મને પણ ફુગ્ગા ગમે જ છે,
પણ તોય ફુગ્ગાથી રમવાની ઉંમરે ફુગ્ગા વેચું છું ને,
પણ હા હું પણ છું તો એક બાળક જ !
મને પણ નવા કપડા પહેરી હરવું-ફરવું ગમે છે,
પણ તોય ફાટેલા કપડા પહેરી કામ કરું છું,
પણ હા હું પણ છું તો એક બાળક જ !
હા મને પણ તાજુ અને સ્વાદિષ્ટ જમવાનું ભાવે જ છે,
પણ તોય ઘણીવાર ભુખ્યા સુઈ જાવ છું,
પણ હા હું પણ છું તો એક બાળક જ !
મને પણ ગાડીમાં ફરવું ગમે છે,
પણ તોય ઉઘાડા પગે ફરવું પડે છે,
પણ હા હું પણ છું તો એક બાળક જ !
હા મને પણ પીગીબેન રાખવાનું મન થાય જ છે,
પણ તોય લાચારીથી હાથ લાંબા કરી માંગવું પડે છે
પણ હા હું પણ છું તો એક બાળક જ !
