- અતુલ્ય ભારત, અમૂલ્ય સંસ્કૃતિનીની ગાથા પહોંચશે જન-જન સુધી
- 1000થી વધારે કલાકારોની કલા પ્રસ્તુતિ, દરેક રાજ્યોની માટીની મહેક, તેમના લોકગીતોના સૂર અને તેમના નૃત્યોના તાલ એકબીજામાં ભળી જશે, જે એક અદ્ભૂત સંમિશ્રણ
ભારત! એક એવો દેશ જ્યાં દરેક માટીના કણમાં એક કથા છે, દરેક પવનના સુસવાટામાં એક સંગીત છે અને દરેક દિશામાં એક અનોખી સંસ્કૃતિ ધબકે છે. આ અદભુત વિવિધતાને એક મંચ પર લાવવા, તેને ઉજાગર કરવા અને નવી પેઢી સુધી પહોંચાડવા માટે ગુજરાત લોક કલા ફાઉન્ડેશન દ્વારા ઇન્ડિયન ફોક કાર્નિવલ”નું તા. 30,31 અને 1 લી જૂન એમ ત્રિદિવષીય દરમ્યાન અમદાવાદની કર્ણાવતી ક્લબમાં ખાતે યોજવા જઈ રહ્યો છે ,અબતકના મેનેજિંગ ટ્રસ્ટી સતીશકુમાર મહેતા સાથે શુભેચ્છા મુલાકાતમાં નરેન્દ્રસિંહ જાદવ, મૌલિકભાઈ મહેતા, જીતુભાઈ બાંધણીયા, નવલસિંહ ડોડીયા અને મોહિત ભટ્ટએ વધુ વિગતો આપી હતી,જેમાં લોકનૃત્યના 1000થી વધારે કલાકારો પરફોર્મ કરશે દરેક રાજ્યોની માટીની મહેક, તેમના લોકગીતોના સૂર અને તેમના નૃત્યોના તાલ એકબીજામાં ભળી જશે, જે એક અદ્ભુત સંમિશ્રણ રચશે. આ કાર્નિવલનો મુખ્ય ઉદ્દેશ્ય લોકોને દેશના વિવિધ પ્રદેશોની સંસ્કૃતિ, ઇતિહાસ અને જીવનશૈલીનો જીવંત અનુભવ કરાવવાનો છે,આ અનોખા મહોત્સવમાં દેશભરના 20 થી વધુ રાજ્યોના લોકકલાકારો ભાગ લેવા માટે સજ્જ છે. આ કલાકારો પોતાના પ્રદેશના વિશિષ્ટ લોકનૃત્યો, સંગીત, કઠપૂતળી, વાર્તાકથન અને અન્ય પરંપરાગત કલા સ્વરૂપોનું પ્રદર્શન કરશે. આનાથી પ્રેક્ષકોને ભારતની વિવિધતામાં રહેલી એકતાનો સાક્ષાત્કાર થશે અને દરેક રાજ્યની આગવી ઓળખનો પરિચય મળશે.આ ઇન્ડિયન ફોક કાર્નિવલ માત્ર મનોરંજનનો સ્ત્રોત જ નહીં, પરંતુ સાંસ્કૃતિક શિક્ષણ અને આદાનપ્રદાનનું એક મહત્વપૂર્ણ પ્લેટફોર્મ પણ બની રહેશે. તે યુવા પેઢીને ભારતના સમૃદ્ધ લોકકલા વારસા સાથે જોડવામાં મદદ કરશે અને દેશભરના કલાકારોને પોતાની પ્રતિભા દર્શાવવા અને પ્રેરણા મેળવવા માટે એક અનમોલ તક પૂરી પાડશે. આ કાર્યક્રમ ભારતની સાંસ્કૃતિક એકતાને મજબૂત બનાવવામાં અને લોકકલાને આંતરરાષ્ટ્રીય સ્તરે ઓળખ અપાવવામાં પણ મદદરૂપ થશે.
