ગુજરાત સહિત સમગ્ર દેશ માટે ઘાતકી સાબિત થયેલી બીજી લહેરનો અંત આવતા હવે આગામી ત્રીજી લહેરનો ખતરો તોળાઈ રહ્યો છે. જો કે ત્રીજી લહેર આવશે જ એ સુનિશ્ચિત નથી…. પરંતુ ત્રીજી લહેર આવે કે ન આવે રાજ્યની હોસ્પિટલો વેન્ટીલેટરોથી સજ્જ થઈ ચૂકી છે. તાજેતરમાં સરકારે રાજ્યભરની હોસ્પિટલોમાં 13,700 વેન્ટીલેટર મુકવાની યોજના બનાવી કામગીરી શરૂ કરી દીધી છે. જે મુજબ અત્યાર સુધીમાં લગભગ 8,200 વેન્ટિલેટર સરકારી હોસ્પિટલોમાં મુકવામાં આવ્યા છે. જ્યારે હજુ 4,500 થી વધુ વેન્ટીલેટર આગામી ટૂંક જ સમયમાં ઉમેરવાની યોજના છે.
અત્યાર સુધીમાં સરકારી હોસ્પિટલોમાં 8500 વેન્ટીલેટર મુકાયા, સપ્ટેમ્બર-ઓક્ટોબર સુધીમાં વધુ 4500 વેન્ટીલેટર ફાળવવાનો સરકારનો લક્ષ્યાંક
ગુજરાત મેડિકલ સર્વિસ કોર્પોરેશન લિમિટેડ (જીએમએસસીએલ) કે જે ગુજરાતમાં સરકારી હોસ્પિટલો માટે તબીબી ઉપકરણોની ખરીદી માટેની કેન્દ્રિય ખરીદી સત્તા ધરાવે છે. તેણે તાજેતરમાં 500 વેન્ટિલેટર માટે ટેન્ડર બહાર પાડયા છે. કોર્પોરેશનના જણાવ્યા મુજબ
ગયા વર્ષે માર્ચમાં કોવિડ-19 રોગચાળાએ દેશવ્યાપી લોકડાઉન લાગુ કર્યા બાદ રાજ્ય સરકાર દ્વારા લગભગ 8,170 વેન્ટિલેટર સ્થાપિત કરાયા છે. સરકારે હજુ વધુ વેન્ટિલેટર ખરીદવાની યોજનાને મંજૂરી આપી દીધી છે અને આવનારા દિવસોમાં આ સંખ્યામાં વધારો થશે.
આ અંગે માહિતી આપતા રાજ્ય સરકારના વરિષ્ઠ અધિકારીએ જણાવ્યું જણાવ્યું કે, બીઈએલ-સ્કેન્રે, મેક્સ વેન્ટિલેટર અને શિલર હેલ્થકેર ઈન્ડિયા પ્રા.લિ. જેવી કંપનીઓ વેન્ટિલેટર માટે જીએમએસસીએલ દ્વારા અપાયેલી બોલીઓમાં ભાગ લે તેવી અપેક્ષા છે. આગામી કેટલાક મહિનામાં રાજ્યની વેન્ટીલેટર સ્થાપિત ક્ષમતામાં 55 ટકાનો વધારો જોવા મળશે. જણાવી દઈએ કે રાજ્ય સરકારે તાજેતરમાં વેન્ટીલેટર ઉત્પાદક કંપનીઓ સાથે પૂર્વ-બિડ બેઠક યોજી વિચારણા હાથ ધરી હતી. પ્રથમ તરંગની ટોચની માંગની તુલનામાં બીજી તરંગમાં વેન્ટિલેટરની માંગ લગભગ બમણી થઈ ગઈ હતી. ઉદ્યોગો સાથે સંબંધિત નિષ્ણાંતે જણાવ્યું કે દેશમાં મે માસમાં દેશની કુલ આવશ્યકતાના આશરે 50% જેટલા પ્રતિનિધિત્વ કરતા 50,000-60,000 વેન્ટિલેટરની અછતનો સામનો કરવો પડ્યો હતો.
