આત્મવિશ્વાસના અભાવે દક્ષિણ આફ્રિકાની ટીમ ફકત ૧૩૭ રનમાં સમેટાઈ જતા કાંગારુની સરળ જીત
મહિલા ટી – ૨૦ વર્લ્ડકપની મેચ ઓસ્ટ્રેલિયા જીત્યુ છે. ઓસ્ટ્રેલિયાની મહિલા ટીમ છઠ્ઠી વખત વર્લ્ડ ચેમ્પિન બની રેકોર્ડ બનાવી દીધો છે. ઓસ્ટ્રેલિયાની ટીમે ૨૦ ઓવરમાં ૧૫૬ રન બનાવ્યા હતા જ્યારે દક્ષિણ આફ્રિકાની ટીમ માત્ર ૧૩૭ રનમાં સમેટાઈ ગઈ હતી. ઓસ્ટ્રેલિયન ખેલાડી બેથ મૂનીએ ૭૪ રન ફટકાર્યા હતા અને તેની આ ઈનિંગ મેચ ઈનિંગ સાબિત થઈ હતી.
આઇસીસી મહિલા ટી-૨૦ વર્લ્ડ કપની ફાઇનલમાં ઓસ્ટ્રેલિયાએ દક્ષિણ આફ્રિકાને ૧૯ રને હરાવ્યું હતું. આ સાથે ઓસ્ટ્રેલિયાની મહિલા ટીમે છઠ્ઠી વખત વર્લ્ડ ચેમ્પિયન બની રેકોર્ડ બનાવ્યો છે. કેપટાઉનમાં રમાયેલી આ ફાઈનલ મેચમાં ઓસ્ટ્રેલિયન કેપ્ટન મેગ લેનિંગે ટોસ જીતીને પ્રથમ બેટિંગ કરવાનો નિર્ણય કર્યો હતો. પ્રથમ બેટિંગ કરતા ઓસ્ટ્રેલિયાની મહિલા ટીમે ૨૦ ઓવરમાં ૬ વિકેટ ગુમાવીને ૧૫૬ રન બનાવ્યા હતા. જ્યારે ઓસ્ટ્રેલિયન ખેલાડી બેથ મૂનીએ ૭૪ રન ફટકાર્યા હતા.
ઓસ્ટ્રેલિયા દ્વારા આપવામાં આવેલા ૧૫૭ રનના લક્ષ્યાંકને ચેઝ કરવા ઉતરેલી દક્ષિણ આફ્રિકાની ટીમ ૨૦ ઓવરમાં ૬ વિકેટ ગુમાવીને ૧૩૭ રન જ બનાવી શકી હતી. દક્ષિણ આફ્રિકાની ટીમ સામે ઓસ્ટ્રેલિયાની ટીમે ૧૯ રન વિજય મેળવ્યો હતો. ઓસ્ટ્રેલિયાની મહિલા ટીમ વર્લ્ડકપમાં એક પણ મેચ હારી નથી. આમ અણનમ રહીને ઓસ્ટ્રેલિયાની ટીમે વર્લ્ડકપની ટ્રોફી જીતી હતી.
ઓસ્ટ્રેલિયાની ડેશિંગ ઓપનર બેથ મૂની ફરી એકવાર તેની ટીમ માટે મેચ વિનર સાબિત થઈ. ફાઈનલ મેચમાં દક્ષિણ આફ્રિકા સામે બેથ મૂનીએ ૫૩ બોલમાં ૭૪ રનની ઈનિંગ રમી હતી. આ મેચમાં તેણે ૯ ફોર અને ૧ શાનદાર સિક્સ પણ ફટકારી હતી. મૂની ઉપરાંત વિકેટ કીપર બેટ્સમેન એલિસા હીલીએ પણ ૧૮ રનનું ફટકાર્યા હતા જ્યારે એશ્લે ગાર્ડનરે ૨૯ રન માર્યા હતા. આ સિવાય ગ્રાસ હેરિસ અને કેપ્ટન મેગ લેનિંગે ૧૦-૧૦ રન ફટકાર્યા હતા.
બોલિંગમાં દક્ષિણ આફ્રિકાની ટીમ પ્રથમની શરૂઆત સારી રહી નહીં, શરૂઆતની ઓવરમાં કોઈ વિકેટ આફ્રિકાની ટીમને મળી ન હતી. જો કે એલિસા હીલી મેરિજેન કેપ દ્વારા આઉટ થઈ ગઈ હતી, પરંતુ તે પછી બેથ મૂની અને ગાર્ડનરે ઈનિંગ્સને સંભાળી હતી અને ટીમને મજબૂત સ્કોર સુધી પહોંચાડવામાં મહત્વની ભૂમિકા ભજવી હતી. દક્ષિણ આફ્રિકા માટે શબનમ ઈસ્માઈલ અને કૈપે બે-બે વિકેટ ઝડપી હતી.
જ્યારે અલવા નૉનકુલુલેકા મ્લાબા અને કોલ ટ્રાયનને એક એક વિકેટ ઝડપી હતી.સમગ્ર ટૂર્નામેંટમાં પોતાની દમદાર બેટિંગ માટે ચર્ચામાં રહેલી તાઝમિન બ્રિટ્સ ફાઈનલ મેચમાં ખાસ કમાલ કરી શકી નહતી.ફાઈલન મેચમાં તે માત્ર ૧૦ રન બનાવીને આઉટ થઈ ગઈ હતી. જ્યારે બ્રિટ્સની જોડીદાર લૌરા વોલ્વાર્ડટે ફિક્ટી મારી હતી, જોકે તેની આ ફિક્ટી એડે ગઈ હતી