સૌરાષ્ટ્રની જીવંત લોકસંસ્કૃતિ તથા અને લોકકલાને રાષ્ટ્રીય મંચ પર ઉજાગર કરવાની એક અનોખી તક ઉભી થઇ છે. અમદાવાદમાં યોજાનાર ઇન્ડિયન કોક કાર્નિવલ ના મંચ પર આ વર્ષે સૌરાષ્ટ્રની બે પ્રખ્યાત લોકનૃત્ય મંડળીઓ તેમની સુંદર રજૂઆતો આપશે.ચોરવાડથી શ્રી શક્તિ ટિપ્પણી નૃત્ય મંડળીના પ્રવીણભાઈ વાઢેરના નેતૃત્વમાં પરંપરાગત ટિપ્પણી નૃત્ય રજુ કરવામાં આવશે. ટિપ્પણી એ સૌરાષ્ટ્રના કઠોર પરિશ્રમજીવી સમુદાયનું ઉર્જાસભર નૃત્ય છે, જેમાં લાકડાની ટિપ્પણીઓ સાથે ઢોલના ધનપોર તાલે ગતિશીલ નૃત્ય થાય છે. વિશિષ્ટ પોશાક, રંગબેરંગી પઘડી અને હોલની ધમાકેદાર તાલ સાથે ટિપ્પણી નૃત્ય સૌરાષ્ટ્રની ખરાત અને મરદાનગી દર્શાવે છે.બીજી બાજુ લતીપુરથી મહેન્દ્રભાઈ આણદાણીની પટેલ રાસ મંડળી દ્વારા કણબી રાસ રજૂ કરાશે. કણબી રાસ એ સમૃદ્ધ ખેતી-સંસ્કૃતિ ધરાવતો રાસ છે, જેમાં ધરતીપુત્રોની ધબકતી ઊર્જા જોવા મળે છે.આ બંને મંડળ આઈએફસી માં દર્શકોને માત્ર નૃત્ય નહીં, પણ લોકોની સંસ્કૃતિ, ઈતિહાસ અને જીવનશૈલીનો જીવંત અનુભવ કરાવશે, ઇન્ડિયન ફોક કાર્નિવલમાં દેશભરના 20 થી વધુ રાજ્યોના લોકકલાકાર ભાગ લેશે અને ગુજરાતની માવજત કરનારી પરંપરાગત કળાઓને વિશિષ્ટ સ્થાન આપવામાં આવ્યું છે.દેશભરના લોકનૃત્ય અને લોકકલાના કલાકારોને રાષ્ટ્રીય મંચ મળી રહે તે હેતુથી ગુજરાત લોકકલા ફાઉન્ડેશન દ્વારા ઇન્ડિયન કોક કાર્નિવલનું આયોજન કરવામાં આવ્યું છે. આપણી વિસરાતી જતી લોક કલાને મલ્ટી મીડિયાના મેગા શો દ્વારા નવી જનરેશન સુધી પહોંચાડવા માટે આ પ્રયોગ થઈ રહ્યો છે. જેમાં ગુજરાતના તમામ પ્રાંતના પરંપરાગત લોકનૃત્યો જોવા મળશે. ઉપરાંત રાજસ્થાન, ઉત્તરપ્રદેશ, પંજાબ, ઓડિસા, આંધ્રપ્રદેશ, છત્તીસગઢ, તામિલનાડુ મહારાષ્ટ્ર જેવા વિવિધ રાજ્યોના લોક કલાકારો પણ પોતાની સાંસ્કૃતિક વિરાસતને જીવંત કરશે.ગુજરાત લોક કલા ફાઉન્ડેશન દેશની એકમાત્ર એવી સંસ્થા છે કે જેની સાથે 5,000થી પણ વધુ લોક કલાકારો જોડાયેલા છે અને આ કલાકારોને દેશ-વિદેશમાં પ્લેટફોર્મ પૂરું પાડવાનું કામ આ સંસ્થા કરી રહી છે. “ઇન્ડિયન ફોક કાર્નિવલ” માત્ર એક તહેવાર નથી, પરંતુ તે ભારતના સાંસ્કૃતિક આત્માનો એક ઉત્સવ છે. તે એક એવી ઉજવણી છે જ્યાં ભાષા, ભૂગોળ અને રિવાજોની સીમાઓ તૂટી જાય છે અને કલા, સંગીત અને નૃત્યના સાર્વત્રિક ભાષા દ્વારા સૌ એકબીજા સાથે જોડાય છે. ત્રિ- દિવસીય કાર્યક્રમમાં બે વર્કશોપ બે આર્ટ ગેલેરી 10 થી વધુ એવોર્ડ 1000 થી વધુ કલાકારો અને 50થી પરંપરાગત ડાન્સ ફોર્મ જોવા મળશે આ શો દ્વારા વિસરાતી જતી લોકકલાને રાષ્ટ્રીય મંચ મળશે કલાચાહકો એન્ટ્રી ફી તેમજ રજીસ્ટ્રેશન ફરજિયાત છે પાસ માટે તેમજ વધુ વિગત માટે મો.ન. 9016031743 પર સંપર્ક કરવા જણાવેલ છે,આ મહોત્સવ ભારતની વિવિધતામાં એકતાના ખ્યાલને વધુ મજબૂત બનાવશે અને ભવિષ્યની પેઢીઓને તેમના સમૃદ્ધ વારસા પર ગર્વ લેવા માટે પ્રેરિત કરશે. આવો, આપણે સૌ આ ભવ્ય સાંસ્કૃતિક સંગમનો હિસ્સો બનીએ અને ભારતની લોકકલાને ઉજ્જવળ ભવિષ્ય આપીએ
પ્રથમ દિવસ:ગુજરાતના લોકનૃત્યોની થશે જમાવટ
પહેલા દિવસે, ગુજરાતની સમૃદ્ધ સાંસ્કૃતિક વિરાસતને દર્શાવતા વિવિધ લોકનૃત્યો રજૂ કરવામાં આવશે. ગરબા, રાસ, તલવાર રાસ, હુડો, પઢાર, ટિપ્પણી અને અન્ય સ્થાનિક લોકનૃત્યો દ્વારા ગુજરાતની આત્માને જીવંત કરવામાં આવશે.
આ પ્રદર્શન સ્થાનિક કલાકારોની અદ્ભુત પ્રતિભા અને પરંપરા પ્રત્યેની તેમની નિષ્ઠાને ઉજાગર કરશે.
બીજા દિવસ: આદિવાસી લોકનૃત્યોની અનોખી દુનિયાની એક ઝલક ભારતભરના આદિવાસી સમુદાયોના વિશિષ્ટ અને રંગીન લોકનૃત્યો પ્રદર્શિત કરવામાં આવશે. આ નૃત્યો આદિવાસી સંસ્કૃતિ, તેમના રીતિ-રિવાજો, તહેવારો અને જીવનશૈલીનું પ્રતિબિંબ પાડશે. આદિવાસી નૃત્યો ઘણીવાર પ્રકૃતિ સાથેના તેમના ગાઢ સંબંધ અને તેમની સરળ છતાં ઊંડી ભાવનાઓને વ્યક્ત કરે છે. આ પ્રદર્શન દ્વારા આદિવાસી કલાના સમૃદ્ધ વારસાને માન્યતા આપવામાં આવશે.
ત્રીજા દિવસે:રાષ્ટ્રીય પરંપરાગત લોકનૃત્યોનું મહાપર્વ
કાર્યક્રમના અંતિમ દિવસે, દેશના જુદા જુદા રાજ્યોના પરંપરાગત અને વૈવિધ્યસભર લોકનૃત્યો પરફોર્મ કરવામાં આવશે. ભાંગડા, કથકલી, ભરતનાટ્યમ, ઓડિસી, બિહુ, ઘુમર અને અન્ય અનેક નૃત્ય સ્વરૂપો ભારતની સાંસ્કૃતિક એકતામાં રહેલી વિવિધતાનું પ્રતિક બનશે. આ દિવસનું પ્રદર્શન પ્રેક્ષકોને ભારતની વિશાળ અને ભવ્ય સાંસ્કૃતિક યાત્રા કરાવશે.
