મેષ (અ,લ,ઈ) :
નાનાં તેમજ મોટા મોટા ઔદ્યોગિક એકમના જાતકો માટે આ સપ્તાહ સાનુકુળ નીવડશે. અગ્નિ તત્વ સંબંધિત કોઈ ને કોઈ સમસ્યા તથા અકસ્માત આવવાની સંભાવના. રંગ, રસાયણનાં ઉત્પાદકોથી લઈને છુટક વ્યાપારના તમામ જાતકો માટે આ સપ્તાહ હળવું ચડાવ ઉતારવાળું જણાશે. અન્ય વ્યાપારીઓ માટે આ સપ્તાહ સરેરાશ રહેશે. સર્વિસ બિઝનેશનાં જાતકો માટે આ સપ્તાહ હળવું ફાયદાકારક રહેશે. સરકારી કર્મચારી માટે મધ્યમ સપ્તાહ, બદલી બઢતીના સંયોગો. ખાનગી નોકરીયાત માટે સારુ સપ્તાહ. મેડીકલ, ઔષધનાં છાત્રો, નિવૃતો તથા ગૃહિણીઓ માટે આ સપ્તાહ સારી રીતે પસાર થશે. ૪ તથા ૫ જુન સામાન્ય નીવડશે.
સિંહ (મ,ટ) :
કાગળ, શાહી તથા સ્ટેશનરી સંબંધિત ઉદ્યોગ તથા વ્યાપારનાં જાતકો માટે આ સપ્તાહ લાભદાયક નીવડશે. વકીલ, જજ, નોટરી માટે આ સપ્તાહ લાભદાયક નીવડશે. સેલેબલ તથા જાહેર ક્ષેત્રની વ્યક્તિ માટે આ સપ્તાહ પ્રતિકુળ રહેશે. ખાનગી બેંકીગ ક્ષેત્રના જાતકો માટે આ સપ્તાહ મધ્યમ જણાશે. સર્વિસ બિઝનેશના જાતકો માટે ખુબ જ લાભદાયક સપ્તાહ. સરકારી તેમજ ખાનગી એકમના નોકરીયાત વર્ગ માટે આ સપ્તાહ સાનુકુળ નીવડશે. આ સપ્તાહ દરમ્યાન પરિવાર જનો કે સગાં સાથે વાદ વિવાદના સંયોગો બને છે. નિવૃત તથા ગૃહસ્થી, ગૃહિણી તથા છાત્રો માટે આ સપ્તાહ સાનુકુળ નીવડશે. ૩૧ મે, ૨ જુન તથા ૪ જુન નાં દિવસો સામાન્ય રહેશે.
મિથુન (ક,છ,ઘ) :
શૈક્ષણિક સંસ્થાઓનાં જાતકો તેમજ જાહેર ટ્રસ્ટ કે જાહેર ક્ષેત્ર સાથે જોડાયેલા શિક્ષકો, આધ્યાપકો, વ્યાખ્યાતાઓ સમેત તમામ જાતકો માટે આ સપ્તાહ મધ્યમ નીવડશે. તમામ પ્રકારના નાના મોટા ઔદ્યોગિક એકમનાં જાતકો તથા વ્યાપાર- વાણિજય એકમના જાતકો માટે આ સપ્તાહ સાનુકુળ નીવડશે. ખાનગી ક્ષેત્રના કર્મચારીઓ માટે આ સપ્તાહ મધ્યમ રહેશે. સરકારી કર્મચારીઓ તેમજ અર્ધ સરકારી કર્મચારીઓ માટે આ સપ્તાહ હળવુ જણાશે. સ્વગૃહી બુધ વાળા જાતકો માટે આ સપ્તાહ ખુબ જ લાભદાયક નીવડશે. નિવૃત સરકારી કર્મચારીઓના જુનાં કામનો ઉકેલ આવવા સંભવ. પરિવાર સુખ કુટુંબ સુખ તથા મિત્રો દ્વારા સાથ સહકાર મળતો રહેશે. ૩ તથા ૫ જુનનાં દિવસો સાવ સામાન્ય નીવડશે.
