તમારા ફાસ્ટેગમાં બેલેન્સ શું છે?

ત્રણ પદ્ધતિઓ થકી સરળતાથી મેળવી શકાય છે માહિતી

ફાસ્ટેગએ નેશનલ હાઈવે ઓથોરિટી ઓફ ઈન્ડિયાદ્વારા શરૂ કરવામાં આવેલી પ્રક્રિયા છે, જે નેશનલ હાઈવેના ટોલ પ્લાઝા પર ઈલેક્ટ્રોનિક ફોર્મ કલેક્શન માટે કામ કરે છે. ફાસ્ટેગ સિસ્ટમની મદદથી, તમે ટોલ પ્લાઝામાં ટોલ ટેક્સ ચૂકવતી વખતે પરેશાનીઓમાંથી મુક્તિ મેળવો છો, અને ફાસ્ટેગની મદદથી તમે ટોલ પ્લાઝા પર રોકાયા વિના તમારો ટોલ પ્લાઝા ટેક્સ ચૂકવી શકો છો. આ માટે તમારે ફક્ત તમારા વાહનની વિન્ડસ્ક્રીન પર ફાસ્ટેગનું સ્ટીકર ચોંટાડવાનું છે, જેથી તમે કારને રોક્યા વિના ઓટોમેટિક ટોલ ટ્રાન્ઝેક્શન કરી શકો. તમને જણાવી દઈએ કે ફાસ્ટેગનો ઉપયોગ કરવા માટે તમારે તેને રિચાર્જ કરવું પડશે. આવી સ્થિતિમાં, કેટલીકવાર આપણે એ પણ જાણવાની જરૂર છે કે તેમાં કેટલું બેલેન્સ બાકી છે. અમને જણાવો કે તમે કઈ રીતે ફાસ્ટવગનું બેલેન્સ ચેક કરી શકો છો.

ફક્ત એક મિસ્ડકોલ થકી મળી જશે વિગતો !!

નેશનલ હાઇવે ઓથોરિટી ઓફ ઇન્ડિયા ફાસ્ટેગ બેલેન્સ ચેક કરવા માટે એક નંબર આપે છે, જેનો ઉપયોગ ફાસ્ટેગ બેલેન્સ ચેક કરવા માટે કરી શકાય છે. જો તમે તમારા એનએચએઆઈ પ્રીપેડ વોલેટને તમારા મોબાઈલ નંબર સાથે લિંક કર્યું હોય તો તમે હાઇવે ઓથોરિટી દ્વારા અપાયેલા નંબર પર એક મિસ્ડ કોલ આપી બેલેન્સ ચેક કરી શકો છો. આ માટે તમારે પહેલા +91  8884333331 પર મિસ્ડ કોલ આપવો પડશે. આમાં તમારા નંબર પર એસએમએસ આવશે અને તે એસએમએસમાં તમારું ફાસ્ટેગ બેલેન્સ દેખાશે.

એસએમએસ એલર્ટ શરૂ કરો અને મેળવો સંપૂર્ણ માહિતી

તમારું ફાસ્ટેગ એકાઉન્ટ તમારા મોબાઈલ નંબર સાથે લિંક થઈ જશે, જેના દ્વારા તમને ટ્રાન્ઝેક્શન વિશેની તમામ માહિતી મળશે. મોબાઈલ નંબર જે તમારા ફાસ્ટેગ એકાઉન્ટ સાથે લિંક થશે. તે નંબર પર મોકલવામાં આવેલ એસએમએસ એલર્ટ દ્વારા, તમારા ફાસ્ટેગ એકાઉન્ટ બેલેન્સ, રિચાર્જ ક્ધફર્મેશન, ટોલ પેમેન્ટ કપાત અને બેલેન્સની માહિતી પ્રાપ્ત થશે.

નેશનલ હાઇવેનું પ્રીપેડ વોલેટ થકી કરી શકાય છે ચેક

સ્ટેપ 1- સૌ પ્રથમ તમારા ફોનમાં પ્લે સ્ટોર અથવા એપ સ્ટોર પર જાઓ.

સ્ટેપ 2- હવે એન્ડ્રોઈડ અથવા આઈફોન પર ’માઈ ફાસ્ટેગ’ એપ ડાઉનલોડ કરો.

સ્ટેપ 3- હવે તમારી લોગિન વિગતો દાખલ કરો.

સ્ટેપ 4 – અહીં તમે તમારું બેલેન્સ જોઈ શકશો.