Table of Contents

ફાઇનલ વિજેતાને મળશે રૂ. 30.7 કરોડનું ઇનામ જે આઇપીએલ અને ફ્રેન્ચ ઓપન વિજેતા કરતા પણ વધુ છે

IPL અને ફ્રેન્ચ ઓપનના ક્રેઝ પછી, હવે ક્રિકેટની સૌથી મોટી મેચનો સમય આવી ગયો છે. એક એવી ચેમ્પિયનશિપ જેની ફાઇનલ બે વર્ષે એકવાર યોજાય છે. જ્યારે ટુર્નામેન્ટ આટલી લાંબી ચાલે છે, ત્યારે ઈનામી રકમ પણ અદ્ભુત હશે. 11 જૂનથી ઓસ્ટ્રેલિયા અને દક્ષિણ આફ્રિકા વચ્ચે યોજાનારી વર્લ્ડ ટેસ્ટ ચેમ્પિયનશિપ જીતનારી ટીમને એટલી ઈનામી રકમ મળશે જેટલી આઈપીએલ કે ફ્રેન્ચ ઓપનના ચેમ્પિયનને મળી નથી.

જ્યારે 3 જૂને રોયલ ચેલેન્જર્સ બેંગ્લોરે આઈપીએલનો ખિતાબ જીત્યો, ત્યારે તેને 20 કરોડની ઈનામી રકમ મળી. PSL વિજેતાને મળેલી રકમ સાથે તેની સરખામણી તરત જ શરૂ થઈ ગઈ. પાકિસ્તાની T20 લીગ PSL ના ચેમ્પિયનને 4.25 કરોડ રૂપિયાની ઈનામી રકમ મળી. ઘણા રમત પ્રેમીઓ પણ તેમની ઈનામી રકમ દ્વારા ટુર્નામેન્ટનું મૂલ્યાંકન કરે છે. આવા લોકો માટે, એ રસપ્રદ માહિતી હોઈ શકે છે કે IPLચેમ્પિયનને PSL કરતાં લગભગ ચાર ગણી રકમ મળી હોય, પણ તે ફ્રેન્ચ ઓપન કરતાં ઓછી છે.

જ્યારે સ્પેનના કાર્લોસ અલ્કારાઝે રવિવારે ફ્રેન્ચ ઓપનની ફાઇનલમાં યાનિક સિનરને હરાવ્યો, ત્યારે તેને 2.55 મિલિયન યુરો (લગભગ 24 કરોડ 95 લાખ રૂપિયા) મળ્યા. સ્વાભાવિક છે કે, ફ્રેન્ચ ઓપનમાં એક ખેલાડીએ ઈંઙક જીતવા બદલ આખી ટીમને મળેલા પૈસા કરતાં વધુ પૈસા લીધા.

હવે 11 જૂનથી, ઓસ્ટ્રેલિયા અને દક્ષિણ આફ્રિકા WTC ફાઇનલમાં એકબીજાનો સામનો કરશે. મેચ જીતનાર ટીમને માત્ર ટેસ્ટ ચેમ્પિયનનો તાજ પહેરાવવામાં આવશે નહીં પરંતુ લગભગ 30.7 કરોડ રૂપિયા (3.6 મિલિયન ડોલર)નું ઇનામ પણ મળશે. WTC ફાઇનલ હારનાર ટીમને લગભગ 18.53 કરોડ રૂપિયા (2.16 મિલિયન ડોલર) મળશે. આ IPL ચેમ્પિયન RCBને મળેલી રકમ કરતાં થોડું ઓછું છે. તમને જણાવી દઈએ કે જ્યારે ભારતે ગયા વર્ષે T20 ટાઇટલ જીત્યું હતું, ત્યારે તેને લગભગ 20.4 કરોડ રૂપિયા મળ્યા હતા. એટલે કે, ઠઝઈ ચેમ્પિયનને ઝ20 વર્લ્ડ કપ જીતનાર ટીમ કરતાં ઘણી વધુ ઇનામી રકમ મળવાની છે.

ICC વર્લ્ડ ટેસ્ટ ચેમ્પિયનશિપની ત્રીજી ફાઇનલ દક્ષિણ આફ્રિકા અને ડિફેન્ડિંગ ચેમ્પિયન ઓસ્ટ્રેલિયા વચ્ચે રમાશે. WTC 2023-25 સર્કલની બે ટોચની ટીમો વચ્ચેનો આ હાઇ-વોલ્ટેજ મેચ 11 થી 15 જૂન દરમિયાન લંડનના લોર્ડ્સ ખાતે રમાશે. પ્રોટીઝ ટીમ ઠઝઈ 2023-25 પોઈન્ટ ટેબલમાં ટોચ પર રહીને અને સતત સાત મેચ જીતીને ફાઇનલમાં પહોંચી છે જ્યારે ડિફેન્ડિંગ ચેમ્પિયન ઓસ્ટ્રેલિયાએ તેમની છેલ્લી છ ટેસ્ટ મેચમાંથી પાંચ જીતી છે.

બેગી ગ્રીન્સ (ઓસ્ટ્રેલિયા) આ એકમાત્ર મેચમાં ટેમ્બા બાવુમા અને તેની ટીમને હરાવીને બીજી વખત ઠઝઈ વિજેતા બનવા માંગશે. જોકે, તે સરળ નહીં હોય કારણ કે પ્રોટીઝ પણ આ મોટી મેચ માટે સંપૂર્ણ તૈયારી સાથે આવી રહ્યા છે. દક્ષિણ આફ્રિકા અને ઓસ્ટ્રેલિયા વચ્ચે WTC 2025 ફાઇનલ ક્રિકેટના ઘરઆંગણે રોમાંચક મુકાબલો બનવાનું વચન આપે છે, અને કઈ ટીમ ટાઇટલ જીતશે તે કહેવું હજુ વહેલું છે.

ટુર્નામેન્ટના નિયમો અનુસાર, જો ઠઝઈ 2025 ફાઇનલ ડ્રો થાય અથવા ટાઇ થાય અથવા મેચ રદ થાય, તો ઓસ્ટ્રેલિયા અને દક્ષિણ આફ્રિકાએ WTC ટ્રોફી શેર કરવી પડશે. જોકે, ડ્રોની શક્યતા ઘટાડવા માટે મેચમાં રિઝર્વ ડે રાખવામાં આવ્યો છે. પરંતુ રિઝર્વ ડેનો ઉપયોગ ત્યારે જ કરવામાં આવશે જ્યારે ખરાબ હવામાનને કારણે પાંચ દિવસમાં સમય ગુમાવવામાં આવે અને તેઓ તે પાંચ દિવસમાં તેની ભરપાઈ કરી શકતા ન હોય અને પાંચમા દિવસના અંત સુધીમાં કોઈ પરિણામ ન આવે.

ઓસ્ટ્રેલિયા અને દક્ષિણ આફ્રિકાની ક્રિકેટ ટીમો લોર્ડ્સના ઐતિહાસિક મેદાન પર વર્લ્ડ ટેસ્ટ ચેમ્પિયનશિપના ફાઇનલમાં ટકરાવવા માટે તૈયારી કરી રહી છે. ફાઇનલ મેચ માટે બંને ટીમોની ટીમની જાહેરાત કરવામાં આવી છે. ઓસ્ટ્રેલિયાનું નેતૃત્વ પેટ કમિન્સ કરશે જ્યારે દક્ષિણ આફ્રિકાનું નેતૃત્વ ટેમ્બા બાવુમા કરશે. ટેસ્ટ ક્રિકેટમાં દક્ષિણ આફ્રિકાનો ઓસ્ટ્રેલિયા સામે નબળો ફાયદો છે. બંને ટીમોએ આ પહેલા એકબીજા સામે 101 ટેસ્ટ મેચ રમી છે પરંતુ દક્ષિણ આફ્રિકાએ ફક્ત 26 ટેસ્ટ મેચ જીતી છે. જોકે, આ વખતે દક્ષિણ આફ્રિકાનું મનોબળ ઊંચું છે અને તેના ખેલાડીઓ ઈંઈઈ ટ્રોફી જીતવા માંગે છે.ઓસ્ટ્રેલિયાએ દક્ષિણ આફ્રિકા સામે 54 ટેસ્ટ મેચ જીતી છે. બંને ટીમો વચ્ચે 21 ટેસ્ટ ડ્રો થઈ છે. ઓસ્ટ્રેલિયાએ ઘરઆંગણે 23 ટેસ્ટ જીતી છે જ્યારે દક્ષિણ આફ્રિકાએ તેના ઘરઆંગણે 16 ટેસ્ટ જીતી છે. ઓસ્ટ્રેલિયાએ ઘરઆંગણે 29 ટેસ્ટ જીતી છે જ્યારે દક્ષિણ આફ્રિકાએ 10 વિદેશમાં ટેસ્ટ જીતી છે. દક્ષિણ આફ્રિકા પહેલીવાર ઠઝઈ ફાઇનલમાં પહોંચ્યું છે જ્યારે ઓસ્ટ્રેલિયા ડિફેન્ડિંગ ચેમ્પિયન છે. તે ટાઇટલ બચાવવાના ઇરાદા સાથે પ્રવેશ કરશે.

