી પણ રાજ્યમાં 24 કલાક ઠંડીનું જોર યથાવત રહેશે તેવું હવામાન વિભાગનું કહેવું છે. જો કે, હવામાન વિભાગે 18 તારીખને લઈને કહ્યું કે, આ તારીખે ઠંડીમાં આંશિક રાહત મળે તેવી સંભાવનાઓ છે. આ દરમિયાન તાપમાન 1થી2 ડિગ્રી સેલ્સિયસ વધવાની સંભાવના છે. આ 18 તારીખ પછી પવનની ગતિમાં પણ ઘટાડો થઈ શકે છે. જો કે, 18 તારીખ પછી ઝાંકળ પડશે તેવું લાગી રહ્યું છે. જોકે, આખા રાજ્યમાં તેનો પ્રભાવ જોવા નહીં મળે માત્ર સૌરાષ્ટ્ર અને કચ્છના કેટલાક વિસ્તારોમાં ઝાંકળો પડી શકે છે. એટલું જ નહીં પરંતુ સૌરાષ્ટ્ર-કચ્છના દરિયાકાંઠાના વિસ્તારો સાથે સાથે ઉત્તર ગુજરાતના કેટલાક ભાગોમાં પણ ઝાકળ જોવા મળી શકે છે. નોંધનીય છે કે, હજી થોડા દિવસ ઠંડી રહેશે તો શિયાળું પાકને ફાયદો થશે તેવું ખેડૂતોનું માનવું છે. ખાસ કરીને વાત કરવામાં આવે તો, અત્યારે રાજ્યમાં અનેક વિસ્તારોમાં ઠંડા પવનો ફૂંકાયા છે. જેના કારણે ઠંડી વધારે લાગી રહી છે. શહેરી વિસ્તરો કરતા ખુલ્લો વિસ્તાર હોવાના કારણે ગામડાંઓમાં ઠંડીનું જોર વધારે હોય તેવું લાગી રહ્યું છે. પરંતુ જો ઠંડીમાં ઘટાડો નહીં થાય તો આગામી સમયમાં પાકને કેવી અસર થશે તે જોવું રહ્યું! ઠંડીની સાથે રાજ્યમાં મોટાભાગના સ્થળોએ કલાકના 15થી 20 કિ.મી.ની તીવ્ર ઝડપે ઉત્તર અને પૂર્વોત્તર દિશાથી આવતા ઠંડાગાર હીમ પવનો ફૂેકાયા હતા જેના કારણે ઠંડી હતી તેના કરતા ઘણી વધારે અનુભવાતી હતી અને શહેરો તથા હાઈવે પર લોકો ગરમવસ્ત્રોમાં લપેટાઈને બહાર નીકળતા નજરે પડયા હતા તો રાત્રે માર્ગો સૂમસામ બની ગયા હતા.મૌસમ વિભાગની આગાહી મૂજબ આવતીકાલથી બે ત્રણ દિવસ ઠંડીમાં આંશિક ઘટાડો થશે. પરંતુ, એકંદરે પૂર્વાનુમાન અનુસાર એકંદરે 30 જાન્યુઆરી સુધી 10થી 16 સે.તાપમાન વચ્ચે ગુજરાતમાં ઠંડી જારી રહેવાની શક્યતા છે. ઉલ્લેખનીય છે કે ગુજરાતમાં શિયાળાના ડિસેમ્બરથી ફેબુ્રઆરી એ 3 માસમાં સૌથી વધારે ઠંડી જાન્યુઆરી માસમાં નોંધાતી હોય છે.
જિલ્લા વાઈઝ તાપમાન
- અમદાવાદ 13.7
- અમરેલી 13.8
- બરોડા 15.8
- ભાવનગર 16.5
- દીવ 14.5
- દ્વારકા 14.6
- નલિયા 6.0
- ઓખા 18.9
- પોરબંદર 14.0
- રાજકોટ 10.7
- સુરત 18.8
- વેરાવળ 17.1