આઇસીએઆઈની સેન્ટ્રલ કાઉન્સીલમાં 24000નું મતદાન ધરાવતા ગુજરાત પાસે 4 સભ્યોની પ્રતિનિધિત્વની તક
ઈન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઈન્ડિયા (આઇસીએઆઈ) સેન્ટ્રલ કાઉન્સિલની પેટાચૂંટણી માટે શુક્રવાર અને શનિવારે મતદાન થનારું છે. જેમાં ગુજરાતમાંથી વિકાશ જૈન ચૂંટણી લડી રહ્યા છે. જો વિકાસ જૈન ચૂંટણી જીતે તો પ્રથમવાર આઇસીએઆઈની સેન્ટ્રલ કાઉન્સીલમાં ગુજરાતના 4 સભ્યો હશે. પશ્ચિમ ક્ષેત્રમાં કેન્દ્રીય કાઉન્સિલની 11 બેઠકો છે અને મુંબઈ સ્થિત સીએ સુનિલ પટોડિયાના મૃત્યુને કારણે પેટાચૂંટણી જરૂરી બની હતી.
આઇસીએઆઈ અમદાવાદ શાખાના ભૂતપૂર્વ ચેરમેન વિકાસ જૈન પેટાચૂંટણી લડી રહ્યા છે અને અન્ય ચાર ઉમેદવારો મુંબઈના છે. પશ્ચિમ વિસ્તારમાં 1.16 લાખ સીએ મતદારો છે જેમાં ગુજરાતના 24000 મતદારો છે.
હાલમાં ગુજરાતમાંથી ત્રણ સીએ કેન્દ્રીય પરિષદના સભ્યો અનિકેત તલાટી, પુરુષોત્તમ ખંડેલવાલ અને વિશાલ દોશી છે. જો વિકાસ જૈન પેટાચૂંટણી જીતશે તો પ્રથમ વખત આઇસીએઆઈની કેન્દ્રીય પરિષદમાં ચાર ગુજરાતી સભ્યો હશે.