દક્ષિણ આફ્રિકાના દિગ્ગજ બેટ્સમેન એબી ડી વિલિયર્સ કહે છે કે તેમને તેમની ટીમની જીતનો વિશ્વાસ છે. તેમનું કહેવું છે કે દક્ષિણ આફ્રિકા વિરોધી ટીમને અપસેટ કરશે. ડી વિલિયર્સના મતે, ’હું આ પડકાર માટે ઉત્સાહિત છું. અમારી ટીમ સંતુલિત છે. મને વિશ્વાસ છે કે અમે ઓસ્ટ્રેલિયાને અપસેટ કરી શકીશું. હું અપસેટ કહી રહ્યો છું કારણ કે તેઓ સ્પષ્ટપણે આ ICC વર્લ્ડ ટેસ્ટ ચેમ્પિયનશિપ ફાઇનલ જીતવા માટે ફેવરિટ છે.’

ઓસ્ટ્રેલિયા: પેટ કમિન્સ (કેપ્ટન), મિશેલ સ્ટાર્ક, જોશ હેઝલવુડ, સ્કોટ બોલેન્ડ, નાથન લિયોન, મેટ કુહનેમેન, ઉસ્માન ખ્વાજા, સેમ કોન્સ્ટાસ, માર્નસ લાબુશેન, સ્ટીવ સ્મિથ, ટ્રેવિસ હેડ, એલેક્સ કેરી, જોશ ઇંગ્લિસ, કેમેરોન ગ્રીન, બ્યુ વેબસ્ટર.

દક્ષિણ આફ્રિકા: ટેમ્બા બાવુમા (કેપ્ટન), ડેવિડ બેડિંગહામ, ટ્રિસ્ટન સ્ટબ્સ, કાયલ વેરિન, વિઆન મુલ્ડર, માર્કો જેન્સન, કોર્બિન બોશ, કાગીસો રબાડા, લુંગી ન્ગીડી, ડેન પેટરસન, કેશવ મહારાજ, સેનુરન મુથુસામી, ટોની ડી જોર્જી, રાયન રિકેલ્ટન, એડન માર્કરામ.

વર્લ્ડ ટેસ્ટ ચેમ્પિયનશિપનો ફાઇનલ ઇંગ્લેન્ડ બહાર પણ રમાડવી જોઈએ: પેટ કમિન્સ

ICC વર્લ્ડ ટેસ્ટ ચેમ્પિયનશિપની ત્રીજી આવૃત્તિની અંતિમ મેચ ઓસ્ટ્રેલિયા અને દક્ષિણ આફ્રિકા વચ્ચે ઈંગ્લેન્ડના લોર્ડ્સના મેદાન પર રમાનારી છે. આ મેચ પહેલા, ડિફેન્ડિંગ ચેમ્પિયન ઓસ્ટ્રેલિયાના કેપ્ટન પેટ કમિન્સે યજમાની પર નારાજગી વ્યક્ત કરી છે અને ફરિયાદભર્યા સ્વરમાં ઈંઈઈ ને અપીલ પણ કરી છે.

તાજેતરમાં, કેટલાક અહેવાલો આવ્યા હતા કે BCCI ટેસ્ટ ચેમ્પિયનશિપ ફાઇનલનું આયોજન કરવાનું વિચારી રહ્યું છે અને શક્ય છે કે આગામી ફાઇનલ ભારતમાં રમાય. કમિન્સ પણ ઇંગ્લેન્ડની બહાર ફાઇનલ યોજવાના પક્ષમાં છે, પરંતુ તેમણે આ વાત ખૂબ જ રક્ષણાત્મક રીતે કહી છે. તેમણે એમ પણ કહ્યું છે કે લોર્ડ્સનું મેદાન પણ એક સારો વિકલ્પ છે.