વૃષભ (બ,વ,ઉ) :
કાયદો એવમ વ્યવસ્થા તંત્રનાં જાતકો તથા આ ક્ષેત્રનાં ખાનગી સેવા આપનાર તમામ શ્રેણીનાં ધારાશાસ્ત્રીઓ તથા તેને સંબંધિત સેવા આપનાર તમામ જાતકો અધિકારી માટે આ સપ્તાહ સરેરાશ નીવડશે. નાનાં ઔધોગિક એકમ તથા વ્યાપાર-વણિજના એકમનાં તમામ જાતકો માટે આ સપ્તાહ હળવું ચડાવ ઉતાર વાળું સાથે લાભદાયક પણ રહેશે. નાના, છુટક વ્યાપારી કે ફેરી કરતાં જાતકો માટે આ સપ્તાહ લાભદાયી નીવડશે. ખાનગી શૈક્ષણિક એકમનાં સર્વ વર્ગના જાતકો માટે આ સપ્તાહે પણ હળવો સંઘર્ષ રહેશે. સરકારી તથા ખાનગી કર્મચારીઓ માટે આ સપ્તાહ લાભદાયી રહેશે. સગાં, સ્નેહીજનો દ્વારા સાથ સહકારના સંયોગો. વિદ્યાર્થીઓ, ગૃહિણીઓ, તથા નિવૃતો માટે ઉતમ સપ્તાહ. ૨ તથા ૫ જુન સરેરાશ નીવડશે.
વૃશ્ચિક (ન,ય) :
ફેબ્રીકેશંસનાં જાતકો, ફિશીંગ તેમજ શીપીંગ ક્ષેત્રનાં જાતકો તથા મરીન એંજીનીયરીંગના જાતકો માટે આ સપ્તાહ હળવું ફાયદાકારક નીવડશે. અગ્નિ સંબંધિત ફુડ બેવરેજીસ તથા રત્નાભુષણના વ્યાપાર તથા ઉત્પાદન સાથે સંક્ળાયેલ જાતકો માટે આ સપ્તાહ સાનુકુળ નીવડશે. રસાયણ ઉદ્યોગ–વ્યાપારના જાતકો માટે સરેરાશ સપ્તાહ. ચિકિત્સા તથા ફાર્મસી ક્ષેત્રના જાતકો માટે લાભદાયી સપ્તાહ. વ્યાપારી જાતકો એવમ સરકારી તથા અર્ધ સરકારી કર્મચારી માટે આ સપ્તાહ મધ્યમ જણાશે. તથા ખાનગી ક્ષેત્રના કર્મચારી માટે ઉતમ સપ્તાહ. અભ્યાસ કરતાં વિદ્યાર્થીઓ, નિવૃતો, ગૃહિણીઓ અને સંતાનો માટે આ સપ્તાહ સુંદર નીવડશે ૩૧ મે તેમજ ૨ તથા ૪ જુનનાં દિવસો સામાન્ય રહેશે
તુલા (ર,ત) :
લઘુ, તથા કુટિર, હસ્ત ઔધોગિક એકમ વાળા જાતકો માટે આ સપ્તાહ સાનુકુળ તેમજ ફાયદાકરક નીવડશે સાથે ધંધા માટે નવાં નવાં સંપર્કો થવાનાં, પ્રવાસ થવાનાં, તેમજ લાભનાં અવસરો મળવાનાં સંયોગો. જથ્થાબંધ તથા દેશ-વિદેશ વ્યાપાર વણિજ તથા વ્યવસાય જોડે સંકળાયેલ તમામ જાતકો માટે આ સપ્તાહ સામાન્ય નીવડશે. કઠોર પરિશ્રમ વાળા ધંધા વ્યાપાર માટે આ સપ્તાહ ખુબ ફાયદાકારક રહેશે. ગોથે ચડી ગયેલા કામકાજને યોગ્ય દિશા મળવાંનાં સંયોગો. માતા-પિતા સાથે હળવા મતભેદની સંભાવના. સરકારી કર્મચારીઓએ આ સપ્તાહે કાળજી લેવી. ખાનગી ક્ષેત્રના કર્મચારી માટે ઠીકઠીક સપ્તાહ. ગૃહિણી તથા મહિલા કર્મચારી માટે સાનુકુળ સપ્તાહ. ૩ તથા ૪ જુનનાં દિવસો સામાન્ય રહેશે