આધુનિક પેઢીઓ માટે પરંપરાનું નવસર્જન: લોકકલાનો વારસો ‘GEN Z’ થી ‘GEN BETA’ સુધી : નરેન્દ્રસિંહ જાદવ
ગુજરાત લોકકલા ફાઉન્ડેશનના મેનેજિંગ ટ્રસ્ટી, નરેન્દ્રસિંહ જાદવે અબ તક સાથેની વાતચીત દરમિયાન જણાવ્યું હતું કે,આપણી સમૃદ્ધ લોકકલા અને સાંસ્કૃતિક વારસાને વર્તમાન અને ભવિષ્યની પેઢીઓ સુધી પહોંચાડવાના એક અનોખા પ્રયાસ છે, એક ભવ્ય ત્રિ-દિવસીય લોકનૃત્ય કાર્યક્રમનું આયોજન કરવામાં આવ્યું છે. “આપણી લોકકલા GEN Z (જનરેશન ઝેડ) થી આગળ વધીને GEN ALPHA (જનરેશન આલ્ફા) અને GEN BETA (જનરેશન બીટા) સુધી પહોંચ્યા બાદ પણ તરોતાજા રહે તે માટે આ અનોખું આયોજન થઇ રહ્યું છે.” આધુનિક પેઢીઓ કે જે ડિજિટલ યુગમાં ઉછરી રહી છે, તેમને લોકકલાના મૂળભૂત મૂલ્યો, સૌંદર્ય અને મહત્વથી પરિચિત કરાવવાનો આ કાર્યક્રમનો મુખ્ય ઉદ્દેશ્ય છે. આ ભવ્ય સાંસ્કૃતિક ઉત્સવને ત્રણ દિવસમાં વિભાજિત કરવામાં આવ્યો છે,
જેમાં ભારતની વિવિધતાસભર લોકનૃત્ય પરંપરાઓને પ્રસ્તુત કરવામાં આવશે:આ આયોજન માત્ર મનોરંજન પૂરતું સીમિત નથી, પરંતુ તે યુવા પેઢીને તેમની સંસ્કૃતિના મૂળિયાં સાથે જોડવા, કલાકારોને પ્લેટફોર્મ પૂરું પાડવા અને દેશના સમૃદ્ધ લોકકલા વારસાને જાળવી રાખવા માટેનું એક મહત્વપૂર્ણ પગલું છે. શ્રી નરેન્દ્રસિંહ જાદવનો આ પ્રયાસ ખરેખર પ્રશંસનીય છે અને તે ભવિષ્યમાં પણ લોકકલાને જીવંત રાખવામાં મદદરૂપ થશે.
વતનનું ઋણ અદા કરવા ધંધુકાના આકરુ ગામે ગુજરાતનું પ્રથમ ગ્રામીણ લોકકલા સંગ્રહાલય સમો અનમોલ વારસો આપ્યો
પદ્મશ્રી જોરાવરસિંહ જાદવ દ્વારા સ્થાપિત, ધંધુકા તાલુકાના આકરુ ગામે આવેલું ’વિરાસત’ એ ગુજરાતનું પહેલું ગ્રામીણ લોકકલા સંગ્રહાલય છે,આ સંગ્રહાલય ગુજરાતની સમૃદ્ધ લોકકલા, લોકસંસ્કૃતિ, પરંપરાઓ અને ગ્રામીણ જીવનશૈલીને જાળવી રાખવા અને તેને ભાવિ પેઢીઓ સમક્ષ રજૂ કરવાના ઉમદા હેતુથી બનાવવામાં આવ્યું છે. તેમના પુત્ર નરેન્દ્રસિંહ જાદવ વારસાને અકબંધ રાખવા તત્પર રહ્યા છે આ સંગ્રહાલયમાં ગ્રામીણ જીવનશૈલી સાથે સંકળાયેલી વિવિધ ચીજવસ્તુઓ, ઓજારો, વેશભૂષા, ઘરેણાં અને કલાકૃતિઓ પ્રદર્શિત કરવામાં આવી છે. વિવિધ પ્રદેશોની લોકકલાઓ, જેમ કે ભરતકામ, માટીકામ, કાષ્ઠકલા, ચિત્રકલા, અને અન્ય હસ્તકલાના નમૂનાઓ અહીં જોવા મળે છે. સંગ્રહાલયમાં લોકસાહિત્ય, ઇતિહાસ અને ગુજરાતના સાંસ્કૃતિક વારસાને લગતી દુર્લભ માહિતી અને કલાકૃતિઓ પણ છે. પદ્મશ્રી જોરાવરસિંહ જાદવે પોતાનું સમગ્ર જીવન લોકકલાના સંવર્ધન માટે સમર્પિત કર્યું છે, અને ’વિરાસત’ સંગ્રહાલય તેમના આ વિઝનનું મૂર્તિમંત સ્વરૂપ છે. તેમનો ઉદ્દેશ્ય લોકકલાકારોને પ્રોત્સાહન આપવાનો અને ગ્રામીણ કલાને વૈશ્વિક સ્તરે ઓળખ આપવાનો પણ છે.’વિરાસત’ એ માત્ર એક સંગ્રહાલય નથી, પરંતુ તે ગુજરાતના જીવંત વારસા અને તેની પરંપરાઓને સન્માનિત કરતું એક જીવંત પ્રતીક છે.