કમિન્સે કહ્યું, “સિસ્ટમ મુજબ, ફક્ત એક જ સ્થળ હોવું સરળ લાગે છે. જો પાછલી આવૃત્તિનો વિજેતા દેશ આગામી ફાઇનલનું આયોજન કરે તો તે સારું રહેશે. પરંતુ એક વિકલ્પ તરીકે, દર વખતે ફાઇનલ માટે લોર્ડ્સને પસંદ કરવું પણ સારું છે.”

અત્યાર સુધી, ઇંગ્લેન્ડે વર્લ્ડ ટેસ્ટ ચેમ્પિયનશિપની ફાઇનલનું આયોજન કર્યું છે. કમિન્સ માને છે કે આ ફાઇનલ હવે ઈંગ્લેન્ડની બહાર લઈ જવી જોઈએ. ગયા સિઝનમાં ઓસ્ટ્રેલિયાને ખિતાબ અપાવનાર કેપ્ટને કહ્યું કે વર્તમાન ચેમ્પિયનને ફાઇનલનું આયોજન કરવાની જવાબદારી મળવી જોઈએ. જ્યારે કમિન્સને ઠઝઈ ટાઇટલ જીતવા વિશે પૂછવામાં આવ્યું ત્યારે તેમણે કહ્યું કે તે શાનદાર હશે, પરંતુ ભારતમાં ઘઉઈં વર્લ્ડ કપ જીતવા કરતાં વધુ સારું નહીં. જમણા હાથના ઝડપી બોલરે કહ્યું, “આ સમય દરમિયાન આપણે શું હાંસલ કર્યું છે તે જણાવતી બે ઈંઈઈ મેસ હોવી ખૂબ જ સારી વાત હશે. અમને લાગે છે કે આપણે વિવિધ પરિસ્થિતિઓમાં શ્રેષ્ઠ ટીમ તરીકે ઉભરી આવ્યા છીએ. ફરી એકવાર અંતે તે મેસ પકડી રાખવી ખૂબ જ સારી વાત હશે. પરંતુ ODI વર્લ્ડ કપ-2023 જીતવું ટોચ પર છે. મારા માટે આ નંબર-1 છે.”

સાઉથ આફ્રિકાને હળવાશ ન લેવાની નાથન લિયોનની સલાહ

ઓસ્ટ્રેલિયા 11 જૂનથી લોર્ડ્સમાં પોતાના આઈસીસી વર્લ્ડ ટેસ્ટ ચેમ્પિયનશિપ ટાઇટલનો બચાવ કરવા માટે તૈયાર છે. અનુભવી સ્પિનર નાથન લિયોને પોતાની ટીમને ચેતવણી આપી છે કે દક્ષિણ આફ્રિકાની મજબૂત બેટિંગ લાઇનઅપને ઓછી ન આંકે. લિયોને કહ્યું છે કે દક્ષિણ આફ્રિકા પાસે કેટલાક વર્લ્ડ ક્લાસ બેટ્સમેન છે. નાથન લિયોને કહ્યું, “ત્રણ (50 ઓવર) વર્લ્ડ કપ અને ટી20 વર્લ્ડ કપ અને દેખીતી રીતે થોડા વર્ષો પહેલા વર્લ્ડ ટેસ્ટ ચેમ્પિયનશિપ ફાઇનલ જીતનારા ખેલાડીઓનો અનુભવ, તે અનુભવ અને તે ઉચ્ચ રમતોમાં તે દબાણ, તે આપણા પક્ષમાં રહેશે. પરંતુ જ્યારે તમે રમતમાં ઉતરો છો ત્યારે તેનો કોઈ અર્થ નથી. દક્ષિણ આફ્રિકા પાસે કેટલાક વર્લ્ડ ક્લાસ બેટ્સમેન છે અને દેખીતી રીતે તેમની પાસે કેટલાક અદ્ભુત બોલરો પણ છે. તેથી તે એક સારો પડકાર હશે અને દેખીતી રીતે તે એક વખતની ટેસ્ટ મેચ હશે. તે એક અલગ પ્રકારનો પડકાર હશે અને વિદેશી પરિસ્થિતિઓ અને ડ્યુક્સ બોલ સાથે.”