કન્યા (પ,ઠ,ણ) :
આભુષણ, રેડીમેડ ગાર્મેંટ્સ, ફેશન એસેસરીઝ, સંબધિત ઔદ્યોગિક એવમ વ્યાપારી એકમનાં જાતકો માટે આ સપ્તાહ સાનુકુળ રહેશે. જાહેર ક્ષેત્ર તથા રાજકીય ક્ષેત્રની વ્યક્તિ માટે આ સપ્તાહ, પ્રતિકુળ રહેશે. ઔદ્યોગિક ક્ષેત્રનાં જાતકો માટે આ સપ્તાહ અણધાર્યા ફાયદા કરાવશે. મધ્યમ કદના વ્યાપાર વણિજ, સર્વિગ બિઝનેશ ધરાવતાં જાતકો માટે આ સપ્તાહ લાભકારક રહેશે. સરકારી તેમજ અર્ધ સરકારી કર્મચારી માટે આ સપ્તાહ સારુ રહેશે. ખાનગી ક્ષેત્રનાં કર્મચારીઓ માટે આ સપ્તાહ લાભકારક. સંભાવના. પરિવાર સાથે સુમેળતા, સાથ-સહકાર યથાવત રહેશે. મહિલા કર્મી, ગૃહિણીઓ, નિવૃતો તથા યુવા વર્ગ, ઉચ્ચાભ્યાસ કરતાં છાત્રો માટે સાનુકુળ સપ્તાહ ૩૦ મે ૨ તથા ૫ જુન મધ્યમ રહેશે.
કુંભ (ગ,શ,ષ) :
આ સપ્તાહે કોઈ અણધાર્યો લાભ થવાંની સંભાવના. આ સપ્તાહ, શારીરિક તથા માનસિક એમ બન્ને રીતે સાનુકુળ અને ફાયદાકારક રહેશે. નાના નાનાં ઔદ્યોગિક એકમ તથા તમામ પ્રકારનાં વ્યાપારી એકમનાં જાતકો માટે આ સપ્તાહ લાભદાયી નીવડશે. ખાનગી ક્ષેત્રના તમામ વર્ગના કર્મચારીઓ માટે આ સપ્તાહ લાભદાયક નીવડશે. સરકારી કર્મચારી માટે અણધારી બદલી બઢતીના સંયોગો. પેંડીંગ રહેલા કાર્યો સફળતા સાથે પુરાં થશે. અવૈધ કે અવૈવાહિક સંબંધો વાળા જાતકો માટે ભાંડાફોડના સંયોગો. દાંપત્યજીવનમાં સંવાદિતા સર્જાવાનાં સંયોગો.સાસરા પક્ષ તરફથી સાથ સહકારનો અનુભવ થશે. મહિલા કર્મી, ગૃહિણીઓ, નિવૃતો, ઉચ્ચાભ્યાસ કરતાં છાત્રો માટે સાનુકુળ સપ્તાહ. ૩૧ મે તેમજ ૩ જુન સાધારણ રહેશે
મીન (દ,ચ,ઝ,થ) :
આ સપ્તાહે વધારે નિરાંત તેમજ માનસિક રીતે શાંતિ વળવાની સંભાવનાઓ જણાય રહી છે. દરેક પ્રકારના નાના મોટો ઔદ્યોગિક એકમનાં જાતકો તથા વ્યાપાર વણિજ કે જથ્થાબંધ માલના એકમના જાતકો માટે આ સપ્તાહ સાનુકુળ તેમજ હળવું લાભદાયક પણ નીવડશે. આ સપ્તાહ દરમ્યાન, સખત પરિશ્રમ વાળા એકમના જાતકો માટે અનેક વિધ નવી તકો સાંપડશે. ઉદરનાં જુનાં રોગમાં રાહત અથવા સંપૂર્ણ પણે મટી જાય તેવી સંભાવના. સરકારી કર્મચારી તથા ખાનગી ક્ષેત્રના કર્મચારી માટે આ સપ્તાહ સામાન્ય રહેશે. છાત્રો, ગૃહિણીઓ, નિવૃતો માટે હળવું ચડાવ ઉતાર વાળુ સપ્તાહ. ૩૦ મે તેમજ ૧ જુન સામાન્ય નીવડશે. (પન્નોતિથી રાહત મેળવવાં માટે, આહાર ગટરમાં ન જવો જોઈએ)
મકર (ખ,જ) :
હજુ આ સપ્તાહે પણ પન્નોતિનો હળવો પ્રભાવ જણાશે, આથી સંભવ કાળજી રાખવી. બીનજરુરી ઉતાવળ તથા ઉતાવળે બોલવાં પર સંયમ રાખવો. જાહેર ક્ષેત્રની વ્યક્તિઓ તેમજ શૈક્ષણિક સંસ્થાની વ્યક્તિઓએ ખાસ સાચવવું. બિઝનેશમાં ઉતાવળ ન કરવી. ઉદ્યોગ તથા વાણિજયના મોટા એકમના જાતકો માટે આ સપ્તાહ સુંદર નીવડશે. હેવી મશીનરીઝ કે હેવી વ્હીકલ્સ કે જાયન્ટ કોંટ્રાકટ કંપનીનાં જાતકો માટે આ સપ્તાહ હળવું લાભદાયી જણાશે. સેવા-વ્યવસાયના જાતકો માટે સામાન્ય સપ્તાહ. સરકારી નોકરીયાત તથા ખાનગી ક્ષેત્રના કર્મી માટે આ સપ્તાહ સામાન્ય જણાશે. પરિવાર તથા સ્નેહીઓ વચ્ચે સંવાદિતા જળવાશે. ૧ જુન તથા ૨ જુન સામાન્ય રહેશે. (પન્નોતિથી રાહત મેળવવાં માટે પરિશ્રમિકોને પુરતું વળતર આપવું)
ધન (ભ,ફ,ધ,ઢ) :
ભારતિય યોગ -દર્શન તેમજ હર્બલ, આયુર્વેદીક ફાર્મસી, વૈકલ્પિક ચિકિત્સા એકમ સાથે સંકળાયેલ લોકો માટે પન્નોતિનો પ્રભાવ આ સપ્તાહે હળવો પ્રતિકુળ નીવડશે. તેમજ મલ્ટિલેવલ માર્કેટીંગ વાળા માટે પ્રતિકુળ સપ્તાહ. કુટિર ઉદ્યોગ તથા નાના ઔદ્યોગિક એકમના જાતકો માટે સારુ સપ્તાહ. વ્યાપાર-ધંધાનાં જાતકો માટે આ સપ્તાહ હળવું સામાન્ય નીવડશે. સરકારી તેમજ અર્ધ સરકારી નોકરીયાત માટે ખર્ચા વધી જવાની સભાવનાઓ. ખાનગી ક્ષેત્રના કર્મચારી માટે પ્રમોશનનાં સંયોગો. સ્થાનીય કે દેશ -વિદેશના પ્રવાસના સંયોગો. વર્ષો જુના પેંડીગ કાર્યો પૂર્ણ થવાના સંયોગો. વર્કીંગ વૂમન માટે સારુ સપ્તાહ. ૨ તથા ૩ જુન સામાન્ય જણાશે. (પન્નોતિનો ઉપાય શ્રમદાન.)
કર્ક (ડ,હ) :
કલાકારો, શિલ્પીઓ એવમ ટેકનો પર્શન્સ માટે આ સપ્તાહ લાભદાયક નીવડશે. ઔદ્યોગિક એકમના જાતકો તથા ગ્રેઈન મર્ચંટ માટે આ સપ્તાહ સાનુકુળ રહેશે. લાભદાયી હેવી મશીનરી વાળા ઉદ્યોગ- વ્યાપાર- વાણિજય ક્ષેત્રના જાતકો માટે સપ્તાહર ફાયદાકારક નીવડશે. ફેશન, ફેબ્રીક, કોસ્મેટીક ઉદ્યોગ વ્યાપારના જાતકો માટે આ સપ્તાહ લાભકર્તા રહેશે. સરકારી કર્મચારી વર્ગ માટે સારુ સપ્તાહ. અર્ધ સરકારી તથા ખાનગી ક્ષેત્રના કર્મચારીઓ માટે પ્રમોશન તથા પગાર વધારા વાળું નીવડશે. મધ્યમ વર્ગના જાતકો માટે સારુ સપ્તાહ. કુટુબ – પરિવાર સુમેળ અકબંધ રહેશે. યુવાવર્ગો, મહિલાકર્મીઓ, છાત્રો તથા ગૃહિણી વર્ગ માટે ઉતમ સપ્તાહ. કેવળ ૪ જુન સાધારણ રહેશે.
